ತುಳುರತ್ನ, ತುಳುಲಿಪಿಬ್ರಹ್ಮ ಡಾ. ವೆಂಕಟರಾಜ ಪುಣಿಂಚಿತ್ತಾಯ ಅವರ ಜನ್ಮದಿನಾಚರಣೆ ನಾಳೆ-ತುಳುಲಿಪಿ ದಿನ ಘೊಷಣೆಯೊಂದಿಗೆ "ಪು.ವೆಂ.ಪು. ನೂತ್ತೊಂಜಿ ನೆಂಪು"

                 

       ಮಂಗಳೂರು: ತುಳು ಭಾಷೆಗೆ ಲಿಪಿ ಇದೆ ಎಂದು ಪರಿಚಯಿಸಿದ ಬಹುಭಾಷಾ ಪಂಡಿತ ತುಳು ಸಂಶೋಧಕ ಡಾ. ವೆಂಕಟರಾಜ ಪುಣಿಂಚತ್ತಾಯ ಅವರ 84ನೇ ಜನ್ಮ ದಿನ ನಾಳೆ(ಅಕ್ಟೋಬರ್ 10 ಶನಿವಾರ) ಬೆಳಗ್ಗೆ 10ರಿಂದ ವಿವಿಧ ಕಾರ್ಯಕ್ರಮಗಳೊಂದಿಗೆ ಮಂಗಳೂರಿನ ಉರ್ವಾಸ್ಟೋರ್ ಬಳಿಯ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿಯ ತುಳು ಭವನದ ಸಿರಿ ಚಾವಡಿಯಲ್ಲಿ ನಡೆಯಲಿದೆ. ಕರ್ನಾಟಕ ತುಳು ಅಕಾಡೆಮಿಯ ಸಹಕಾರದೊಂದಿಗೆ, ಐಲೇಸ ಬೆಂಗಳೂರು ಮತ್ತು ತುಳುವಲ್ರ್ಡ್ ಮಂಗಳೂರು ಇವುಗಳ ಸಂಯುಕ್ತಾಶ್ರಯದಲ್ಲಿ "ಪು.ವೆಂ.ಪು. ನೂತ್ತೊಂಜಿ ನೆಂಪು" ಎಂಬ ವೈವಿಧ್ಯಮಯ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿದೆ. ಅಲ್ಲದೆ ತುಳು ಲಿಪಿಗೆ ಮಹತ್ತರ ಕೊಡುಗೆ ನೀಡಿದ ಪುಣಿಂಚತ್ತಾಯ ಅವರ ಜನ್ಮದಿನವಾದ ಅಕ್ಟೋಬರ್ 10ನ್ನು ಇನ್ನು ಮುಂದೆ ತುಳುಲಿಪಿ ದಿನವೆಂದು ಆಚರಿಸಲು ಕರೆ ನೀಡಲಾಗುವುದು.

       ಕಾರ್ಯಕ್ರಮದ ಉದ್ಘಾಟನೆಯನ್ನು ಡಾ. ಪಿ. ಎಸ್ ಎಡಪಡಿತ್ತಾಯ ವೈಸ್ ಚಾನ್ಸಲರ್ ಮಂಗಳೂರು ವಿಶ್ವವಿದ್ಯಾನಿಲಯ ಇವರು ನಡೆಸಿಕೊಡಲಿದ್ದಾರೆ. ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿಯ ಅಧ್ಯಕ್ಷರಾದ ದಯಾನಂದ ಕತ್ತಲ್ಸಾರ್ ಅವರು ವಹಿಸಲಿದ್ದಾರೆ. ಖ್ಯಾತ ವಿದ್ವಾಂಸರಾದ ಡಾ| ಪಾದೇಕಲ್ಲು ವಿಷ್ಣುಭಟ್ ಮತ್ತು ಪ್ರಶಸ್ತಿ ವಿಜೇತ ಚಿತ್ರಕಲಾವಿದ ಹಾಗೂ ಕೇರಳ ತುಳು ಅಕಾಡೆಮಿಯ ಮಾಜಿ ಅಧ್ಯಕ್ಷರಾದ ಪಿ.ಎಸ್. ಪುಣಿಂಚತ್ತಾಯರವರು ಡಾ. ವೆಂಕಟರಾಜ ಪುಣಿಂಚತ್ತಾಯ ಅವರ ನೆನಪನ್ನು ಮಾಡಲಿದ್ದಾರೆ.

