ಹರ್ತಾಳ- ಸಾರ್ವಜನಿಕ ಸಾರಿಗೆ ನಿಶ್ಚಲ; ಮುಷ್ಕರ ಶಾಂತಿಯುತ

        ಕಾಸರಗೋಡು: ಕೇಂದ್ರ ಸರ್ಕಾರದ ಜನ ವಿರೋಧಿ ನೀತಿಗಳ ವಿರುದ್ಧ ವಿವಿಧ ಕಾರ್ಮಿಕ ಸಂಘಗಳು ಜಂಟಿಯಾಗಿ ಗುರುವಾರ ಕರೆ ನೀಡಿದ್ದ ರಾಷ್ಟ್ರೀಯ ಮುಷ್ಕರವು ಹರ್ತಾಲ್ ಸ್ವರೂಪದಲ್ಲಿ ಕೇರಳ-ಪ.ಬಂಗಾಳದಲ್ಲಿ ವ್ಯಕ್ತವಾಗಿದೆ.  ಶಾಂತಿಯುತ ಹರ್ತಾಲ್ ಹೊರತಾಗಿಯೂ, ಜನರ ಜೀವನವು ಭಾಗಶಃ ಪರಿಣಾಮ ಬೀರಿದೆ. ಸಾರ್ವಜನಿಕ ಸಾರಿಗೆ ಸೌಕರ್ಯಗಳಿರಲಿಲ್ಲ. ಆದರೆ ಖಾಸಗಿ ವಾಹನಗಳು ಸಂಚಾರ ನಡೆಸಿದ್ದವು. ಆದರೆ ಕೆಲವೆಡೆ ಮಾರುಕಟ್ಟೆಗಳು ಮುಚ್ಚಲ್ಪಟ್ಟಿದ್ದವು.

            ಉದ್ಯೋಗದ ಎಲ್ಲಾ ಕ್ಷೇತ್ರಗಳು ನಿಶ್ಚಲ:

     ರಾಷ್ಟ್ರೀಯ ಮುಷ್ಕರ ಸಂದರ್ಭದಲ್ಲಿ ಕಾರ್ಮಿಕ ವರ್ಗದ ಎಲ್ಲಾ ಕ್ಷೇತ್ರಗಳು ಸ್ಥಗಿತಗೊಂಡಿವೆ. ಕೇರಳದಾದ್ಯಂತ ಸಾರ್ವಜನಿಕ ಸಾರಿಗೆ ಸ್ಥಗಿತಗೊಂಡಿತ್ತು. ಇದೇ ವೇಳೆ  ಯಾವುದೇ ರಸ್ತೆ ತಡೆ ಅಥವಾ ಘಟನೆಗಳು ನಡೆದಿಲ್ಲ. ಮುಷ್ಕರಕ್ಕೆ ಐಟಿ ವಲಯ ಬೆಂಬಲ ನೀಡಿತು. ಅವರಲ್ಲಿ ಹೆಚ್ಚಿನವರು ಮನೆಯಿಂದಲೇ ಕೆಲಸ ಮಾಡುತ್ತಿದ್ದರಿಂದ ಮುಷ್ಕರವು ಐಟಿ ಕ್ಷೇತ್ರದ ಮೇಲೆ ಗಮನಾರ್ಹವಾಗಿ ಪರಿಣಾಮ ಬೀರಲಿಲ್ಲ.

              ಮುಷ್ಕರದಲ್ಲಿದ್ದ ಸಂಸ್ಥೆಗಳು: 

     ಅಗತ್ಯ ಸೇವೆಗಳನ್ನು ಹೊರತುಪಡಿಸಿ ಕೇಂದ್ರ ಮತ್ತು ರಾಜ್ಯ ಸರ್ಕಾರಿ ಕಚೇರಿಗಳು ಕಾರ್ಯನಿರ್ವಹಿಸಿಲ್ಲ. ಬ್ಯಾಂಕಿಂಗ್ ಸಂಸ್ಥೆಗಳೂ ಅಸ್ತವ್ಯಸ್ಥಗೊಂಡಿತ್ತು. ಆಟೋ ಮತ್ತು ಟ್ಯಾಕ್ಸಿ ಸೇವೆಗಳು ಸಹ ಸಂಪೂರ್ಣ ಮುಷ್ಕರದಲ್ಲಿದ್ದರೂ ಜಿಲ್ಲೆಯ ಹಲವೆಡೆ ಟ್ಯಾಕ್ಸಿಗಳು ಸಂಚರಿಸಿವೆ. ಸರ್ಕಾರಿ ಮತ್ತು ಖಾಸಗಿ ಕಚೇರಿಗಳಲ್ಲಿ ಹಾಜರಾತಿ ತೀರಾ ಕಡಿಮೆ ಇತ್ತು. 4,800 ಕ್ಕೂ ಹೆಚ್ಚು ಉದ್ಯೋಗಿಗಳನ್ನು ಹೊಂದಿರುವ ಸಚಿವಾಲಯವು ಕೇವಲ 17 ಉದ್ಯೋಗಿಗಳು ಮಾತ್ರ ಕರ್ತವ್ಯಕ್ಕೆ ಹಾಜರಾಗಿದ್ದರು. 

