2 ಲಕ್ಷ ಕೋಟಿ ರೂಪಾಯಿಗೆ ಹೆಚ್ಚಳವಾಯ್ತು ಹೂಡಿಕೆದಾರರ ಸಂಪತ್ತು !

       ನವದೆಹಲಿ: ಜಾಗತಿಕ ಮಟ್ಟದಲ್ಲೂ ಷೇರುಪೇಟೆ ಏರಿಕೆಯ ಹಾದಿಯಲ್ಲಿದ್ದು, ಭಾರತೀಯ ಷೇರುಪೇಟೆಯೂ ಇದರ ಪ್ರಭಾವಕ್ಕೆ ಒಳಗಾಗಿತ್ತು. ಸೋಮವಾರದ ವಹಿವಾಟಿನಲ್ಲಿ ಭಾರತೀಯ ಷೇರುಪೇಟೆ ಹೂಡಿಕೆದಾರರ ಸಂಪತ್ತು 2 ಲಕ್ಷ ಕೋಟಿ ರೂಪಾಯಿಗೆ ಹೆಚ್ಚಳವಾಗಿತ್ತು!

        ಬಾಂಬೆ ಸ್ಟಾಕ್​ ಎಕ್ಸ್​ಚೇಂಜ್​ (ಬಿಎಸ್​ಇ) ಸೂಚ್ಯಂಕ ಸೆನ್ಸೆಕ್ಸ್ 704.37 ಅಂಶ (1.68%) ಏರಿಕೆ ಕಂಡು ಸಾರ್ವಕಾಲಿಕ ಗರಿಷ್ಠ ಮಟ್ಟ 42,597.43 ಅಂಶದಲ್ಲಿ ವಹಿವಾಟು ಕೊನೆಗೊಳಿಸಿದೆ. ಇಂಟ್ರಾ ಡೇ ವಹಿವಾಟಿನಲ್ಲಿ ಇದು ಸಾರ್ವಕಾಲಿಕ 42,645.33 ತಲುಪಿತ್ತು. ಇದೇ ರೀತಿ, ನ್ಯಾಷನಲ್ ಸ್ಟಾಕ್ ಎಕ್ಸ್​ಚೇಂಜ್​ (ಎನ್​ಎಸ್​ಇ) ಸೂಚ್ಯಂಕ ನಿಫ್ಟಿ ಕೂಡ ಮಧ್ಯಂತರದ ವಹಿವಾಟಿನಲ್ಲಿ 12,474.05 ಅಂಶ ತಲುಪಿದ್ದು, ದಿನದ ವಹಿವಾಟಿನ ಕೊನೆಗೆ 197.50 ಅಂಶ (1.61%) ಏರಿಕೆಯೊಂದಿಗೆ 12,461.05ರಲ್ಲಿ ವಹಿವಾಟು ಮುಗಿಸಿದೆ.

       ಈ ವಿದ್ಯಮಾನದ ಕಾರಣ ಇಂದು ಷೇರುಪೇಟೆಯಲ್ಲಿ ಬಿಎಸ್​ಇ ಲಿಸ್ಟೆಡ್ ಕಂಪನಿಗಳ ಮಾರುಕಟ್ಟೆ ಬಂಡವಾಳ 1,65,67,257.92 ಲಕ್ಷ ಕೋಟಿ ರೂಪಾಯಿಯಿಂದ 2,06,558.75 ಲಕ್ಷ ಕೋಟಿ ರೂಪಾಯಿಗೆ ತಲುಪಿತು. ಸೆನ್ಸೆಕ್ಸ್ ಪಟ್ಟಿಯಲ್ಲಿ 30 ಕಂಪನಿಗಳ ಷೇರುಗಳ ಪೈಕಿ 28 ಕಂಪನಿಗಳ ಷೇರು ಲಾಭಾಂಶದೊಂದಿಗೆ ದಿನದ ವಹಿವಾಟು ಮುಗಿಸಿವೆ. ಈ ಪೈಕಿ ಇಂಡಸ್​ಇಂಡ್ ಬ್ಯಾಂಕ್​ ಷೇರು ಗರಿಷ್ಠ 4.95 ಲಾಭಾಂಶ ಗಳಿಸಿದೆ.