ಪ್ಲೀಸ್ ಅದು ಸಿಕ್ಕಿದರೆ ನನಗೆ ತಲುಪಿಸಿ ಬಾಲಿವುಡ್ ನಟಿ ಜೂಯಿ ಚಾವ್ಲಾ ಮನವಿ

          ಮುಂಬೈ: 'ಕಳೆದ 15 ವರ್ಷಗಳಿಂದ ಅದನ್ನು ಧರಿಸುತ್ತಿದ್ದೆ, ಅವು ನನ್ನೊಂದಿಗೆ ಇದ್ದವು. ಆದರೆ, ಅದರಲ್ಲೊಂದು ಎಲ್ಲಿಯೂ ಬಿದ್ದುಹೋಗಿದೆ. ಯಾರಿಗಾದರೂ ಸಿಕ್ಕಿದರೆ... ನನಗೆ ತಲುಪಿಸಿ  ಪ್ಲೀಸ್' ಎಂದು ಮನವಿ ಮಾಡಿಕೊಂಡಿದ್ದಾರೆ.

         ಬಾಲಿವುಡ್ ನಟಿ ಜೂಹಿ ಚಾವ್ಲಾ. ಈ ಸಂಬಂಧ ಅವರು ಸೋಷಿಯಲ್ ಮೀಡಿಯಾದಲ್ಲಿ ಭಾನುವಾರ ಪೋಸ್ಟ್ ಮಾಡಿದ್ದಾರೆ.

       ಅಷ್ಟಕ್ಕೂ ನಟಿ ಜೂಹಿ ಚಾವ್ಲಾ ಕಳೆದುಕೊಂಡಿರುವುದು ಏನೆಂದರೆ ವಜ್ರದ ಕಿವಿ ರಿಂಗು. ಇಂದು ಬೆಳಗ್ಗೆ ಮುಂಬೈ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ನನ್ನ ವಜ್ರದ ಕಿವಿ ರಿಂಗು ಎಲ್ಲೋ ಬಿದ್ದು ಹೋಗಿದೆ.  

       ಅದು ಯಾರಿಗಾದರೂ ಸಿಕ್ಕಿದರೆ,  ದಯವಿಟ್ಟು ಅದನ್ನು ನನಗೆ ತಲುಪಿಸಿದರೆ ತುಂಬಾ ಸಂತೋಷವಾಗುತ್ತದೆ, ಸಾಧ್ಯವಾಗದಿದ್ದರೆ. ಸಮೀಪದ ಪೊಲೀಸ್ ಠಾಣೆಗಾದರೂ ತಲುಪಿಸಬಹುದು. ಒಳ್ಳೆಯ ಬಹುಮಾನ ನೀಡುತ್ತೇನೆ.

      ಕಳೆದ 15 ವರ್ಷಗಳಿಂದ ವಜ್ರದ ಕಿವಿ ರಿಂಗ್ ಗಳನ್ನು ಪ್ರತಿದಿನ ಬಳಸುತ್ತಿದ್ದೇನೆ. ದಯವಿಟ್ಟು ಅದನ್ನು ಹುಡುಕಲು ಸಹಾಯ ಮಾಡಿ ಎಂದು ಜೂಹಿ ಕೋರಿದ್ದಾರೆ.