ಅಖಿಲ ಭಾರತ ವೀರಶೈವ ಸಭಾದ ಕೇರಳ ರಾಜ್ಯ ಮಟ್ಟದ ಸಭೆ-ವೀರಶೈವ ಸಮುದಾಯದ ಉಪವಿಭಾಗಗಳಿಗೆ ಮೀಸಲಾತಿ ಖಾತ್ರಿಪಡಿಸಿಕೊಳ್ಳಲು ಒತ್ತಾಯ-ಕೇರಳದಲ್ಲಿ ಬಸವ ಪ್ರತಿಮೆ ನಿರ್ಮಾಣಕ್ಕೆ ಮನವಿ

   

    ಪಾಲಕ್ಕಾಡ್: ಅಖಿಲ ಭಾರತ ವೀರ ಶೈವ ರಾಜ್ಯ ಪ್ರತಿನಿಧಿ ಸಭೆಯನ್ನು ರಾಜ್ಯ ಪ್ರಧಾನ ಕಾರ್ಯದರ್ಶಿ ಕೆ ಗೋಕುಲ್ ದಾಸ್ ಅವರು ಆಂಡಿಮಾಧಂ ಪಂಚಲಿಯಮ್ಮನ್ ಸಭಾಂಗಣದಲ್ಲಿ ಭಾನುವಾರ ಉದ್ಘಾಟಿಸಿದರು.

      ರಾಜ್ಯ ಅಧ್ಯಕ್ಷ ಸಿ. ಮುರುಗನ್ ಅವರು ಅಧ್ಯಕ್ಷತೆ ವಹಿಸಿದ್ದರು. ರಾಜ್ಯದಲ್ಲಿ ಕುರುಕ್ಕಲ್, ಗುರುಗಳು, ಚೆಟ್ಟಿ ಮತ್ತು ಚೆಟ್ಟಿಯಾರ್ ಎಂದು ಕರೆಯಲ್ಪಡುವ ಸಮುದಾಯಗಳನ್ನು ವೀರಶೈವ ಎಂಬ ಒಂದೇ ನಾಮಧೇಯದಡಿ ಜಾತಿ ಪ್ರಮಾಣ ಪತ್ರ ನೀಡಬೇಕು, ಒಬಿಸಿ ವಿಭಾಗಕ್ಕೆ ಸೇರ್ಪಡೆಗೊಳಿಸಬೇಕು ಸಮುದಾಯದ ಸಾಂಪ್ರದಾಯಿಕ ಹಪ್ಪಳ ತಯಾರಿಸುವವರಿಗೆ ಸಬ್ಸಿಡಿ ಮತ್ತು ಅನುದಾನ ನೀಡಬೇಕು ಎಂದು ಸಭೆಯಲ್ಲಿ ಒತ್ತಾಯಿಸಲಾಗಿದೆ.

        ತಿರುವನಂತಪುರದಲ್ಲಿ ಶ್ರೀ ನಾರಾಯಣ ಗುರುಗಳ ಪ್ರತಿಮೆಯನ್ನು ಸ್ಥಾಪಿಸುವುದು, ಗುರುಗಳ ಹೆಸರಿನಲ್ಲಿ ಮುಕ್ತ ವಿಶ್ವವಿದ್ಯಾಲಯವನ್ನು ಸ್ಥಾಪಿಸುವುದು ಮತ್ತು ಚಟ್ಟಂಬಿಸ್ವಾಮಿಯ ಪ್ರತಿಮೆಯನ್ನು ನಿರ್ಮಿಸುವ ನಿರ್ಧಾರವನ್ನು ಸಭೆಯು ಸರ್ಕಾರದ ಮುಂದಿಡಲು ತೀರ್ಮಾನಿಸಿದೆ. 

       ಜಗತ್ತಿನಾದ್ಯಂತ ಪ್ರಜಾಪ್ರಭುತ್ವ ವ್ಯವಸ್ಥೆಗೆ ಅಡಿಪಾಯ ಹಾಕಿದ ಸಾಮಾಜಿಕ ಆಡಳಿತ ಸುಧಾರಕ ಬಸವೇಶ್ವರರ  ಪ್ರತಿಮೆಯನ್ನು ಕೇರಳದಲ್ಲಿ ಸರ್ಕಾರ ನಿರ್ಮಿಸಬೇಕು ಮತ್ತು ಮುಂಬರುವ ಸ್ಥಳೀಯಾಡಳಿತ ಚುನಾವಣೆಯಲ್ಲಿ ವೀರಶೈವ ಸಮುದಾಯವನ್ನೂ ಪರಿಗಣಿಸಬೇಕು ಎಂದು ಸಭೆ ಒತ್ತಾಯಿಸಿತು. ಈ ಸಂದರ್ಭದಲ್ಲಿ ಸುಬ್ರಮಣಿಯನ್ ಪತ್ತನಂತಿಟ್ಟು, ಮಧು ಎಡಪ್ಪನ್, ರಮೇಶ್ ಬಾಬು, ಕುಟ್ಟನ್ ಕನ್ನಡಿ, ಲತಿಕಾ, ಪ್ರಸಾದ್ ಅಂಗಡಿಕಲ್ ಮತ್ತು ಪಳನಿಯಂದಿ ಮಾತನಾಡಿದರು. ಕೋವಿಸ್ ನಿಯಮಗಳನ್ನು ಅನುಸರಿಸಿ ಸಭೆ ನಡೆಯಿತು.