ಮಂಗಳವಾರ ಕೇರಳದಲ್ಲಿ "ಭಾರತ್ ಬಂದ್" ಇರುವುದಿಲ್ಲ-ಬದಲಿಗೆ ಇತರ ವಿಧಾನದ ಪ್ರತಿಭಟನೆ

                         

      ತಿರುವನಂತಪುರ: ದೇಶಾದ್ಯಂತ ರೈತ ಸಂಘಟನೆಗಳು ಮಂಗಳವಾರ ಕರೆ ನೀಡಿರುವ "ಭಾರತ್ ಬಂದ್" ಕೇರಳದಲ್ಲಿ ಇರುವುದಿಲ್ಲ! ಏಕೆಂದರೆ ರಾಜ್ಯದಲ್ಲಿ ಮೊದಲ ಹಂತದ ಸ್ಥಳೀಯ ಸಂಸ್ಥೆಗಳ ಚುನಾವಣೆ ನಡೆಯುತ್ತಿರುವ ಹಿನ್ನೆಲೆಯಲ್ಲಿ ಕೇರಳ ಕರ್ಷಕ ಸಂಘ ರಾಜ್ಯ ಕಾರ್ಯದರ್ಶಿ ಕೆ.ಎನ್.ಬಾಲಗೋಪಾಲ್ ಅವರು ಬಂದ್ ಬದಲಿಗೆ ಹೋರಾಟದ ಇತರ ವಿಧಾನಗಳನ್ನು ಪರಿಗಣಿಸಲಾಗುವುದು ಎಂದು ಹೇಳಿದರು.

        ರಾಜ್ಯ ಅಧ್ಯಕ್ಷ ಲಾಲ್ ವರ್ಗೀಸ್ ಕಲ್ಪಕ್ವಾಡಿ ಅವರು ಕೇರಳವನ್ನು ಭಾರತ್ ಬಂದ್ ನಿಂದ  ವಿನಾಯಿತಿ ನೀಡಬೇಕಾಗುತ್ತದೆ ಮತ್ತು ಕರ್ಷಕ ಕಾಂಗ್ರೆಸ್ ಇತರ ವಿಧಾನಗಳೊಂದಿಗೆ ಪ್ರತಿಭಟಿಸಲಿದೆ ಎಂದು ಹೇಳಿರುವರು. ರಾಜ್ಯದ ಮೊದಲ ಹಂತದ ಸ್ಥಳೀಯ ಸಂಸ್ಥೆಗಳ ಚುನಾವಣೆಯಲ್ಲಿ ಐದು ಜಿಲ್ಲೆಗಳಲ್ಲಿ ಮಂಗಳವಾರ ಮತದಾನ ನಡೆಯಲಿದೆ. ಈ ಹಿನ್ನೆಲೆಯಲ್ಲಿ, ಭಾರತ್ ಬಂದ್ ನಡೆಸುವುದು ಕಷ್ಟ ಮತ್ತು ಹೊಸ ಹೋರಾಟದ ವಿಧಾನಗಳನ್ನು ಹುಡುಕಲಾಗುತ್ತಿದೆ ಎಂದಿರುವರು.

      ವಿವಾದಾತ್ಮಕ ಕೃಷಿ ಮಸೂದೆ ನಿಯಮಗಳನ್ನು ಕೇಂದ್ರ ಸರ್ಕಾರ ಹಿಂತೆಗೆದುಕೊಳ್ಳದ ಕಾರಣ ದೇಶಾದ್ಯಂತ ರೈತ ಸಂಘಟನೆಗಳು ಮಂಗಳವಾರ ರಾಷ್ಟ್ರವ್ಯಾಪಿ ಬಂದ್‍ಗೆ ಕರೆ ನೀಡಿವೆ. ಪ್ರತಿಭಟನೆಯ ಭಾಗವಾಗಿ, ದೇಶಾದ್ಯಂತದ ರೈತರು ಪ್ರಧಾನಿ ನರೇಂದ್ರ ಮೋದಿಯವರ ಶವಪೆಟ್ಟಿಗೆಯನ್ನು ಸುಡುವುದಾಗಿ ಘೋಷಿಸಿರುವರು. ಇದಲ್ಲದೆ, ದೆಹಲಿ ಗಡಿಯಲ್ಲಿ ಪ್ರತಿಭಟಿಸಿದ ರೈತರು ರಾಷ್ಟ್ರ ರಾಜಧಾನಿಗೆ ಎಲ್ಲಾ ರಸ್ತೆಗಳನ್ನು ನಿರ್ಬಂಧಿಸುವುದಾಗಿ ಬೆದರಿಕೆ ಹಾಕಿರುವರು. ದೇಶದ ಎಲ್ಲಾ ಟೋಲ್ ಗೇಟ್‍ಗಳನ್ನು ಸುತ್ತುವರಿಯಲಾಗುವುದು ಮತ್ತು ಟೋಲ್ ಸಂಗ್ರಹಕ್ಕೆ ಅವಕಾಶ ನೀಡುವುದಿಲ್ಲ ಎಂದು ರೈತ ಸಂಘಟನೆಗಳು ತಿಳಿಸಿವೆ.