ತಿರುವನಂತಪುರ: ರಾಜ್ಯದಲ್ಲಿ ಕೋವಿಡ್ ಹರಡುವಿಕೆ ನಿಯಂತ್ರಣದಲ್ಲಿದೆ ಎಂಬ ಸೂಚನೆಯೊಂದಿಗೆ ಆರೋಗ್ಯ ಇಲಾಖೆಯ ಸಾಪ್ತಾಹಿಕ ವರದಿ ಹೊರಬಿದ್ದಿದೆ. ಕೋವಿಡ್ ಪ್ರಸರಣ ತೀವ್ರವಾಗಿದ್ದ 610 ಕ್ಲಸ್ಟರ್‍ಗಳಲ್ಲಿ 417 ಕ್ಲಸ್ಟರ್ ಗಳು ಸಾಮಾನ್ಯ ಸ್ಥಿತಿಗೆ ಮರಳಿದೆ ಎಂದು ಆರೋಗ್ಯ ಇಲಾಖೆ ತಿಳಿಸಿದೆ.
ಸಾಪ್ತಾಹಿಕ ವರದಿಯ ಪ್ರಕಾರ, ಇಡುಕ್ಕಿ ಹೊರತುಪಡಿಸಿ 13 ಜಿಲ್ಲೆಗಳಲ್ಲಿ ಪರೀಕ್ಷಾ ಸಕಾರಾತ್ಮಕತೆಯ ಪ್ರಮಾಣ ಕಡಿಮೆಯಾಗಿದೆ. ನವೆಂಬರ್‍ನಲ್ಲಿ ಪರೀಕ್ಷಾ ಸಕಾರಾತ್ಮಕತೆ ಪ್ರಮಾಣವು ಅಕ್ಟೋಬರ್‍ನ ಕೊನೆಯ ವಾರಕ್ಕಿಂತ ಗಮನಾರ್ಹವಾಗಿ ಕಡಿಮೆಯಾಗಿದೆ ಎಂದು ವರದಿ ಗಮನಸೆಳೆದಿದೆ. 100 ಜನರಿಗೆ ರೋಗ ಪತ್ತೆಯಾದ ಮಲಪ್ಪುರಂನಲ್ಲಿ ಈಗ ಈ ಸಂಖ್ಯೆ 15 ಕ್ಕೆ ಇಳಿದಿದೆ.
ಪ್ರಸ್ತುತ, ಇಡುಕ್ಕಿ ಮಾತ್ರ ಪರೀಕ್ಷಾ ಸಕಾರಾತ್ಮಕತೆಯಲ್ಲಿ ಸ್ವಲ್ಪ ಹೆಚ್ಚಳವನ್ನು ಹೊಂದಿದೆ ಎಂದು ವರದಿಯಲ್ಲಿ ತಿಳಿಸಲಾಗಿದೆ. ರಾಜ್ಯದ ಒಟ್ಟು 610 ಕ್ಲಸ್ಟರ್‍ಗಳಲ್ಲಿ 417 ರಲ್ಲಿ ನಿರ್ಮೂಲನೆ ಸೋಂಕು ಹತೋಟಿಯಲ್ಲಿದ್ದು ಕೇವಲ 193 ಕ್ಲಸ್ಟರ್‍ಗಳು ಮಾತ್ರ ಅಲ್ಪ ಪ್ರಮಾಣದಲ್ಲಿ ಉಳಿದಿವೆ. ಕೋವಿಡ್ ಚಿಕಿತ್ಸೆ ಪಡೆಯುವ ಜನರ ಸಂಖ್ಯೆಯೂ ಕ್ಷೀಣಿಸುತ್ತಿದೆ. ಅಕ್ಟೋಬರ್ ಅಂತ್ಯದಲ್ಲಿ, ರಾಜ್ಯದಲ್ಲಿ 90,000 ಕ್ಕೂ ಹೆಚ್ಚು ಜನರು ಚಿಕಿತ್ಸೆ ಪಡೆಯುತ್ತಿದ್ದರು ಮತ್ತು ಈಗ 77,813 ರೋಗಿಗಳಿದ್ದಾರೆ. ಐಸಿಯು ಮತ್ತು ವೆಂಟಿಲೇಟರ್‍ನಲ್ಲಿ ದಾಖಲಾಗಿರುವ ಜನರ ಸಂಖ್ಯೆಯಲ್ಲೂ ಇಳಿಕೆ ಕಂಡುಬಂದಿದೆ.
ಕೋವಿಡ್ ಸಾವಿನ ಸಂಖ್ಯೆ ದೇಶದ ಇತರ ರಾಜ್ಯಗಳಿಗಿಂತ ಕಡಿಮೆಯಿದ್ದರೂ, ಇತ್ತೀಚಿನ ದಿನಗಳಿಗೆ ಹೋಲಿಸಿದರೆ ರಾಜ್ಯದಲ್ಲಿ ಸಾವಿನ ಪ್ರಮಾಣ ಕಡಿಮೆಯಾಗಿಲ್ಲ ಎಂಬುದು ವರದಿಯಿಂದ ಸ್ಪಷ್ಟವಾಗಿದೆ. ಕಳೆದ ವಾರವಷ್ಟೇ ಕೋವಿಡ್ ಸೋಂಕಿನಿಂದ 183 ಜನರು ಸಾವನ್ನಪ್ಪಿದ್ದಾರೆ. ಇದೇ ವೇಳೆ ಕೋವಿಡ್ ಗುಣಮುಖರಾದ ಬಳಿಕ ತೀವ್ರವಾಗಿ ಅನಾರೋಗ್ಯಕ್ಕೆ ಒಳಗಾಗುವವರ ಸಂಖ್ಯೆ ಹೆಚ್ಚುತ್ತಿದೆ ಎಂದು ವರದಿ ತಿಳಿಸಿದೆ.
DOCTYPE html>
