ಇಂದು ಸಾರ್ವಜನಿಕ ಶಿಕ್ಷಣ ಕ್ಷೇತ್ರಕ್ಕೆ ಒಂದು ಐತಿಹಾಸಿಕ ದಿನ';ರಾಜ್ಯಾದ್ಯಂತ ಏಕಕಾಲದಲ್ಲಿ 90 ಶಾಲಾ ಕಟ್ಟಡಗಳ ಉದ್ಘಾಟನೆ

     

      ತಿರುವನಂತಪುರ: ಕೇರಳ ಸರ್ಕಾರದ '100 ದಿನಗಳು 100 ಯೋಜನೆಗಳು' ಕಾರ್ಯಕ್ರಮದ ಅಂಗವಾಗಿ ಸಾರ್ವಜನಿಕ ಶಿಕ್ಷಣದ ಗುಣಮಟ್ಟದಲ್ಲಿ ಬದಲಾವಣೆಯ 54 ಶಾಲೆಗಳಲ್ಲಿ 90 ಶಾಲಾ ಕಟ್ಟಡಗಳು ಮತ್ತು ಹೊಸ ಕಟ್ಟಡಗಳ ನಿರ್ಮಾಣವನ್ನೂ ಸಿಎಂ ಉದ್ಘಾಟಿಸಿದರು. ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಅವರು ವಿಡಿಯೋ ಕಾನ್ಫರೆನ್ಸಿಂಗ್ ಮೂಲಕ ಶಾಲಾ ಕಟ್ಟಡಗಳನ್ನು ಉದ್ಘಾಟಿಸಿದರು.

    ಇಂದು ಸಾರ್ವಜನಿಕ ಶಿಕ್ಷಣ ಕ್ಷೇತ್ರಕ್ಕೆ ಸಂಬಂಧಿಸಿ ಐತಿಹಾಸಿಕ ದಿನವಾಗಿದೆ ಎಂದು ಮುಖ್ಯಮಂತ್ರಿ ಹೇಳಿದರು. ಕಿಪ್ಬಿಯ (ಕೆಐಎಫ್‍ಬಿ) 5 ಕೋಟಿ ಆರ್ಥಿಕ ನೆರವಿನೊಂದಿಗೆ ಗುಣಮಟ್ಟದ ಶಿಕ್ಷಣ ಕೇಂದ್ರಗಳಾಗಿ ನಾಲ್ಕು ಶಾಲೆಗಳು ಮತ್ತು 3 ಕೋಟಿಗಳ ಆರ್ಥಿಕ ನೆರವಿನೊಂದಿಗೆ ಶ್ರೇಷ್ಠತೆಯ ಕೇಂದ್ರಗಳಾಗಿ ಬೆಳೆದ 20 ಶಾಲೆಗಳನ್ನು ಶನಿವಾರ ನಾಡಿಗೆ ಹಸ್ತಾಂತರಿಸಲಾಗಿದೆ ಎಂದು ಮುಖ್ಯಮಂತ್ರಿ ಹೇಳಿದರು. ಯೋಜನಾ ನಿಧಿಯ ಭಾಗವಾಗಿ ನಿರ್ಮಿಸಲಾದ 62 ಶಾಲಾ ಕಟ್ಟಡಗಳು ಮತ್ತು ನಬಾರ್ಡ್ ನೆರವಿನೊಂದಿಗೆ ನಿರ್ಮಿಸಲಾದ ನಾಲ್ಕು ಶಾಲಾ ಕಟ್ಟಡಗಳನ್ನು ಉದ್ಘಾಟಿಸಲಾಯಿತು. ಈ ಹಿಂದೆ 34 ಕೇಂದ್ರಗಳನ್ನು ಉದ್ಘಾಟಿಸಲಾಗಿತ್ತು.

       "ಸಾರ್ವಜನಿಕ ಶಿಕ್ಷಣ ಸಂರಕ್ಷಣಾ ಅಭಿಯಾನದ ಭಾಗವಾಗಿ ಕೇರಳ ಮೂಲಸೌಕರ್ಯ ಮತ್ತು ತಂತ್ರಜ್ಞಾನ ಶಿಕ್ಷಣ (ಕೈಟ್) ಕೆಐಎಫ್‍ಬಿ ಅನುದಾನಿತ ಯೋಜನೆಯು 100 ಶಾಲೆಗಳ ನಿರ್ಮಾಣವನ್ನು ಪೂರ್ಣಗೊಳಿಸಿದ ಹೆಗ್ಗಳಿಕೆಗೆ ಪಾತ್ರವಾಗಿದೆ.

       ಈ 100 ಶಾಲೆಗಳು ಒಟ್ಟು 19.42 ಲಕ್ಷ ಚದರ ಮೀಟರ್ ವಿಸ್ತೀರ್ಣವನ್ನು ಹೊಂದಿದ್ದು 1617 ತರಗತಿ ಕೊಠಡಿಗಳು / ಸ್ಮಾರ್ಟ್ ಕೊಠಡಿಗಳು, 248 ಲ್ಯಾಬ್‍ಗಳು, 62 ಸಭಾಂಗಣಗಳು, ಚಿತ್ರಮಂದಿರಗಳು, 82 ಅಡಿಯ ಸಭಾಂಗಣಗಳು ಮತ್ತು 2573 ಶೌಚಾಲಯಗಳನ್ನು ಹೊಂದಿವೆ. ಕಿಫ್ಬಿ ನಿಧಿ, ಜನರ ಪ್ರತಿನಿಧಿಗಳ ನಿಧಿ, ಸ್ಥಳೀಯಾಡಳಿತ ಸಂಸ್ಥೆಗಳ  ಮತ್ತು ಜನರಿಂದ ಸಂಗ್ರಹಿಸಿದ ಧನ ಸಹಾಯಗಳಿಂದ ಈ ನಿರ್ಮಾಣವನ್ನು ಕೈಗೊಳ್ಳಲಾಗಿದೆ.

   ಮಕ್ಕಳಿಗೆ ಉತ್ತಮ ಕಲಿಕಾ ವಾತಾವರಣವನ್ನು ಸೃಷ್ಟಿಸುವುದು, ಗುಣಮಟ್ಟದ ಕೇಂದ್ರಗಳ ಮೂಲಕ ಮಕ್ಕಳ ಬೆಳವಣಿಗೆಗೆ ಅನುಕೂಲಕರವಾದ ಪರಿಸ್ಥಿತಿಗಳನ್ನು ಸೃಷ್ಟಿಸುವುದು ಸರ್ಕಾರದ ಉದ್ದೇಶವಾಗಿದೆ. ಸಾರ್ವಜನಿಕ ಶಿಕ್ಷಣದ ರಕ್ಷಣೆಯನ್ನು ಗೌರವಿಸುವ, ಜನರ ಬೆಂಬಲವೇ ಸರ್ಕಾರದ ಬಲವಾಗಿದೆ" ಎಂದು ಅವರು ಹೇಳಿದರು.