ಶಿವ...ಶಿವಾ....ಎಂ.ಶಿವಶಂಕರ್ ಮತ್ತು ಸಿಎಂ ಕಚೇರಿಯಲ್ಲಿರುವ 'ಎಲ್ಲರಿಗೂ' ರಾಜತಾಂತ್ರಿಕ ಮಾರ್ಗದ ಮೂಲಕ ಕಳ್ಳಸಾಗಣೆ ಬಗ್ಗೆ ತಿಳಿದಿತ್ತು '; ಇಡಿ ನ್ಯಾಯಾಲಯದಲ್ಲಿ ಹೇಳಿಕೆ-ಕಸ್ಟಡಿ ವಿಸ್ತರಣೆ

      ಕೊಚ್ಚಿ: ಮುಖ್ಯಮಂತ್ರಿಗಳ ಮಾಜಿ ಪ್ರಧಾನ ಕಾರ್ಯದರ್ಶಿ ಎಂ.ಶಿವಶಂಕರ್ ಮತ್ತು ಮುಖ್ಯಮಂತ್ರಿ ಕಚೇರಿಯಲ್ಲಿರುವ ಎಲ್ಲರ  ಅರಿವಿನೊಂದಿಗೆ ರಾಜತಾಂತ್ರಿಕ ಮಾರ್ಗದ ಮೂಲಕ ಕಳ್ಳಸಾಗಣೆ ನಡೆಸಲಾಗಿದೆ ಎಂದು ಜಾರಿ ನಿರ್ದೇಶನಾಲಯ (ಇಡಿ) ತಿಳಿಸಿದೆ.       ಚಿನ್ನದ ಜೊತೆಗೆ, ರಾಜತಾಂತ್ರಿಕ ಚಾನೆಲ್ ಮೂಲಕ ಎಲೆಕ್ಟ್ರಾನಿಕ್ ಸರಕುಗಳನ್ನು ಸಹ ಕಳ್ಳಸಾಗಣೆ ಮಾಡಲಾಗಿದೆ ಎಂದು ಇಡಿ ನ್ಯಾಯಾಲಯದಲ್ಲಿ ಸಲ್ಲಿಸಿದ ತನ್ನ ಕಸ್ಟಡಿ ಅರ್ಜಿಯಲ್ಲಿ ಸೂಚಿಸಿದೆ.

      ಇಡಿ ಕಸ್ಟಡಿ ಅರ್ಜಿಯ ಪ್ರಕಾರ, ಶಿವಶಂಕರ್ ಅವರಿಗೆ ಚಿನ್ನದ ಕಳ್ಳಸಾಗಣೆ ಬಗ್ಗೆ ತಿಳಿದಿತ್ತು. ಶಿವಶಂಕರ್ ಹಾಗೂ  ಮುಖ್ಯಮಂತ್ರಿಯವರ ಕಚೇರಿಯಲ್ಲಿರುವವರಿಗೆಲ್ಲರಿಗೂ ಸ್ಪಷ್ಟ ಅರಿವಿತ್ತು. ಲೈಫ್ ಮಿಷನ್ ಲಂಚ ವ್ಯವಹಾರಗಳ ಬಗ್ಗೆ ತಂಡಕ್ಕೆ ತಿಳಿದಿದೆ ಎಂದು ಇಡಿ ತಿಳಿಸಿದೆ.

      ಶಿವಶಂಕರ್ ಅವರು ಎಲ್ಲಾ ವ್ಯವಹಾರಗಳ  ಬಗ್ಗೆ ತಿಳಿದಿದ್ದರು ಎಂದು ಸ್ವಪ್ನಾ ತನಿಖಾಧಿಕಾರಿಗಳ ಮುಂದೆ  ಹೇಳಿಕೆ ನೀಡಿದ್ದಾರೆ ಎಂದು ಇಡಿ ಹೇಳಿದೆ. 1 ಕೋಟಿ ರೂ.ಗಳನ್ನು ಲಾಕರ್‌ನಲ್ಲಿ ಇಡಲು ಸಲಹೆ ನೀಡಿದ್ದು ಶಿವಶಂಕರ್ ಎಂದು ಸ್ವಪ್ನಾ ಹೇಳಿದ್ದಾರೆ.

       ಶಿವಶಂಕರ್ಹೊ ಅವರ ಕಸ್ಟಡಿ ಅವಧಿ ಇಂದು ಮುಕ್ತಾಯಗೊಳ್ಳುತ್ತಿದ್ದು,ಈಗಿನ ಹೊಸ ಸಾಕ್ಷ್ಯದ ಕಾರಣ , ಶಿವಶಂಕರ್ ಅವರನ್ನು ಇನ್ನೂ ಒಂದು ದಿನ ವಶಕ್ಕೆ ನೀಡಬೇಕೆಂದು ಇಡಿ ಮನವಿ ಮಾಡಿದ್ದು, ಇದಕ್ಕೆ ನ್ಯಾಯಾಲಯ ಅನುಮತಿಸಿತು. ಶಿವಶಂಕರ್ ವಿರುದ್ಧದ ಹೆಚ್ಚಿನ ಪುರಾವೆಗಳನ್ನು ಮೊಹರು ಮಾಡಿದ ಲಕೋಟೆಯಲ್ಲಿ ಇಡಿ ಹಸ್ತಾಂತರಿಸಿತು.