        "ಪು.ವೆಂ.ಪು. ನೂತ್ತೊಂಜಿ ನೆಂಪು" ಭಾವಗೀತೆಗಳ ಪುಸ್ತಕ ಸಮರ್ಪಣೆ :-

 ತುಳುವಿಗೆ ಡಿಜಿಟಲ್ ಮಾಧ್ಯಮದ ಕೊರತೆಯನ್ನು ನೀಗಿಸಲು ವಿಶ್ವಾದ್ಯಂತ ನೆಲೆಸಿರುವ ತುಳುವರು ಒಟ್ಟುಸೇರಿ ಪ್ರಾರಂಭಿಸಿದ ಐಲೇಸಾದ ಯೋಜನೆಯಂತೆ ಸುಮಾರು 101 ಕವಿಗಳು ಬರೆದ ತುಳು ಭಾವಗೀತೆಗಳ ಪುಸ್ತಕವನ್ನು ಬಿಡುಗಡೆಗೊಳಿಸಿ ಡಾ. ವೆಂಕಟರಾಜ ಪುಣಿಂಚತ್ತಾಯ ಇವರಿಗೆ ಸಮರ್ಪಿಸಲಾಗುವುದು. ಪುಸ್ತಕ ಬಿಡುಗಡೆಯನ್ನು ಡಾ. ಸಾಯಿಗೀತ, ಸಂಯೋಜಕರು ನಿಟ್ಟೆ ವಿಶ್ವವಿದ್ಯಾಲಯ ತುಳು ಅಧ್ಯಯನ ಕೇಂದ್ರ ಇವರು ನೆರವೇರಿಸಲಿರುವರು.

         ಪು.ವೆಂ.ಪು. ಸಮ್ಮಾನ್:

    ತುಳುವಲ್ರ್ಡ್ ಕೊಡಮಾಡಲ್ಪಡುವ ಪು.ವೆಂ.ಪು. ಸಮ್ಮಾನ್‍ನ್ನು ಖ್ಯಾತ ಗಾಯಕರಾದ ಕೃಷ್ಣ ಕಾರಂತ ಅವರಿಗೆ ಪ್ರದಾನ ಮಾಡಲಾಗುವುದು. ಪ್ರಶಸ್ತಿಯನ್ನು ತುಳುವಲ್ರ್ಡ್ ಗೌರವಾಧ್ಯಕ್ಷರಾದ ಹರಿಕೃಷ್ಣ ಪುನರೂರು ಅವರು ಪ್ರದಾನ ಮಾಡಲಿರುವರು. ಮುಖ್ಯ ಅತಿಥಿಗಳಾಗಿ ಡಾ| ಮಾಧವ ಎಂ.ಕೆ. ಸಂಯೋಜಕರು, ಧರ್ಮಸ್ಥಳ ಮಂಜುನಾಥೇಶ್ವರ ತುಳು ಅಧ್ಯಯನ ಪೀಠ, ಮಂಗಳೂರು ವಿಶ್ವವಿದ್ಯಾನಿಲಯ, ಬಿ. ಸುಬ್ಬಯ್ಯ ರೈ ಮಾಜಿ ಅಧ್ಯಕ್ಷರು ಕೇರಳ ತುಳು ಅಕಾಡೆಮಿ, ಡಾ. ಕೆ.ಎನ್.ಅಡಿಗ, ಮಣ್ಣ ಭಾಜನ ಖ್ಯಾತಿಯ ಸಾಹಿತಿ ಶಾಂತಾರಾಮ ವಿ.ಶೆಟ್ಟಿ, ಬೆಂಗಳೂರು, ಪ್ರವೀಣ್‍ಕುಮಾರ್ ಕೊಡಿಯಾಲ್‍ಬೈಲ್ ಅಧ್ಯಕ್ಷರು ಜಾನಪದ ಪರಿಷತ್ ದ.P,À, ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿಯ ಮಾಜಿ ಸದಸ್ಯ ಪುರುಷೋತ್ತಮ ಚೇಂಡ್ಲಾ, ರಮೇಶ್ ಶೆಟ್ಟಿಗಾರ್ ಮಂಜೇಶ್ವರ, ವೀಣಾ ಟಿ. ಶೆಟ್ಟಿ, ಡೆಪ್ಯುಟಿ ಜನರಲ್ ಮ್ಯಾನೇಜರ್ ಎಂ.ಆರ್.ಪಿ.ಎಲ್, ಎಸ್. ಆರ್. ಬಂಡಿಮಾರ್ ಪ್ರಧಾನ ಸಂಪಾದಕರು ಟೈಮ್ಸ್ ಆಪ್ ಕುಡ್ಲ, ಪ್ರಭಾಕರ ಕಲ್ಲೂರಾಯ ಬನದಗದ್ದೆ, ವಿಜಯರಾಜ್ ಪುಣಿಂಚತ್ತಾಯ, ಮಂದಾರ ರಾಜೇಶ್ ಭಟ್, ಮಾಧವ ಭಂಡಾರಿ, ಪ್ರಸಾದ್ ಚೇರ್ಕಾಡಿ, ಲಕ್ಷೀ ಕಾಂತ್ ಟೋಟಲ್ ಕನ್ನಡ ಮೊದಲಾದವರು ಭಾಗವಹಿಸಲಿರುವರು.

