BIG BREAKING-ಫ್ಯಾಷನ್ ಗೋಲ್ಡ್ ಹಗರಣ ಪ್ರಕರಣದಲ್ಲಿ ಮಂಜೇಶ್ವರ ಶಾಸಕ ಎಂ.ಸಿ.ಕಮರುದ್ದೀನ್ ಬಂಧನ

       ಕಾಸರಗೋಡು: ಫ್ಯಾಷನ್ ಗೋಲ್ಡ್ ಜುವೆಲ್ಲರಿ ವಂಚನಾ ಹಗರಣದ ಆರೋಪಿ ಮಂಜೇಶ್ವರ ಶಾಸಕ ಎಂ.ಸಿ.ಕಮರುದ್ದೀನ್ ರನ್ನು ಇಂದು ಬಂಧಿಸಿದ ನಾಟಕೀಯ ಘಟನೆ ನಡೆದಿದೆ. 

      ಕಾಸರಗೋಡು ಎಸ್‌ಪಿ ಕಚೇರಿಯಲ್ಲಿ ಇಂದು ಗಂಟೆಗಳ ಕಾಲ ನಡೆದ ವಿಚಾರಣೆ ಬಳಿಕ ಬಂಧಿಸಲಾಯಿತು. 15 ಕೋಟಿ ರೂ.ಗಳ ಹಗರಣ ನಡೆದಿದ್ದು, ಶಾಸಕರ ವಿರುದ್ಧ ಸಾಕ್ಷ್ಯಗಳು ಬಂದಿವೆ ಎಂದು ಎಎಸ್ಪಿ ವಿವೇಕ್ ಕುಮಾರ್ ಮಾಧ್ಯಮಗಳಿಗೆ ತಿಳಿಸಿದರು.

       ಈ ಹಿಂದೆ 37 ಎಫ್‌ಐಆರ್‌ಗಳಲ್ಲಿ 13 ಕೋಟಿ ರೂ.ಗಳ ಮೌಲ್ಯದ ವಂಚನೆಯ ಪುರಾವೆಗಳು ದೊರೆತಿವೆ ಮತ್ತು ಇಂದು  ಬಂಧಿಸಲಾಗುವುದು ಎಂದು ಎಎಸ್‌ಪಿ ತಿಳಿಸಿದ್ದರು. ಆದರೆ   ಕಮರುದ್ದೀನ್ ವಿಚಾರಣಾ ತಂಡಕ್ಕೆ ತಾನು ತಪ್ಪೆಸಗಿಲ್ಲ ಮತ್ತು ಸಂಸ್ಥೆಯ ಎಂಡಿ ಮತ್ತು ನಿರ್ದೇಶಕರು ಮೋಸ ಮಾಡಿದ್ದಾರೆ ಎಂದು ತಿಳಿಸಿದ್ದರು.

ಜ್ಯುವೆಲ್ಲರಿಯ ಎಂಡಿ ಯನ್ನುಹ  ಇಂದು  ವಿಚಾರಣೆ ನಡೆಸಿ ಬಂಧಿಸುವ ಸಾಧ್ಯತೆ ಇದೆ ಎಂದು ತಿಳಿದುಬಂದಿದೆ. ಫ್ಯಾಷನ್ ಗೋಲ್ಡ್ ವಂಚನೆ  ಸಂಬಂಧಿಸಿದಂತೆ ಇದುವರೆಗೆ 115 ಪ್ರಕರಣಗಳು ದಾಖಲಾಗಿವೆ. ಈ ಸಮಸ್ಯೆಯನ್ನು ಪರಿಹರಿಸಲು ಮುಸ್ಲಿಂ ಲೀಗ್ ನೇಮಕ ಮಾಡಿದ ಮಧ್ಯವರ್ತಿ ಕಲ್ಲಟ್ರ ಮಾಹಿನ್ ಹಾಜಿ ಎಸ್‌ಐಟಿಗೆ ನಿನ್ನೆ ಹೇಳಿಕೆ ನೀಡಿದ್ದರು.