ಮೇ ಆರಂಭದಲ್ಲಿ ವಿಧಾನಸಭೆ ಚುನಾವಣೆ-ಮಾರ್ಚ್ ಮೊದಲ ವಾರ ಚುನಾವಣಾ ಅಧಿಸೂಚನೆ!

       ತಿರುವನಂತಪುರ: ರಾಜ್ಯ ವಿಧಾನಸಭಾ ಚುನಾವಣೆ ಮೇ ಮೊದಲ ವಾರದಲ್ಲಿ ನಡೆಯಲಿದೆ. ಕೇರಳದ ಜೊತೆಗೆ ತಮಿಳುನಾಡು, ಅಸ್ಸಾಂ, ಪಶ್ಚಿಮ ಬಂಗಾಳ ಮತ್ತು ಪುದುಚೇರಿಯಲ್ಲಿ ಚುನಾವಣೆ ನಡೆಯಲಿದೆ ಎಂದು ತಿಳಿದುಬಂದಿದೆ.

       ತಮಿಳುನಾಡು ವಿಧಾನಸಭೆಯ ಅವಧಿ ಮೇ 24 ಕ್ಕೆ ಕೊನೆಗೊಳ್ಳುತ್ತದೆ. ಅದಕ್ಕೂ ಮೊದಲು ಮುಂದಿನ ಸರ್ಕಾರ ಅಧಿಕಾರಕ್ಕೆ ಬರಬೇಕು. ಕೇರಳದಲ್ಲಿ ಜೂನ್ 1 ರವರೆಗೂ ಹಾಲೀ ಸರ್ಕಾರದ ಕಾಲಾವಧಿ ಇದೆ. 

      ಆದರೆ, ಎಲ್ಲಾ ಐದು ರಾಜ್ಯಗಳು ಒಟ್ಟಾಗಿ ಚುನಾವಣೆ ಎದುರಿಸಲಿದೆ. ಕೇರಳದಲ್ಲಿ ಕೆಲವೊಮ್ಮೆ ಚುನಾವಣೆಗಳನ್ನು ಎರಡು ಹಂತಗಳಲ್ಲಿ ನಡೆಸುವ ಸಾಧ್ಯತೆಯ ಪರಿಶೀಲನೆ ನಡೆಯುತ್ತಿದೆ.

      ಬಂಗಾಳ ಮತ್ತು ತಮಿಳುನಾಡಿನಲ್ಲಿ ಹೆಚ್ಚಿನ ಸ್ಥಾನಗಳು ಇರುವುದರಿಂದ ಹೆಚ್ಚಿನ ಹಂತಗಳು ಬೇಕಾಗುತ್ತವೆ. ಆದ್ದರಿಂದ, ಏಪ್ರಿಲ್ ಮೂರನೇ ವಾರದಲ್ಲಿ ಚುನಾವಣೆ ಪ್ರಾರಂಭವಾಗುವ ಸಾಧ್ಯತೆಯಿದೆ.

     ಕೇಂದ್ರ ಚುನಾವಣಾ ಆಯೋಗವು ಮುಖ್ಯ ಕಾರ್ಯದರ್ಶಿಗಳು ಮತ್ತು ಚುನಾವಣಾ ಅಧಿಕಾರಿಗಳಿಗೆ ಚುನಾವಣೆಯ ಸಿದ್ಧತೆಗಳ ಬಗ್ಗೆ ಪತ್ರ ಬರೆದಿದೆ. ಅಧಿಕಾರಿಗಳ ವರ್ಗಾವಣೆ ಸಂಬಂಧಿಸಿದ ವಿಷಯಗಳ ಕುರಿತು ಆಯೋಗವು ಮಾರ್ಗಸೂಚಿಗಳನ್ನು ಹೊರಡಿಸಿದೆ.

      ಕೇರಳದಲ್ಲಿ ಡಿಜಿಪಿ ಲೋಕನಾಥ ಬೆಹ್ರಾ ಅವರನ್ನು ವರ್ಗಾಯಿಸುವ ಸಾಧ್ಯತೆಯಿದೆ. ಆಯೋಗ ಮುಂದಿನ ವಾರ ಈ ಕುರಿತು ನಿರ್ಧಾರ ತೆಗೆದುಕೊಳ್ಳುತ್ತದೆ.

       ಯಾವುದೇ ರೀತಿಯಲ್ಲಿ ಬೆಹ್ರಾರನ್ನೇ ಉಳಿಸಿಕೊಳ್ಳಲು  ಸರ್ಕಾರ ಯೋಜಿಸಿದೆ. ಅಥವಾ ಆಯೋಗವು ಬಲವಂತವಾಗಿ ಬದಲಿಸಿದರೆ ಬೆಹ್ರಾ ಅವರ ಸ್ಥಾನಕ್ಕೆ  ಟೋಮಿನ್ ತಚ್ಚಂಗೇರಿಯನ್ನು ನೇಮಿಸಲು  ಸರ್ಕಾರ ಚಿಂತಿಸುತ್ತಿದೆಯೆಂದು ಮೂಲಗಳಿಂದ ತಿಳಿದುಬಂದಿದೆ.