          ಪು.ವೆಂ.ಪು. ಭಾವಗೀತೆಗಳ ಗಾಯನ:

     ಕಾರ್ಯಕ್ರಮದಂಗವಾಗಿ ಪ್ರಶಸ್ತಿ ವಿಜೇತ ಚಲನಚಿತ್ರ ಹಿನ್ನೆಲೆ ಗಾಯಕರಾದ ರಮೇಶ್ಚಂದ್ರ ತುಳುವ ಮಲ್ಲಿಗೆ ಖ್ಯಾತಿಯ ಕೃಷ್ಣ ಕಾರಂತ, ಪ್ರಮೋದ್ ಸಪ್ರೆ, ಸಂಗೀತ ಬಾಲಚಂದ್ರ, ಸುಧಾಕರ ಶೆಟ್ಟಿ ಬೆಂಗಳೂರು ಮೊದಲಾದವರು ಡಾ. ವೆಂಕಟರಾಜ ಪುಣಿಂಚತ್ತಾಯರು ಬರೆದ ಭಾವಗೀತೆಗಳಿಗೆ ರಾಗ ಸಂಯೋಜಿಸಿ ಹಾಡಲಿರುವರು.

 ಕಾರ್ಯಕ್ರಮವು ಕೋವಿಡ್ ಮಾನದಂಡಗಳನುಸಾರ ನಡೆಯಲಿದ್ದು, ತುಳುವಲ್ರ್ಡ್ ಯುಟ್ಯೂಬ್ ಚಾನಲ್ ಮತ್ತು ಇತರ ಸಾಮಾಜಿಕ ಜಾಲ ತಾಣಗಳಲ್ಲಿ ನೇರ ಪ್ರಸಾರಗೊಳ್ಳಲಿದೆ ಎಂದು ತುಳುವಲ್ರ್ಡ್ ಅಧ್ಯಕ್ಷ ರಾಜೇಶ್ ಕೃಷ್ಣ ಆಳ್ವ ಮತ್ತು ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿಯ ಸದಸ್ಯ ಸಂಚಾಲಕರಾದ ಡಾ. ಆಕಾಶ್‍ರಾಜ್ ಜೈನ್ ಪತ್ರಿಕಾ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.

   ಸಮಾರಂಭದ ನೇರ ಪ್ರಸಾರ ತುಳುವಲ್ರ್ಡ್ ಡಾಟ್ ಕಾಂ ನ ಈ ಕೆಳಗಿನ ಲಿಂಕ್ ನಲ್ಲಿ ಲಭ್ಯವಿರಲಿದೆ.