ವಯನಾಡ್ ಗೆ ಬರಲಿದೆ ಕೇರಳದ ಅತಿ ಉದ್ದದ ಸುರಂಗ ಮಾರ್ಗ

        ಕೊಚ್ಚಿ: ರಾಜ್ಯದ ಅತಿ ಉದ್ದದ ಸುರಂಗ ಮಾರ್ಗದ ಶಿಲಾನ್ಯಾಸವನ್ನು ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ನಿನ್ನೆ ಉದ್ಘಾಟಿಸಿದರು. ಹೊಸ ರಸ್ತೆ ತಾಮರಶ್ಚೇರಿ ಪಾಸ್ ಅನ್ನು ಬೈಪಾಸ್ ಮಾಡಿ ಕೋಝಿಕ್ಕೋಡ್ ನಿಂದ ವಯನಾಡ್ ತಲುಪಲಿದೆ. ವಯನಾಡಿಗೆ ಈ ಮೂಲಕ ಇರುವ ದೂರ 30 ಕಿ.ಮೀ ಆಗಿ ಇಳಿಕೆಯಾಗಲಿದ್ದು ಮೂರು ವರ್ಷಗಳಲ್ಲಿ ಪೂರ್ಣಗೊಳಿಸಲು ಸರ್ಕಾರ ಉದ್ದೇಶಿಸಿದೆ.

      ಕಿಫ್ಬಿ ನಿಧಿಯ ಸಹಾಯದಿಂದ ಪೂರ್ಣಗೊಳ್ಳಲಿರುವ ಯೋಜನೆಯ ನಿರ್ಮಾಣ ಕಾರ್ಯಗಳನ್ನು ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಉದ್ಘಾಟಿಸಿದರು. ಈ ಸಂದರ್ಭದಲ್ಲಿ ಲೋಕೋಪಯೋಗಿ ಸಚಿವ ಜಿ. ಸುಧಾಕರನ್, ಹಣಕಾಸು ಸಚಿವ ಡಾ.ಥಾಮಸ್ ಐಸಾಕ್, ಅಬಕಾರಿ ಸಚಿವ ಟಿ.ವಿ.ರಾಮಕೃಷ್ಣನ್, ಸಾರಿಗೆ ಸಚಿವ ಎ.ಕೆ.ಶಶೀಂದ್ರನ್, ಶಾಸಕ ಜೋರ್ಜ್ ಎಂ.ಥೋಮಸ್ ಶಿಲಾನ್ಯಾಸದಲ್ಲಿ ಉಪಸ್ಥಿತರಿದ್ದರು.

       ನೂತನ ಸುರಂಗ ಮಾರ್ಗ ಕೋಝಿಕ್ಕೋಡ್ ತಿರುವಂಬಾಡಿ ಪಂಚಾಯತ್‍ನ ಅನಕಂಪೆÇಯ್ಲ್‍ನಿಂದ ಪ್ರಾರಂಭವಾಗಿ ವಯನಾಡ್ ಕಲ್ಲಡಿಯಲ್ಲಿ ಕೊನೆಗೊಳ್ಳಲಿದೆ. ರಸ್ತೆಯ ಒಟ್ಟು ಉದ್ದ 16 ಕಿ.ಮೀ. ಆಗಿರಲಿದೆ. ಕಲ್ಲಡಿಯಿಂದ ಮೆಪ್ಪಡಿಗೆ ಹೋಗುವ ರಸ್ತೆ ಸುರಂಗದ ಮೂಲಕ ಹಾದುಹೋಗಿ ನಂತರ ಅನಕಂಪಾಯಿಲ್ ತಲುಪುತ್ತದೆ. ಸುರಂಗದ ಉದ್ದ ಕೇವಲ 6.8 ಕಿ.ಮೀ. ಹೊಸ ರಸ್ತೆಯ ಅನನ್ಯತೆಯೆಂದರೆ ಅದು ತಾಮರಶ್ಚೇರಿ  ಪಾಸ್ ದಾಟದೆ ವಯನಾಡ್ ತಲುಪಲು ಸಹಾಯ ಮಾಡುತ್ತದೆ.

        ಲೋಕೋಪಯೋಗಿ ಇಲಾಖೆಯ ನೇತೃತ್ವದಲ್ಲಿ ಯೋಜನೆ ರೂಪಿಸಲು ಕೆಐಎಫ್‍ಬಿಯಿಂದ 658 ಕೋಟಿ ರೂ. ಅನುಮತಿಸಲಾಗಿದೆ. ಸುರಂಗಮಾರ್ಗದಲ್ಲಿ ಪರಿಣತಿ ಹೊಂದಿರುವ ಕೊಂಕಣ ರೈಲ್ವೆ ನಿಗಮಕ್ಕೆ ತಾಂತ್ರಿಕ ಅಧ್ಯಯನ ಮತ್ತು ನಿರ್ಮಾಣದ ಕೆಲಸವನ್ನು ವಹಿಸಲಾಗಿದೆ.