              ಮುಷ್ಕರದ ಬೇಡಿಕೆಗಳು: 

     ಎಲ್ಲಾ ಆದಾಯ ರಹಿತ ತೆರಿಗೆಯ ಕುಟುಂಬಗಳ ಖಾತೆಯಲ್ಲಿ ತಿಂಗಳಿಗೆ 7500 ಠೇವಣಿ ಇರಿಸಿ, ಅಗತ್ಯವಿರುವ ಎಲ್ಲರಿಗೂ ತಿಂಗಳಿಗೆ 10 ಕೆಜಿ ದರದಲ್ಲಿ ಉಚಿತ ಆಹಾರ ಧಾನ್ಯಗಳನ್ನು ಒದಗಿಸಬೇಕು, ಗ್ರಾಮೀಣ ಉದ್ಯೋಗ ಖಾತರಿ ಯೋಜನೆಯನ್ನು ವಿಸ್ತರಿಸಬೇಕು, ವರ್ಷಕ್ಕೆ 200 ಕೆಲಸದ ದಿನಗಳನ್ನು ಹೆಚ್ಚಿದ ವೇತನದೊಂದಿಗೆ ಒದಗಿಸಬೇಕು, ನಗರಗಳಲ್ಲಿ ಉದ್ಯೋಗ ಖಾತರಿ ಯೋಜನೆ ಜಾರಿಗೊಳಿಸಬೇಕು, ರಕ್ಷಣೆ, ರೈಲ್ವೆ, ಬಂದರುಗಳು, ವಾಯುಯಾನ, ವಿದ್ಯುತ್ ಮತ್ತು ಗಣಿಗಾರಿಕೆಯಲ್ಲಿ ಅನುಷ್ಠಾನಗೊಳಿಸಿಸಬೇಕು, ಸಂಸ್ಥೆಗಳ ಖಾಸಗೀಕರಣವನ್ನು ತೆಗೆದುಹಾಕಬೇಕು, ಕೃಷಿ ವಿರೋಧಿ ಕಾನೂನುಗಳು ಮತ್ತು ಕಾರ್ಮಿಕ ವಿರೋಧಿ ಕ್ರಮಗಳನ್ನು ರದ್ದುಪಡಿಸುವುದು, ಕೇಂದ್ರ ಸೇವೆಯ ಸಾರ್ವಜನಿಕ ಸೇವಕರನ್ನು ಬಲವಂತವಾಗಿ ವಜಾಗೊಳಿಸುವುದನ್ನು ನಿಲ್ಲಿಸಬೇಕು, ಎಲ್ಲರಿಗೂ ಪಿಂಚಣಿ, ಹೊಸ ಪಿಂಚಣಿ ಯೋಜನೆಯನ್ನು ಪುನಃ ಸ್ಥಾಪಿಸುವುದು ಮತ್ತು ನೌಕರರ ಪಿಂಚಣಿ ಯೋಜನೆ -1995 ಅನ್ನು ಸುಧಾರಿಸುವುದು ಈ ಬೇಡಿಕೆಗಳಲ್ಲಿ ಸೇರಿವೆ.

             ಮುಷ್ಕರ ಗಮನಾರ್ಹವಾಗಿ ಪರಿಣಾಮವಾಗಿಲ್ಲ: 

    ಕೋವಿಡ್ ಕಾರಣ ಅನೇಕ ಪ್ರದೇಶಗಳು ಇನ್ನೂ ತೆರೆದಿಲ್ಲ. ಖಾಸಗಿ ಬಸ್ಸುಗಳು ಸೇರಿದಂತೆ ವಾಹನಗಳು ಇನ್ನೂ ಸಾಮಾನ್ಯವಾಗಿ ಓಡುತ್ತಿಲ್ಲ. ಟ್ಯಾಕ್ಸಿಗಳಿಗೆ ಕಡಿಮೆ ಬೇಡಿಕೆಯಿಂದಾಗಿ ಹಲವು ಪ್ರದೇಶವು ನಿಶ್ಚಲವಾಗಿದೆ. ಸಾಕಷ್ಟು ಜನರು ಇಲ್ಲದಿರುವುದರಿಂದ ಮತ್ತು ರೈಲುಗಳು ಓಡಲಾರಂಭಿಸಿದ್ದರಿಂದ ಮುಷ್ಕರಕ್ಕೆ ಯಾವುದೇ ತೊಂದರೆಯಾಗಿಲ್ಲ ಎಂದು ಅಂದಾಜಿಸಲಾಗಿದೆ.

             ಚಿತ್ರ ಮಾಹಿತಿ: ಹರ್ತಾಲದ ಕಾರಣ ಕುಂಬಳೆ ಪೇಟೆ ನಿಸ್ತೇಜವಾಗಿರುವುದು.