ದೂರುದಾರನನ್ನು ನಿಂದಿಸಿದ ಘಟನೆ; ಎಎಸ್ಐ ಗೋಪಾಕುಮಾರ್ ಅಮಾನತು

        ತಿರುವನಂತಪುರ: ನೆಯಾರ್ ಡ್ಯಾಂ ಪೋಲೀಸ್ ಠಾಣೆಯಲ್ಲಿ ಪೊಲೀಸ್ ಅಧಿಕಾರಿಯೊಬ್ಬರು ಮಗಳ ಜೊತೆ ದೂರು ನೀಡಲು ಬಂದ ತಂದೆಯನ್ನು ನಿಂದಿಸಿದ ಘಟನೆಗೆ ಸಂಬಂಧಿಸಿ ಪೋಲೀಸ್ ಅಧಿಕಾರಿ ವಿರುದ್ಧ ಕ್ರಮ ಕೈಗೊಳ್ಳಲಾಗಿದೆ. ಎಎಸ್ಐ ಗೋಪಾಕುಮಾರ್ ಅವರನ್ನು ಅಮಾನತುಗೊಳಿಸಲಾಗಿದೆ. ಘಟನೆಯ ತನಿಖೆ ನಡೆಸಲು ನಯ್ಯಾಟಿಂಗರ ಡಿವೈಎಸ್‌ಪಿಗೆ ನಿರ್ದೇಶನ ನೀಡಲಾಗಿದೆ.

     ಗೋಪಕುಮಾರ್ ಅವರ ಕಡೆಯಿಂದ ಗಂಭೀರ ಕರ್ತವ್ಯ ಲೋಪ ಕಂಡುಬಂದಿದೆ ಎಂದು ರೇಂಜ್ ಡಿಐಜಿ ರಾಜ್ಯ ಪೊಲೀಸ್ ಮುಖ್ಯಸ್ಥರಿಗೆ ವರದಿ ಸಲ್ಲಿಸಿದ ಬಳಿಕ ಈ ಕ್ರಮ ಕೈಗೊಳ್ಳಲಾಗಿದೆ. ರೇಂಜ್ ಡಿಐಜಿಯ ವರದಿಯಲ್ಲಿ ಗೋಪಾಕುಮಾರ್ ಅವರು ಪೊಲೀಸರನ್ನು ಕಳಂಕಿತಗೊಳಿಸಿದ್ದಾರೆ ಮತ್ತು ಅಧಿಕಾರಿಯನ್ನು ಉತ್ತಮ ನಡವಳಿಕೆ ತರಬೇತಿಗಾಗಿ ಕಳುಹಿಸಬೇಕು ಎಂದು ಹೇಳಿರುವರು. ಘಟನೆಯ ಬಗ್ಗೆ ಇಲಾಖೆ ಮುಖ್ಯಸ್ಥರು ತನಿಖೆ ನಡೆಸಬೇಕು ಎಂದು ವರದಿಯಲ್ಲಿ ತಿಳಿಸಲಾಗಿದೆ.

     ಎಎಸ್ಐ ಕಾಲ್ಲಿಕಡ್ ಮೂಲದ ಸುದೇವನ್ ಎಂಬವರೊಂದಿಗೆ ಕೆಟ್ಟದಾಗಿ ವರ್ತಿಸಿದ್ದು, ಅವರು ಕುಟುಂಬದ ಸಮಸ್ಯೆಗೆ ಸಂಬಂಧಿಸಿದಂತೆ ದೂರು ನೀಡಲು ಬಂದಿದ್ದರು. ಸುದೇವನ್ ಅವರನ್ನು ಅಸಭ್ಯವಾಗಿ ನಡೆಸುತ್ತಿರುವ ವಿಡಿಯೋ ಸಾಮಾಜಿಕ ಮಾಧ್ಯಮದಲ್ಲಿ ವ್ಯಾಪಕವಾಗಿ ಪ್ರಸಾರವಾಗಿತ್ತು. ಪೋಲೀಸ್ ಎಎಸ್ಐ ಮದ್ಯದ ಅಮಲಿನಲ್ಲಿದ್ದ ಎಂದು ಹೇಳಲಾಗಿದೆ. ಘಟನೆ ವಿವಾದಾಸ್ಪದವಾದ ನಂತರ ಗೋಪಕುಮಾರ್ ಅವರನ್ನು ಸ್ಥಳಾಂತರಿಸಲಾಗಿತ್ತು.