ಇನ್ನು ಮಲೆಯಾಳ ದೈನಿಕ ಮಾತೃಭೂಮಿ ಓದಲಾರೆ!- 'ಜನ್ಮಭೂಮಿ ಮತ್ತು ಜನಂ ಲೇಸು- ಕೆ ಅಜಿತಾ ಹೇಳಿಕೆ

   

     ಕೊಚ್ಚಿ: ಸಾಮಾಜಿಕ ಹೋರಾಟಗಾರ್ತಿ ಕೆ.ಅಜಿತಾ ಮಲೆಯಾಳಂ ಪ್ರಸಿದ್ದ ಸುದ್ದಿ ಮಾಧ್ಯಮ ಮಾತೃಭೂಮಿಯೊಂದಿಗೆ ಮುನಿಸುಗೊಂಡಿದ್ದು, ದಶಕಗಳಿಂದ ಓದುತ್ತಿದ್ದ ಮಾತೃಭೂಮಿ ಪತ್ರಿಕೆಯನ್ನು ಇನ್ನು ಓದಲಾರೆ ಎಂದು ಪೇಸ್ ಬುಕ್ ಪೋಸ್ಟ್ ನಲ್ಲಿ ಹರಿಹಾಯ್ದಿದ್ದಾರೆ!

         ಮಾತೃಭೂಮಿ ಸಂಪಾದಕರನ್ನು ಉದ್ದೇಶಿಸಿ ಮಾತನಾಡಿದ ಅಜಿತಾ ಅವರು ಫೇಸ್‍ಬುಕ್ ಪೆÇೀಸ್ಟ್‍ನಲ್ಲಿ ಮಾಧ್ಯಮ ಸಂಸ್ಥೆಯನ್ನು ಬಹಿಷ್ಕರಿಸುತ್ತಿದ್ದೇನೆ ಎಂದು ಹೇಳಿದ್ದಾರೆ. "ನರೇಂದ್ರ ಮೋದಿ ಈಗ ಮಾತೃಭೂಮಿಯ ನಾಯಕ. ನಂತರ ಸಾವರ್ಕರ್ ಮತ್ತು ಗೋಡ್ಸೆಯವರೆಲ್ಲ  ಪತ್ರಿಕೆಗೆ ಇತಿಹಾಸ ನಿರ್ಮಿಸಿದ ಮಹಾತ್ಮರು ಆಗಿರಬಹುದು. ಅಯ್ಯೋ!" ಎಂದು ಅಜಿತಾ ಫೇಸ್‍ಬುಕ್ ಪೆÇೀಸ್ಟ್‍ನಲ್ಲಿ ಬರೆದಿದ್ದಾರೆ. ಜೊತೆಗೆ ಇದಕ್ಕಿಂತ ಜನ್ಮಭೂಮಿ ಮತ್ತು ಜನಂ ಟಿ.ವಿ ಉತ್ತಮವಾದುದೆಂದು ಲೇವಡಿ ಗೈದಿರುವರು.

      ಸೆಪ್ಟೆಂಬರ್ 17 ರಂದು ಪ್ರಧಾನಿ ನರೇಂದ್ರ ಮೋದಿಯವರ ಜನ್ಮದಿನದಂದು ವಿಶೇಷ ಲೇಖನಗಳಿಗಾಗಿ ಮಾತೃಭೂಮಿ ಸಂಪಾದಕೀಯ ಸೇರಿದಂತೆ ಎರಡು ಪುಟಗಳನ್ನು ಮೀಸಲಿಟ್ಟಿದ್ದರು. 'ವಡನಗರ ಮೀರಿದ ಹೆಜ್ಜೆಗಳು' ಎಂಬ ಮುಖ್ಯ ಲೇಖನದ ಜೊತೆಗೆ, ಸ್ಮೃತಿ ಇರಾನಿ, ಯೋಗಿ ಆದಿತ್ಯನಾಥ್ ಮತ್ತು ರಾಜೀವ್ ಚಂದ್ರಶೇಖರನ್ ಸಂಸದರಿಂದ ಮಾತೃಭೂಮಿ ಮೋದಿಯವರ ಅಂಕಣಗಳನ್ನು ಪ್ರಕಟಿಸಿತ್ತು. ಇದನ್ನು ವಿರೋಧಿಸಿ ಮಾಜಿ ನಕ್ಸಲೈಟ್ ಕೆ ಅಜಿತಾ ಪ್ರತಿಭಟನೆ ನಡೆಸಿದರು. 

