ಇಂದು ಹಿರಣ್ಯ ಶ್ರೀಕ್ಷೇತ್ರದಲ್ಲಿ ಚಂಡಿಕಾ ಹೋಮ ಸಹಿತ ವಿವಿಧ ಕಾರ್ಯಕ್ರಮಗಳು

           ಉಪ್ಪಳ: ಬಾಯಾರು ಸಮೀಪದ ಹಿರಣ್ಯ ಶ್ರೀದುರ್ಗಾಪರಮೇಶ್ವರಿ ಕ್ಷೇತ್ರದಲ್ಲಿ ಇಂದು ನವರಾತ್ರಿಯ ಪ್ರಯಕ್ತ ವಿವಿಧ ಕಾರ್ಯಕ್ರಮಗಳು ನಡೆಯಲಿವೆ.

        ಮುಂಜಾನೆ ಪೂಜಾವಿಧಿಗಳು ಆರಂಭವಾಗಲಿವೆ.  ವಿಶೇಷವಾಗಿ ಹಿಂದೆ ಬಾಕಿಯಾದ ಚಂಡಿಕಾಹೋಮ ನೆರವೇರಲಿದೆ. ಭಕ್ತ ಮಹನೀಯರು ಪೂಜಾವಿಧಿಗಳಲ್ಲಿ ಪಾಲ್ಗೊಂಡು ಶ್ರೀ ದೇವರ ಪ್ರೀತ್ಯರ್ಥ ತುಳಸಿ, ಕೇಪುಳ, ಸಿಂಗಾರ ,  ಬಿಲ್ವಪತ್ರೆ, ತೆಂಗಿನಕಾಯಿ,  ಸೀಯಾಳ ಇತ್ಯಾದಿಗಳನ್ನು ಸಮರ್ಪಿಸಬಹುದಾಗಿದೆ. ಅಲ್ಲದೆ ಅನ್ನ ಸಂತರ್ಪಣೆಗಾಗಿ ಮಜ್ಜಿಗೆ, ತರಕಾರಿಗಳನ್ನೂ ತರಲು ಅವಕಾಶವಿದೆ.  ಗಣಪತಿ ಹವನ,  ದುರ್ಗಾ ಹೋಮ ಜರಗಲಿದೆ.  ದುರ್ಗಾ ಸಪ್ತಶತೀ ಪಾರಾಯಣವೂ ಇರುವುದು.  ಸಂಜೆ ಭಜನೆ, ಪೂಜೆ,  ಅನ್ನಪ್ರಸಾದ ವಿತರಣೆ ನಡೆಯಲಿದೆ ಎಂದು ಸಂಬಂಧಪಟ್ಟವರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.