ಶಾಸಕ ಖಮರುದ್ದೀನ್ ವಿರುದ್ಧ ಪಕ್ಷದಿಂದ ಯಾವುದೇ ಕ್ರಮಗಳಿಲ್ಲ-ಲೀಗ್- ಬಂಧನ ಅನ್ಯಾಯ- ಪಿ.ಕೆ.ಕುಂಞಲಿಕುಟ್ಟಿ

   

        ಕೋಝಿಕ್ಕೋಡ್: ಫ್ಯಾಶನ್ ಗೋಲ್ಡ್ ಜುವೆಲ್ಲರಿ ವಂಚನೆ ಪ್ರಕರಣದಲ್ಲಿ ಶಾಸಕ ಎಂ.ಸಿ. ಖಮರುದ್ದೀನ್ ಬಂಧನ ವಿರುದ್ಧ ಮುಸ್ಲಿಂ ಲೀಗ್ ನಿಲುವು ವ್ಯಕ್ತಪಡಿಸಿದೆ. ವಂಚನೆ ಪ್ರಕರಣದಲ್ಲಿ ಬಂಧಿಸಲ್ಪಟ್ಟ ಎಂ.ಸಿ.ಕಮರುದ್ದೀನ್ ವಿರುದ್ಧ ಯಾವುದೇ ಕ್ರಮ ಕೈಗೊಳ್ಳುವುದಿಲ್ಲ ಎಂದು ಮುಸ್ಲಿಂ ಲೀಗ್ ನಾಯಕತ್ವ ಹೇಳಿದೆ. ಕೋಝಿಕ್ಕೋಡ್ ನಲ್ಲಿ ನಿನ್ನೆ ನಡೆದ ಮುಸ್ಲಿಂ ಲೀಗ್ ನಾಯಕರ ಸಭೆಯಲ್ಲಿ ಈ ನಿರ್ಧಾರ ಕೈಗೊಳ್ಳಲಾಗಿದ್ದು ಪಿ.ಕೆ.ಕುಂಞಲಿಕುಟ್ಟಿ ಅವರು ಶಾಸಕರ ಬಂಧನ 'ಅನ್ಯಾಯ' ಮತ್ತು ವಿವಾದವನ್ನು 'ಸಮತೋಲನಗೊಳಿಸುವ' ರಾಜಕೀಯ ಕ್ರಮ ಎಂದು ಹೇಳಿದರು. ಹೂಡಿಕೆಯಾಗಿ ಸ್ವೀಕರಿಸಿದ ಹಣವನ್ನು ಪೂರ್ಣವಾಗಿ ಹಿಂದಿರುಗಿಸಬೇಕು ಎಂಬ ನಿಲುವನ್ನು ಪಕ್ಷ ತೆಗೆದುಕೊಂಡಿದೆ. ಆದರೆ ಬಂಧನವು ಅಸಾಮಾನ್ಯವಾಗಿದೆ ಎಂದು ಕುಂಞಲಿಕುಟ್ಟಿ ಹೇಳಿದರು.

       ಆರೋಪಗಳ ಬಗ್ಗೆ ತನಿಖೆ ನಡೆಸದೆ ಖಮರುದ್ದೀನ್ ಅವರನ್ನು ಬಂಧಿಸಲಾಗಿದೆ ಎಂದು ಕುಂಞಲಿಕುಟ್ಟಿ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು. "ರಾಜಕೀಯವಾಗಿ, ಸುದ್ದಿಗಳನ್ನು ರಚಿಸಲು ಮತ್ತು ಪ್ರಸ್ತುತ ವಿವಾದವನ್ನು ಎದುರಿಸಲು ಈ ಬಂಧನವನ್ನು ಮಾಡಲಾಗಿದೆ" ರಂದು ಅಭಿಪ್ರಾಯಪಡಲಾಗಿದೆ. ಹೂಡಿಕೆದಾರರು ತಮ್ಮ ಹಣವನ್ನು ಮರಳಿ ಪಡೆಯಲು ಒಂದು ನಿಲುವನ್ನು ತೆಗೆದುಕೊಳ್ಳಬಹುದಿತ್ತು ಮತ್ತು ವ್ಯವಹಾರವನ್ನು ಕಳೆದುಕೊಂಡವರನ್ನು ಬಂಧಿಸುವ ಪ್ರಕ್ರಿಯೆಯು "ಅಸಾಧಾರಣ" ಎಂದು ಕುಂಞಲಿಕುಟ್ಟಿ ಹೇಳಿದರು. "ಖಮರುದ್ದೀನ್ ವಿರುದ್ಧ ಯಾವ ತನಿಖೆ ನಡೆಸಲಾಗಿದೆ?" ಎಂದು ಕುಂಞಲಿಕುಟ್ಟಿ ಕೇಳಿದರು. ಆರೋಪಗಳ ಆಧಾರದ ಮೇಲೆ 13 ಕೋಟಿ ರೂ. ವಂಚನೆ ನಡೆಸಲಾಗಿದೆ ಎಂದು ಬಂಧಿಸುವುದು ಎಷ್ಟು ಸರಿ ಎಂದವರು ಪ್ರಶ್ನಿಸಿದರು.   

