ಎ.ಪಿ.ಅಬ್ದುಲ್ಲ ಕುಟ್ಟಿಗೆ ಒಲಿದ ಬಿಜೆಪಿ ರಾಷ್ಟ್ರೀಯ ಉಪಾಧ್ಯಕ್ಷ ಪಟ್ಟ

     

          ನವದೆಹಲಿ: ಬಿಜೆಪಿ ನೂತನವಾಗಿ ಪ್ರಕಟಿಸಿದ ರಾಷ್ಟ್ರೀಯ ಪದಾಧಿಕಾರಿಗಳ ಪಟ್ಟಿಯಲ್ಲಿ ಕೇರಳದ ಎ.ಪಿ. ಅಬ್ದುಲ್ಲಕುಟ್ಟಿ ಅವರು ಪಕ್ಷದ ರಾಷ್ಟ್ರೀಯ ಉಪಾಧ್ಯಕ್ಷರಾಗಿ ಆಯ್ಕೆಯಾಗಿರುವರು. ತೇಜಸ್ವಿ ಸೂರ್ಯ ಯುವ ಮೋರ್ಚಾದ ಹೊಸ ಅಧ್ಯಕ್ಷರಾಗಿದ್ದಾರೆ. ಟಾಮ್ ವಡಕ್ಕನ್ ಮತ್ತು ರಾಜೀವ್ ಚಂದ್ರಶೇಖರ್ ಬಿಜೆಪಿ ರಾಷ್ಟ್ರೀಯ ವಕ್ತಾರರಾದರು. ಈ ಪಟ್ಟಿಯಲ್ಲಿ 12 ಉಪಾಧ್ಯಕ್ಷರು ಸೇರಿದ್ದಾರೆ.

      23 ರಾಷ್ಟ್ರೀಯ ವಕ್ತಾರರಿದ್ದಾರೆ. ಅರವಿಂದ್ ಮೆನನ್ ರಾಷ್ಟ್ರೀಯ ಕಾರ್ಯದರ್ಶಿಯಾಗಲಿದ್ದಾರೆ. ಪಂಕಜಾ ಮುಂಡೆ ಕೂಡ ರಾಷ್ಟ್ರೀಯ ಕಾರ್ಯದರ್ಶಿ ಪಟ್ಟಿಯಲ್ಲಿದ್ದಾರೆ. 13 ರಾಷ್ಟ್ರೀಯ ಕಾರ್ಯದರ್ಶಿಗಳಿದ್ದಾರೆ. ರಾಮ್ ಮಾಧವ್ ಮತ್ತು ಮುರಲೀಧರ್ ರಾವ್ ಅವರು ಪ್ರಧಾನ ಕಾರ್ಯದರ್ಶಿಗಳ ಪಟ್ಟಿಯಲ್ಲಿ ಇಲ್ಲ.