ಕೊಚ್ಚಿ: ಕೋವಿಡ್ ರೋಗಿಗಳ ಸಂಖ್ಯೆ ದಿನದಿಂದ ದಿನಕ್ಕೆ ಹೆಚ್ಚುತ್ತಿರುವ ಕೇರಳದಲ್ಲಿ, ಕೋವಿಡ್ ನಂತರದ ಗಂಭೀರ ಆರೋಗ್ಯ ಸಮಸ್ಯೆಗಳಿಂದ ಬಳಲುತ್ತಿರುವವರ ಸಂಖ್ಯೆಯೂ ಹೆಚ್ಚುತ್ತಿರುವುದು ಮತ್ತಷ್ಟು ಕಳವಳಕ್ಕೆ ಕಾರಣವಾಗುತ್ತಿದೆ. ಪೆರುಂಬವೂರಿನ 15 ರ ಹರೆಯದ ಯುವಕ ಭಾಗಶಃ ದೃಷ್ಟಿ ಕಳೆದುಕೊಂಡಿದ್ದಾನೆ. ಪೋಸ್ಟ್‍ಕೋವಿಡ್ ಚಿಕಿತ್ಸಾಲಯಗಳನ್ನು ಹೆಚ್ಚಿಸುವ, ಪರಿಣಾಮಕಾರಿಯಾಗಿ ಮಾಡುವ ಅಗತ್ಯವನ್ನು ಇದು ಸೂಚಿಸುತ್ತದೆ.
ನವೆಂಬರ್ 20 ರಂದು ಕೋವಿಡ್ ಋಣಾತ್ಮಕವಾದ ಬಳಿಕ ಒಂದು ತಿಂಗಳೊಳಗೆ, ಡೀನ್ ಎಂಬ 15ರ ಯುವಕನಿಗೆ ಪೋಸ್ಟ್-ಕೋವಿಡ್ ಆರೋಗ್ಯ ಸಮಸ್ಯೆಗಳಿರುವುದು ಗಮನಕ್ಕೆ ಬಂದಿದೆ. ಜ್ವರದೊಂದಿಗೆ ಪೋಸ್ಟ್‍ಕೋವಿಡ್ ಸಿಂಡ್ರೋಮ್ ಕಣ್ಣ ದೃಷ್ಟಿಯ ನರಗಳ ಮೇಲೂ ಪರಿಣಾಮ ಬೀರುತ್ತಿದೆ. ಸಮಯೋಚಿತ ಚಿಕಿತ್ಸೆಯಿಂದ ದೃಷ್ಟಿ ಭಾಗಶಃ ಮಾತ್ರ ಕಳೆದುಕೊಂಡಿರುವನು.
ಪ್ರಸ್ತುತ ಅವರು ಕೊಟ್ಟಾಯಂ ವೈದ್ಯಕೀಯ ಕಾಲೇಜಿನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ತೀವ್ರ ಕಾಳಜಿಯುಕ್ತ ಚಿಕಿತ್ಸೆಯ ಮೂಲಕ ದೃಷ್ಟಿಯನ್ನು ಪುನಃಸ್ಥಾಪಿಸಬಹುದು ಎಂದು ವೈದ್ಯರು ಭರವಸೆ ನೀಡುತ್ತಾರೆ. ಆದರೆ ಮಾರ್ಚ್‍ನಲ್ಲಿ ಪ್ರಾರಂಭವಾಗುವ ಎಸ್ ಎಸ್ ಎಲ್ ಸಿ ಪರೀಕ್ಷೆಯನ್ನು ಹೇಗೆ ಬರೆಯುವುದು ಎಂಬ ಬಗ್ಗೆ ಡೀನ್ ಮತ್ತು ಅವರ ಪೋಷಕರು ಚಿಂತಿತರಾಗಿದ್ದಾರೆ.
ಕೋವಿಡ್ ನಂತರ ಸಂಕೀರ್ಣ ಆರೋಗ್ಯ ಸಮಸ್ಯೆಗಳಿಂದ ಬಳಲುತ್ತಿರುವವರ ಸಂಖ್ಯೆ ಹೆಚ್ಚಾದಂತೆ, ರಾಜ್ಯದಲ್ಲಿ ಕೋವಿಡ್ ನಂತರದ ಚಿಕಿತ್ಸಾಲಯಗಳ ಕಾರ್ಯಾಚರಣೆಯನ್ನು ಸಹ ಹೆಚ್ಚು ಪರಿಣಾಮಕಾರಿಯಾಗಿ ಮಾಡಬೇಕಾಗಿದೆ.
DOCTYPE html>
.jpg)
