ಕೋವಿಡ್ ಸಾಂಪಲ್ ತಪಾಸಣೆ ಹೆಚ್ಚಳ: ಜಿಲ್ಲಾ ಆಸ್ಪತ್ರೆ ಹಿಂದಿನ ಸ್ಥಿತಿಗೆ ತರುವ ಕ್ರಮ ಚುರುಕು : ಜಿಲ್ಲಾ ವೈದ್ಯಾಧಿಕಾರಿ

  

        ಕಾಸರಗೋಡು: ಜಿಲ್ಲೆಯಲ್ಲಿ ಕೋವಿಡ್ ರೋಗಿಗಳ ಸಮಖ್ಯೆ ಇಳಿಮುಖವಾಗುತ್ತಿದ್ದರೂ, ಸಾಂಪಲ್ ತಪಾಸಣೆ ಹೆಚ್ಚಳಗೊಳಿಸಲು ಜಿಲ್ಲಾ ಮಟ್ಟದ ಕೊರೋನಾ ಕೋರ್ ಸಮಿತಿ ಸಭೆ ನಿರ್ಧರಿಸಿದೆ.   

        ವ್ಯಾಪಾರ ಸಂಸ್ಥೆಗಳ ಮಾಲೀಕರು, ಸಿಬ್ಬಂದಿ, ಸಂಚಾರ ವ್ಯವಸ್ಥೇಗಳ ಚಾಲಕರು, ಸಿಬ್ಬಂದಿ, ಸಾರ್ವಜನಿಕರು ಆಂಟಿಜೆನ್ ಟೆಸ್ಟ್ ಗೆ ಒಳಗಾಗಿ ಸಹಕರಿಸುವಂತೆ ಜಿಲ್ಲಾ ವೈದ್ಯಧಿಕಾರಿ ಡಾ.ಎ.ವಿ.ರಾಮದಾಸ್ ತಿಳಿಸಿದರು. ಇದರೊಂದಿಗೆ ಕಾಞಂಗಾಡ್ ಜಿಲ್ಲಾ ಆಸ್ಪತ್ರೆ ಕೋವಿಡ್ ಆಸ್ಪತ್ರೆಯಾಗಿಸಿದ ಕಾರಣ ಜನತೆ ಎದುರಿಸುತ್ತಿರುವ ಸಮಸ್ಯೆಗಳನ್ನು ಅರಿತುಕೊಂಡು ಉಕ್ಕಿನಡ್ಕ ನೆಡಿಕಲ್ ಕಾಲೇಜು ಕೋವಿಡ್ ಆಸ್ಪತ್ರೆಯಲ್ಲಿ, ಟಾಟಾ ಕೋವಿಡ್ ಆಸ್ಪತ್ರೆಗಳಲ್ಲಿ ಅಗತ್ಯದ ವ್ಯವಸ್ಥೆಗಳನ್ನು ಹೆಚ್ಚಿಸಲು ಕ್ರಮ  ಜಾರಿಯಲ್ಲಿದೆ. ಡಿಸೆಂಬರ್ 1ರಂದು ಕಾಞಂಗಾಡ್ ಜಿಲ್ಲಾ ಅಸ್ಪತ್ರೆ ಹಿಂದಿನ ರೀತಿಯಲ್ಲೇ ಚಟುವಟಿಕೆ ನಡೆಸುವ ನಿರೀಕ್ಷೆಯಿದೆ ಎಂದು ಜಿಲ್ಲಾ ವೈದ್ಯಾಧಿಕಾರಿ ತಿಳಿಸಿದರು.