ನವದೆಹಲಿ: ಲೋನ್ ಮೊರಾಟೋರಿಯಂ (ಸಾಲ ಮರುಪಾವತಿ ಅವಧಿ ವಿಸ್ತರಣೆ)ಯಲ್ಲಿ ಅರ್ಹ ಸಾಲಗಾರರ ಖಾತೆಗಳಿಗೆ ಚಕ್ರಬಡ್ಡಿಯನ್ನು ವಾಪಸ್ ನೀಡಲು ಸಾಲ ನೀಡಿರುವ ಸಂಸ್ಥೆಗಳಿಗೆ ಸೂಚನೆ ನೀಡಲಾಗಿದೆ ಎಂದು ಕೇಂದ್ರ ಸರ್ಕಾರ ಸುಪ್ರೀಂ ಕೋರ್ಟ್ ಗೆ ಪ್ರಮಾಣ ಪತ್ರ ಸಲ್ಲಿಸಿದೆ.
2 ಕೋಟಿ ರೂಪಾಯಿ ಮೊತ್ತದ ಸಾಲಗಳಿಗೆ ವಿಧಿಸಲಾಗಿರುವ, ಆರ್ ಬಿಐ ಸಾಲ ಮರುಪಾವತಿ ಅವಧಿ ವಿಸ್ತರಣೆ ಯೋಜನೆಯಡಿ ಬರುವ ಚಕ್ರ ಬಡ್ಡಿಗಳಿಗೆ ಈ ನಿಯಮ ಅನ್ವಯವಾಗಲಿದೆ. ಹಣವನ್ನು ಸಾಲ ಪಡೆದಿರುವವರ ಖಾತೆಗೆ ಜಮೆ ಮಾಡಿದ ಬಳಿಕ ಸಾಲ ನೀಡಿರುವ ಸಂಸ್ಥೆಗಳು ಕೇಂದ್ರ ಸರ್ಕಾರದಿಂದ ಆ ಹಣವನ್ನು ಪಡೆಯಬಹುದಾಗಿದೆ ಎಂದೂ ಕೇಂದ್ರ ಹಣಕಾಸು ಸಚಿವಾಲಯ ತಿಳಿಸಿದೆ.
ಕೋವಿಡ್-19ರ ಅವಧಿಯಲ್ಲಿ ಘೋಷಿಸಲಾಗಿದ್ದ 6 ತಿಂಗಳ ಮೊರಾಟೋರಿಯಂ ಅವಧಿಗೆ ಮಾತ್ರ ಈ ಚಕ್ರಬಡ್ಡಿ ಹಣ ವಾಪಸ್ ನೀಡಲಾಗುತ್ತದೆ ಎಂದು ಪ್ರಮಾಣಪತ್ರದಲ್ಲಿ ಕೇಂದ್ರ ಸರ್ಕಾರ ಸುಪ್ರೀಂ ಕೋರ್ಟ್ ಗೆ ತಿಳಿಸಿದೆ.
DOCTYPE html>