      ವ್ಯವಹಾರವೊಂದು ನಷ್ಟವಾಗಿದೆ ಎಂಬ ಕಾರಣಕ್ಕೆ ಬಂಧನವಾಗುವುದಾದರೆ ಬಂಧಿಸಬಹುದು" ಎಂದು ಕುಂಞಲಿಕುಟ್ಟಿ ಹೇಳಿದರು. ಶಾಸಕರ ವಿರುದ್ಧ ಕೈಗೊಂಡ ಕ್ರಮ ಕಾನೂನುಬದ್ಧವಾಗಿ ಅಸ್ತಿತ್ವದಲ್ಲಿಲ್ಲ ಮತ್ತು ಚಿನ್ನದ ಕಳ್ಳಸಾಗಣೆ ಸೇರಿದಂತೆ ವಿವಾದಗಳನ್ನು ಸಮತೋಲನಗೊಳಿಸಲು ರಾಜ್ಯ ಸರ್ಕಾರ ತೆಗೆದುಕೊಂಡಿದೆ ಎಂದು ಅವರು ಆರೋಪಿಸಿದರು. ಪ್ರಕರಣಗಳನ್ನು ಬಲವಾಗಿ ವಿರೋಧಿಸಿ ಲೀಗ್ ನ್ಯಾಯ ಲಭಿಸುವವರೆಗೂ ಮುಂದುವರಿಯಲಿದೆ. ತಮ್ಮ ವ್ಯವಹಾರಗಳಲ್ಲಿ ನಷ್ಟ ಅನುಭವಿಸಿದ ಬಹಳಷ್ಟು ಜನರಿದ್ದಾರೆ. ವ್ಯವಹಾರ ನಷ್ಟಕ್ಕೊಳಗಾದ ಪ್ರತಿಯೊಬ್ಬರನ್ನು ಈ ರೀತಿ ಬಂಧಿಸಲಾಗುತ್ತದೆಯೇ?"ಎಂದು ಅವರು ಪ್ರಶ್ನಿಸಿದರು.  ಇದೇ ವೇಳೆ ಹೂಡಿಕೆಗೈದು ಹಣವನ್ನು ಕಳೆದುಕೊಂಡವರಿಗೆ ಪೂರ್ಣವಾಗಿ ಮರುಪಾವತಿ ಮಾಡಬೇಕು ಎಂದು ತೀರ್ಮಾನಿಸಲಾಗಿದೆ.  ಇದು ಮೋಸದ ಪ್ರಕರಣ. ಮರು ಪಾವತಿಸಬೇಕಾದ್ದರಲ್ಲಿ ಯಾವುದೇ ಗೊಂದಲವಿಲ್ಲ. ಹೂಡಿಕೆ ಯೋಜನೆಯ ಬಗ್ಗೆ ಪಕ್ಷಕ್ಕೆ ತಿಳಿದಿಲ್ಲ ಎಂದು ಮುಸ್ಲಿಂ ಲೀಗ್ ಹೇಳಿದೆ.

         ತನಿಖೆಯ ಮಾಹಿತಿ ಸೋರಿಕೆಯಾಗಿದೆ ಎಂದು ಕೇಂದ್ರ ಏಜೆನ್ಸಿಗಳ ವಿರುದ್ದ ಹರಿಹಾಯುವ ರಾಜ್ಯ ಸರ್ಕಾರ ಶಾಸಕರ ಬಂಧನದ ಬಗ್ಗೆ ಪೆÇಲೀಸರಿಗೆ ತಿಳಿಸಲು ರಾಜ್ಯ ಸರ್ಕಾರ "ಪತ್ರಿಕಾಗೋಷ್ಠಿ" ನಡೆಸಿದೆ ಎಂದು ಕುಂಞಲಿಕುಟ್ಟಿ ಆರೋಪಿಸಿದ್ದಾರೆ. ಸರ್ಕಾರ ಮಾಡಿದ್ದಕ್ಕೆ ಯಾವುದೇ ಸಮರ್ಥನೆ ಇಲ್ಲ. ಪ್ರಕರಣಗಳಿಗೆ ತೀವ್ರ ವಿರೋಧ ವ್ಯಕ್ತಪಡಿಸುವುದರೊಂದಿಗೆ ಮುಂದುವರಿಯುವುದಾಗಿ ಕುಂಞಲಿಕುಟ್ಟಿ ಹೇಳಿದರು.

            ಎಂಕೆ ಮುನೀರ್ ಮಾತನಾಡಿ ಈ ಬಂಧನವು ಶಾಸಕಾಂಗ ಸವಲತ್ತು ಮತ್ತು ನೈತಿಕ ಸಮಿತಿಯ ಪರಿಗಣನೆಯಿಂದ ಎಂದು ಆರೋಪಿಸಿದರು. ಇದು ವಿಧಾನಸಭೆಯ ಸಮಿತಿಯನ್ನು ದುರ್ಬಲಗೊಳಿಸುವ ಕ್ರಮವಾಗಿದೆ ಎಂದು ಅವರು ಬೊಟ್ಟುಮಾಡಿದರು. 

       ಕಾಸರಗೋಡು ಫ್ಯಾಷನ್ ಗೋಲ್ಡ್ ಹಗರಣಕ್ಕೆ ಸಂಬಂಧಿಸಿದಂತೆ ಎಂಸಿ ಖಮರುದ್ದೀನ್ ರನ್ನು ಪೆÇಲೀಸರು ಶನಿವಾರ ಬಂಧಿಸಿದ್ದರು. ಪ್ರಕರಣದ ಸಹ ಆರೋಪಿ ಪೂಕೋಯಾ ತಂಙಳ್ ಪರಾರಿಯಾಗಿದ್ದಾನೆ ಎಂದು ವರದಿಯಾಗಿದೆ.