        ಕೆ.ಅಜಿತಾ ಹೇಳುವಂತೆ ಮಾತೃಭೂಮಿಯೊಂದಿಗಿನ ಸಂಬಂಧವನ್ನು ಸಂಪೂರ್ಣವಾಗಿ ಕೈಬಿಡುವೆನು. ನಿನ್ನೆ ಪತ್ರಿಕೆ ಮಾತೃಭೂಮಿಯೊಂದಿಗಿನ ಸಂಬಂಧ ಒಂದು ಕ್ಷಣವೂ ಮುಂದುವರಿಯಬಾರದು ಎಂಬ ತೀರ್ಮಾನಕ್ಕೆ ಬರಲು ಕಾರಣವಾಯಿತು'. "ಬ್ರಿಟಿಷ್ ವಿರೋಧಿ ಸ್ವಾತಂತ್ರ್ಯ ಹೋರಾಟದಿಂದ ಹುಟ್ಟಿದ ವೃತ್ತಪತ್ರಿಕೆಯ ಪತನ ಮತ್ತು ಅದರ ಚುಕ್ಕಾಣಿ ಹಿಡಿದವರು ಪತ್ರಿಕೆಯ ಮುನ್ನಡೆಸಲು ಯಾವ ಮಟ್ಟಕ್ಕೆ ಬಂದಿರುವರೆಂಬುದಕ್ಕೆ ಸಾಕ್ಷಿಯಾಗಿದೆ. ಇತ್ತೀಚಿನ ದಿನಗಳಲ್ಲಿ ಮಾತೃಭೂಮಿಯನ್ನು ಬಹಿಷ್ಕರಿಸುವಂತೆ ಒಂದು ಆಂದೋಲನ ನಡೆದಿತ್ತು ಮತ್ತು 'ಸಂಘ ಪರಿವಾರ್ ಪಕ್ಷಪಾತದ ಸುದ್ದಿ' ಪತ್ರಿಕೆ ಓದುವುದನ್ನು ನಿಲ್ಲಿಸುವಂತೆ ತನ್ನ ಜೀವನ ಸಂಗಾತಿ ಟಿ.ಪಿ. ಯಾಕುಬ್ ಪದೇ ಪದೇ ಕೇಳಿಕೊಂಡಿದ್ದಾಳೆ ಎಂದು ಬರೆದಿರುವರು. 

     ಭಾರತವನ್ನು 'ಮೇಲ್ಜಾತಿಯ ಹಿಂದೂ ಫ್ಯಾಸಿಸ್ಟ್ ರಾಜ್ಯ'ವನ್ನಾಗಿ ಮಾಡುವ ಯೋಜನೆಯನ್ನು ಪ್ರತಿದಿನ ನಮ್ಮ ಮೇಲೆ ಹೇರುತ್ತಿರುವ ಸಮಯದಲ್ಲಿ ನಾವು ಅಂತಹ ಮುಖ್ಯವಾಹಿನಿಯ ಪತ್ರಿಕೆಗಳನ್ನು ಅವಲಂಬಿಸಬೇಕಾಗಿಲ್ಲ ಎಂದು ನಮಗೆ ಖಾತ್ರಿಯಿರುವುದರಿಂದ "ಇದು' ಇತಿಹಾಸದ ಕರಾಳ ಕ್ಷಣ 'ಎಂದು ಅಜಿತಾ ಬರೆದಿರುವರು. ಅಂತಹ ಮೌಲ್ಯಗಳಲ್ಲಿ ತಾನು ಎಂದಿಗೂ ರಾಜಿ ಮಾಡಿಕೊಳ್ಳುವುದಿಲ್ಲ ಎಂದು ಅವರು ಹೇಳಿದರು.

       ಎಡಪಂಥೀಯ ಪ್ರತಿನಿಧಿಯಾಗಿ ಈ ವರ್ಷ ಕೇರಳದಿಂದ ರಾಜ್ಯಸಭಾ ಸದಸ್ಯರಾಗಿ ಮಾತೃಭೂಮಿ ವ್ಯವಸ್ಥಾಪಕ ನಿರ್ದೇಶಕ ಎಂ.ವಿ.ಶ್ರೇಯಮ್ಸ್ ಕುಮಾರ್ ಪ್ರಮಾಣವಚನ ಸ್ವೀಕರಿಸಿದ್ದರು.