ಮಲೆಯಾಳಂನ ಖ್ಯಾತ ಕವಯಿತ್ರಿ ಸುಗತಕುಮಾರಿ ವಿಧಿವಶ

         ತಿರುವನಂತಪುರ: ಪ್ರಸಿದ್ಧ ಮಲೆಯಾಳಂ ಕವಯಿತ್ರಿ   ಸುಗತಕುಮಾರಿ ಇಂದು ಬೆಳಗ್ಗೆ ನಿಧನರಾದರು. ಅವರಿಗೆ 86 ವರ್ಷ ವಯಸ್ಸಾಗಿತ್ತು. ಕೋವಿಡ್ ವೈದ್ಯಕೀಯ ಕಾಲೇಜು ಆಸ್ಪತ್ರೆಯ ತೀವ್ರ ನಿಗಾ ಘಟಕದಲ್ಲಿ ನಿಧನರಾದರು.

         ನಿನ್ನೆ ಸಂಜೆ ಹೃದಯಾಘಾತವಾಗಿತ್ತು. ನಂತರ ಇಂದು ಬೆಳಿಗ್ಗೆ ಹೃದಯ ಮತ್ತು ಮೂತ್ರಪಿಂಡಗಳು ಸಂಪೂರ್ಣವಾಗಿ ಕೆಲಸ ಮಾಡುವುದನ್ನು ನಿಲ್ಲಿಸಿದವು. 

        ಸುಗತಕುಮಾರಿ ಅವರು  ಕವಿ ಹಾಗೂ ಸಾಮಾಜಿಕ ಕಾರ್ಯಕರ್ತರಾಗಿದ್ದರು. ಅವರು ರಾಜ್ಯ ಮಹಿಳಾ ಆಯೋಗದ ಮೊದಲ ಅಧ್ಯಕ್ಷರಾಗಿದ್ದರು. ಪತಿ: ದಿವಂಗತ ಡಾ. ಕೆ. ವೇಲಾಯುಧನ್ ನಾಯರ್. ಮಗಳು: ಲಕ್ಷ್ಮಿ.

       ಕೇರಳ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ, ಕೇಂದ್ರ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ, ವಯಲಾರ್ ಪ್ರಶಸ್ತಿ ಮತ್ತು ಒಡಕ್ಕುಳಲ್  ಪ್ರಶಸ್ತಿ ಸೇರಿದಂತೆ ಅನೇಕ ಪ್ರಶಸ್ತಿಗಳನ್ನು ಪಡೆದವರಾಗಿದ್ದರು. 2006 ರಲ್ಲಿ ದೇಶವು ಸುಗತಕುಮಾರಿಯನ್ನು ಪದ್ಮಶ್ರೀ ನೀಡಿ ಗೌರವಿಸಿತ್ತು.

     ಅಂಬಲಮಣಿ ವಯಾಲಾರ್ ಪ್ರಶಸ್ತಿ ಮತ್ತು ಒಡಕುಳಲ್ ಪ್ರಶಸ್ತಿ ಪಡೆದಿದ್ದರು. 2001 ರಲ್ಲಿ ಅವರು ಲಲಿತಾಂಬಿಕಾ ಅಂತರ್ಜನಂ ಪ್ರಶಸ್ತಿಗೂ ಭಾಜನರಾಗಿದ್ದರು. ಅವರು 2003 ರಲ್ಲಿ ವಳ್ಳತ್ತೋಳ್ ಪ್ರಶಸ್ತಿ, 2004 ರಲ್ಲಿ ಕೇರಳ ಸಾಹಿತ್ಯ ಅಕಾಡೆಮಿ ಫೆಲೋಶಿಪ್ ಮತ್ತು ಅದೇ ವರ್ಷ  ಬಾಲಮಣಿಯಮ್ಮ ಪ್ರಶಸ್ತಿಯನ್ನೂ ಪಡೆದಿದ್ದರು. ಪ್ರಕೃತಿ ಸಂರಕ್ಷಣೆಗೆ ನೀಡಿದ ಕೊಡುಗೆಗಾಗಿ 2006 ರಲ್ಲಿ ಅವರಿಗೆ ಇಂದಿರಾ ಪ್ರಿಯದರ್ಶಿನಿ ವೃಕ್ಷಮಿತ್ರ ಪ್ರಶಸ್ತಿಯನ್ನು ನೀಡಿ ಗೌರವಿಸಲಾಗಿತ್ತು.