ಪ್ಲಾಸ್ಮಾ ಥೆರಪಿ-ಪರಿಷ್ಕøತ ಮಾರ್ಗಸೂಚಿ ಪ್ರಕಟ

       ತಿರುವನಂತಪುರ: ಕೇರಳದಲ್ಲಿ ಪ್ರತಿದಿನ ಕೋವಿಡ್ ಬಾಧಿತರ ಸಂಖ್ಯೆಯಲ್ಲಿ ಹೆಚ್ಚಿನ ಪ್ರಮಾಣದ ಕುಂಠಿತತೆ ಇರದಿರುವುದರಿಂದ ಪ್ಲಾಸ್ಮಾ ಚಿಕಿತ್ಸೆಯನ್ನು ನೀಡುವ ಮಾರ್ಗಸೂಚಿಗಳನ್ನು ರಾಜ್ಯ ಆರೋಗ್ಯ ಇಲಾಖೆ ಪರಿಷ್ಕರಿಸಿದೆ.

         ಪ್ಲಾಸ್ಮಾ ದಾನಿ ತನ್ನ ರಕ್ತದಲ್ಲಿ ಸಾಕಷ್ಟು ಪ್ರತಿಕಾಯವನ್ನು ಹೊಂದಿದ್ದಾನೆ ಎಂದು ಖಚಿತಪಡಿಸಿದ ನಂತರ ಪ್ಲಾಸ್ಮಾವನ್ನು ನೀಡಬಹುದಾಗಿದೆ. ಪ್ರತಿಕಾಯವಿಲ್ಲ ಎಂದು ದೃಢಪಡಿಸಿದರೆ ಮಾತ್ರ ಪ್ಲಾಸ್ಮಾ ಚಿಕಿತ್ಸೆಯನ್ನು ನೀಡಲಾಗುತ್ತದೆ. ಕೋವಿಡ್ ದೃಢೀಕರಣದ 10 ದಿನಗಳಲ್ಲಿ ಆಮ್ಲಜನಕ ಚಿಕಿತ್ಸೆಯ ಮಧ್ಯಮ ಮತ್ತು ತೀವ್ರವಾದ ಅಗತ್ಯವಿರುವ ರೋಗಿಗಳಿಗೆ ಪ್ಲಾಸ್ಮಾವನ್ನು ಮುಂದೆ ನೀಡಲಾಗುವುದು.

          ಎಲ್ಲಾ ಸರ್ಕಾರಿ ವೈದ್ಯಕೀಯ ಕಾಲೇಜುಗಳು ಮತ್ತು ರಾಜ್ಯದ ಪ್ರಮುಖ ಕೋವಿಡ್ ಚಿಕಿತ್ಸಾ ಕೇಂದ್ರಗಳಲ್ಲಿ ಕೋವಿಡ್ ಕನ್ವಲ್ಸಿವ್ ಪ್ಲಾಸ್ಮಾ ಚಿಕಿತ್ಸಾ ಸೌಕರ್ಯಗಳು ಇವೆ ಎಂದು ಆರೋಗ್ಯ ಇಲಾಖೆ ತಿಳಿಸಿದೆ.

        ಕೋವಿಡ್ ನಿಂದ ಗುಣಮುಖರಾದ ವ್ಯಕ್ತಿಗಳಿಂದ ರಕ್ತ ಪ್ಲಾಸ್ಮಾ ಬಳಸಿ ಕೋವಿಡ್ ರೋಗಿಗಳಿಗೆ ಚಿಕಿತ್ಸೆ ನೀಡುವ ವಿಧಾನ ಕೋವಿಡ್ ಕನ್ವಲ್ಸಿವ್ ಪ್ಲಾಸ್ಮಾ ಥೆರಪಿ. 90 ರಷ್ಟು ರೋಗಿಗಳು ಈ ಚಿಕಿತ್ಸೆಯಿಂದ ಬದುಕುಳಿದಿರುವರು. ಐಸಿಎಂಆರ್ ಮತ್ತು ರಾಜ್ಯ ಆರೋಗಯ ಶಿಷ್ಟಾಚಾರದ ಶಿಫಾರಸುಗಳಿಗೆ ಅನುಗುಣವಾಗಿ ಪ್ಲಾಸ್ಮಾ ಚಿಕಿತ್ಸೆಯನ್ನು ರಾಜ್ಯ ಆರೋಗ್ಯ ಮಂಡಳಿ ಮತ್ತು ಸಾಂಸ್ಥಿಕ ವೈದ್ಯಕೀಯ ಮಂಡಳಿಯ ಅನುಮೋದನೆಯೊಂದಿಗೆ ಒದಗಿಸಲಾಗುತ್ತದೆ.

        ಜ್ವರ ಮತ್ತು ಗಂಟಲು ನೋವು ಗಳೇ ಮೊದಲಾದ ಸೋಂಕುಗಳಿದ್ದು ಬಳಿಕ   ಕೋವಿಡ್ ಮುಕ್ತರಾದವರಿಂದ ಪ್ಲಾಸ್ಮಾವನ್ನು ಸಂಗ್ರಹಿಸಲಾಗುತ್ತದೆ. ಚೇತರಿಸಿಕೊಂಡ 28 ದಿನಗಳ ಬಳಿಕ  ಪ್ಲಾಸ್ಮಾವನ್ನು ಸ್ವೀಕರಿಸಲಾಗುತ್ತದೆ. ಅಗತ್ಯವಾದ ಪ್ಲಾಸ್ಮಾವನ್ನು ಮಾತ್ರ ಪ್ರೆಸಿನಿಯಸ್ ಕಾಮ್ಟೆಕ್ ಯಂತ್ರದ ಮೂಲಕ ಅಥೊರೆಸಿಸಿ ಟೆಕ್ನೋಲಜಿಯಿಂದ ರಕ್ತದಿಂದ ಹೊರತೆಗೆಯಲಾಗುತ್ತದೆ.

          ಪ್ಲಾಸ್ಮಾವನ್ನು ಕೇಂದ್ರೀಕರಣ ಪ್ರಕ್ರಿಯೆಯಿಂದ ಬೇರ್ಪಡಿಸಲಾಗುತ್ತದೆ, ಇದರಲ್ಲಿ ರಕ್ತದಾನಿಗಳಿಂದ ಯಂತ್ರದ ಮೂಲಕ ಅಲ್ಪ ಪ್ರಮಾಣದ ರಕ್ತವನ್ನು ನಿರಂತರವಾಗಿ ರವಾನಿಸಲಾಗುತ್ತದೆ. ಈ ಪ್ರಕ್ರಿಯೆಯ ಮೂಲಕ ಉತ್ತಮ ಗುಣಮಟ್ಟದ ರಕ್ತದ ಘಟಕವನ್ನು ಪಡೆಯಲಾಗುತ್ತದೆ. ಈ ರೀತಿಯಾಗಿ ರೋಗಿಯು ಹೆಚ್ಚಿನ ರಕ್ತದಾನಿಗಳಿಂದ ಪ್ಲಾಸ್ಮಾವನ್ನು ಸ್ವೀಕರಿಸಬೇಕಾಗಿಲ್ಲ. ಈ ರೀತಿಯಲ್ಲಿ ಸಂಗ್ರಹಿಸಿದ ಪ್ಲಾಸ್ಮಾವನ್ನು ಒಂದು ವರ್ಷದವರೆಗೆ ಸಂಗ್ರಹಿಸಬಹುದು.