       ಯೋಜನೆ ಪೂರ್ಣಗೊಳ್ಳುವುದರೊಂದಿಗೆ ವಯನಾಡಿಗೆ ಪ್ರಯಾಣದ ದೂರ 30 ಕಿ.ಮೀ.ನಷ್ಟು ಕಡಿಮೆಯಾಗಲಿದೆ. ಕೋಝಿಕ್ಕೋಡ್ ನಿಂದ ವಯನಾಡ್ ವರೆಗೆ ಈಗ 54 ಕಿ.ಮೀ. ದೂರ ಕ್ರಮಿಸಬೇಕಾಗುತ್ತದೆ. 

       ಯೋಜನೆಯ ತಾಂತ್ರಿಕ ಅಧ್ಯಯನವನ್ನು ಕೊಂಕಣ ರೈಲ್ವೆ ಕಾಪೆರ್Çರೇಶನ್ ಲಿಮಿಟೆಡ್ ಈಗಾಗಲೇ ಪ್ರಾರಂಭಿಸಿದೆ. ಕೊಂಕಣ ರೈಲ್ವೆ ಅಧಿಕಾರಿಗಳು ಮತ್ತು ಲೋಕೋಪಯೋಗಿ ಅಧಿಕಾರಿಗಳು ಕಳೆದ ವಾರ ಯೋಜನಾ ಪ್ರದೇಶಕ್ಕೆ ಭೇಟಿ ನೀಡಿದ್ದರು. ಸುರಂಗದ ಪ್ರಾರಂಭದ ಸ್ಥಳವಾದ ಅನಕಂಪೆÇಯ್‍ನ ಸ್ವರ್ಗಮ್ ಕುನ್ನು ಗೆ ಭೇಟಿ ಮಾಡಿದ ವಿಶೇಷ ತಂಡವು ಮೂರು ತಿಂಗಳಲ್ಲಿ ವಿವರವಾದ ಯೋಜನಾ ವರದಿಯನ್ನು ಸಲ್ಲಿಸಲಿದೆ ಎಂದು ವರದಿಯಾಗಿದೆ.

      ಈ ಯೋಜನೆಗೆ ರಾಜ್ಯ ಸರ್ಕಾರ ಈಗಾಗಲೇ ಆಡಳಿತಾತ್ಮಕ ಮತ್ತು ತಾಂತ್ರಿಕ ಅನುಮೋದನೆ ನೀಡಿದೆ ಎಂದು ತಿರುವಂಬಾಡಿ ಶಾಸಕರು ಈ ಹಿಂದೆ ತಿಳಿಸಿದ್ದರು. ಕೋಝಿಕ್ಕೋಡ್ ಜಿಲ್ಲೆಯ ಅರಣ್ಯ ಪ್ರದೇಶದಲ್ಲಿ ಸಮೀಕ್ಷೆ ನಡೆಸಲು ಅರ್ಜಿಯನ್ನು ಅರಣ್ಯ ಇಲಾಖೆಗೆ ಸಲ್ಲಿಸಲಾಗಿದೆ. ಸುರಂಗದ ಎರಡೂ ತುದಿಗಳ ನಿಖರವಾದ ಸ್ಥಳವನ್ನು ಖಚಿತಪಡಿಸಿಕೊಂಡ ನಂತರ ಸಮೀಕ್ಷೆ ಪ್ರಾರಂಭವಾಗಲಿದೆ ಎಂದು ಪಿಡಬ್ಲ್ಯೂಡಿ ಕಾರ್ಯನಿರ್ವಾಹಕ ಎಂಜಿನಿಯರ್ ಕೆ ವಿನಯರಾಜ್ ಹೇಳಿದ್ದಾರೆ. 34 ತಿಂಗಳಲ್ಲಿ ಯೋಜನೆ ಪೂರ್ಣಗೊಳ್ಳಲಿದೆ ಎಂದು ತಿರುವಂಬಾಡಿ ಶಾಸಕ ಜಾರ್ಜ್ ಎಂ ಥಾಮಸ್ ತಿಳಿಸಿದ್ದಾರೆ.

         ಭೂಕುಸಿತ ಮತ್ತು ಮಣ್ಣು ಕುಸಿತ ಪ್ರತಿರೋಧದ ರೀತಿಯಲ್ಲಿ ಸುರಂಗವನ್ನು ನಿರ್ಮಿಸಲಾಗುವುದು. ಸುರಂಗದ ಹೊರತಾಗಿ, ಇರಾನ್ ಜಿಪುಳಕ್ಕೆ ಅಡ್ಡಲಾಗಿ 70 ಮೀಟರ್ ಉದ್ದದ ಸೇತುವೆ ಕೂಡ ಯೋಜನೆಯ ಭಾಗವಾಗಿದೆ. ಯೋಜನೆಯ ನಾಲ್ಕು ಜೋಡಣೆಗಳನ್ನು ಕೊಂಕಣ ರೈಲ್ವೆಗೆ ಸರ್ಕಾರ ಈಗಾಗಲೇ ಸಲ್ಲಿಸಿದೆ ಎಂದು ವರದಿಯಾಗಿದೆ. ತಾಂತ್ರಿಕ ಅಧ್ಯಯನದ ನಂತರ ಕಾಮಗಾರಿ ಚಟುವಟಿಕೆ ಆರಂಭಗೊಳ್ಳಲಿದೆ.