ತಿರುವನಂತಪುರ: ಚಿನ್ನ ಕಳ್ಳಸಾಗಣೆ ಪ್ರಕರಣದ ಆರೋಪಿ ಸ್ವಪ್ನಾ ಸುರೇಶ್ ಅವರ ಖಾತೆಯಲ್ಲಿ 1.5 ಕೋಟಿ ರೂ.ಗಳನ್ನು ಲೈಫ್ ಮಿಷನ್ ಯೋಜನೆಗೆ ಲಂಚವಾಗಿ ಸ್ವೀಕರಿಸಲಾಗಿದೆ ಎಂದು ವಿಜಿಲೆನ್ಸ್ ಪತ್ತೆಹಚ್ಚಿದೆ. ತಾನು ಲಂಚ ಸ್ವೀಕರಿಸಿದ್ದೇನೆ ಮತ್ತು ಅದನ್ನು ಲಾಕರ್‍ನಲ್ಲಿ ಇಡುತ್ತಿರುವೆ ಎಂದು ಸಪ್ನಾ ಶಿವಶಂಕರ್‍ಗೆ ಮಾಹಿತಿ ನೀಡಿದ್ದಾಗಿ ವಿಜಿಲೆನ್ಸ್ ಪತ್ತೆಹಚ್ಚಿದೆ. ಈ ಶೋಧನೆಯು ಜಾರಿ ನಿರ್ದೇಶನಾಲಯದ ವಾದಗಳನ್ನು ದೃಢಪಡಿಸುತ್ತದೆ.
ಕಳೆದ ವರ್ಷ ಆಗಸ್ಟ್ 2 ರಂದು ಕವಾಡಿಯಾರ್‍ನಲ್ಲಿ ಯುನಿಟಾಕ್ ಮಾಲೀಕರು ಈಜಿಪ್ಟಿನ ದೂತಾವಾಸದ ಉದ್ಯೋಗಿ ಖಾಲಿದ್ ಅಲಿ ಶೌಕ್ರಿಗೆ ಹಣವನ್ನು ಹಸ್ತಾಂತರಿಸಿದ್ದರು. ಲಂಚವು 3.80 ಕೋಟಿ ರೂ. ಗಳಷ್ಟಿತ್ತು. 1.50 ಕೋಟಿ ಭಾರತೀಯ ರೂಪಾಯಿ ಮತ್ತು ಉಳಿದವು ಡಾಲರ್‍ಗಳಲ್ಲಿದ್ದವು. ವರದಿಯ ಪ್ರಕಾರ, ನಾಲ್ಕು ದಿನಗಳವರೆಗೆ ಮೊತ್ತವನ್ನು ಕೈವಶವಿರಿಸಿ ಬಳಿಕ ಲಂಚ ಪಡೆದ ಮಾಹಿತಿಯನ್ನು ಖಾಲಿದ್ ಸ್ವಪ್ನಾಗೆ ತಿಳಿಸಿದ್ದರು.
ಸರಿತ್ ಮತ್ತು ಸ್ವಪ್ನಾ ಇಬ್ಬರೂ ಖಾಲಿದ್ ಅವರ ಮನೆಗೆ ತೆರಳಿ ಲಂಚದ ಹಣವನ್ನು ತೆಗೆದುಕೊಂಡರು. ಸ್ವಪ್ನಾಳಿಗೆ ತನ್ನ ಬಳಿ ಎಷ್ಟು ಹಣವಿದೆ ಎಂದು ತಿಳಿದಿರಲಿಲ್ಲ. ಇದು ದೊಡ್ಡ ಸಂಖ್ಯೆಯಾಗಿದ್ದು, ಅದನ್ನು ಸಂಭಾಳಿಸಬೇಕು ಎಂದು ಖಾಲಿದ್ ಹೇಳಿದ್ದನು. 64 ಲಕ್ಷ ರೂ.ಗಳನ್ನು ಎಸ್‍ಬಿಐ ಲಾಕರ್‍ನಲ್ಲಿ ಮತ್ತು ಉಳಿದ ಹಣವನ್ನು ಫೆಡರಲ್ ಬ್ಯಾಂಕ್ ಲಾಕರ್‍ನಲ್ಲಿ ಇರಿಸಲಾಗಿತ್ತು. ಸ್ವಪ್ನಾ ಪ್ರಕಾರ, ಶಿವಶಂಕರ್ ಅವರಿಗೆ ಹಣದ ವ್ಯವಹಾರದ ಬಗ್ಗೆ ತಿಳಿದಿತ್ತು. ಆದರೆ, ಕಮಿಷನ್ ಮೊತ್ತ ತನಗಾಗಿ ಎಂದು ನೇರವಾಗಿ ಹೇಳಲಾಗಿಲ್ಲ ಎಂದು ಸ್ವಪ್ನಾ ಹೇಳಿದ್ದಾರೆ.
ಲೈಫ್ ಮಿಷನ್ ಸಿಇಒ ಯುವಿ ಜೋಸ್ ಅವರ ಹೇಳಿಕೆಯನ್ನು ವಿಜಿಲೆನ್ಸ್ ದಾಖಲಿಸಿದೆ. ಶಿವಶಂಕರ್ ನಡೆಸಿದ ಖಾಸಗಿ ವಾಟ್ಸಾಪ್ ಮಾಹಿತಿಯನ್ನು ಸಹ ಸಂಗ್ರಹಿಸಲಾಗಿದೆ. ಲೈಫ್ ಮಿಷನ್ ಯೋಜನೆಯ ವಿವರಗಳನ್ನು ಹಸ್ತಾಂತರಿಸುವಂತೆ ಶಿವಶಂಕರ್ ಅವರ ಮನವಿ ಸೇರಿದಂತೆ ವಿಜಿಲೆನ್ಸ್‍ಗೆ ವಿವಿಧ ಸಂದೇಶಗಳು ತನಿಖೆಯ ಮೂಲಕ ಲಭ್ಯವಾಗಿವೆ.
DOCTYPE html>
