ತಿರುವನಂತಪುರ: ಕಿವುಡರಿಗೆ ರಾಜ್ಯ ಸರ್ಕಾರಿ ಸಂಸ್ಥೆಗಳಲ್ಲಿ ಉದ್ಯೋಗಗಳಿಲ್ಲ ಎಂಬ ಸುದ್ದಿ ಆಧಾರ ರಹಿತವಾದುದು ಎಂದು ಆರೋಗ್ಯ ಮತ್ತು ಸಮಾಜ ಕಲ್ಯಾಣ ಸಚಿವೆ ಕೆ.ಕೆ.ಶೈಲಜಾ ಹೇಳಿದ್ದಾರೆ. ಸರ್ಕಾರ ಅಂತಹ ನಿರ್ಧಾರ ಕೈಗೊಂಡಿಲ್ಲ ಎಂದವರು ದೃಢಪಡಿಸಿದರು.
ತಜ್ಞರ ಸಮಿತಿಯ ಶಿಫಾರಸುಗಳ ಪ್ರಕಾರ, ವಿಕಲಚೇತನರಿಗೆ ಮೀಸಲಾಗಿರುವ ಶೇ 4 ರಷ್ಟು ಮೀಸಲಾತಿಯಲ್ಲಿ 49 ಹುದ್ದೆಗಳನ್ನು ನಿಗದಿಪಡಿಸಲಾಗಿದೆ. ಈ 49 ಹುದ್ದೆಗಳಲ್ಲಿ, ಸಂಪೂರ್ಣ ವಿಕಲ ಚೇತನತೆ ಇಲ್ಲದವರಿಗೆ ಇನ್ನೂ ಅನೇಕ ಹುದ್ದೆಗಳಿವೆ. ಈ ಏಕ ಅಧಿಸೂಚನೆಯೊಂದಿಗೆ, ಕಿವುಡರಿಗೆ ಅಂಗವೈಕಲ್ಯ ಮೀಸಲಾತಿ ಇಲ್ಲ ಎಂದು ಹೇಳುವುದು ಆಧಾರ ರಹಿತವಾಗಿದೆ ಎಂದು ಸಚಿವೆ ಸ್ಪಷ್ಟಪಡಿಸಿರುವರು.
ಅಂಗವೈಕಲ್ಯ ಹಕ್ಕುಗಳ ಹೊಸ ಕಾಯ್ದೆ 2016 ರ ಪ್ರಕಾರ, ಸರ್ಕಾರ ನೇಮಕ ಮಾಡಿದ ತಜ್ಞರ ಸಮಿತಿಯು ಪ್ರತಿ ಹುದ್ದೆಯ ಸೂಕ್ತತೆಯನ್ನು ಪರಿಶೀಲಿಸುತ್ತದೆ. ಪ್ರತಿ ಉದ್ಯೋಗದ ಅವಶ್ಯಕತೆಗಳನ್ನು ಅವಲಂಬಿಸಿ, ಪರಿಣಿತ ವೈದ್ಯರ ತಂಡವು ವೈಜ್ಞಾನಿಕವಾಗಿ ಮೌಲ್ಯಮಾಪನ ಮಾಡುತ್ತದೆ ಮತ್ತು ಅದು ಸೂಕ್ತವಾದುದನ್ನು ನಿರ್ಧರಿಸುತ್ತದೆ ಎಮದು ಸಚಿವೆ ಶೈಲಜಾ ಶನಿವಾರ ಮಾಧ್ಯಮಗಳಿಗೆ ತಿಳಿಸಿರುವರು.
DOCTYPE html>
