ರಾಜ್ಯದಲ್ಲಿ ಮೊದಲ ದಿನ 8062 ಮಂದಿ ಆರೋಗ್ಯ ಕಾರ್ಯಕರ್ತರಿಗೆ ಕೊರೋನಾ ಲಸಿಕೆ ವಿತರಣೆ ಯಶಸ್ವಿ

       

        ತಿರುವನಂತಪುರ: ರಾಜ್ಯದಲ್ಲಿ ಕೊರೋನಾ ಲಸಿಕೆ ಹಾಕಿದ ಮೊದಲ ದಿನ 8062 ಆರೋಗ್ಯ ಕಾರ್ಯಕರ್ತರಿಗೆ ಲಸಿಕೆ ನೀಡಲಾಯಿತು ಎಂದು ಸಚಿವೆ ಕೆ.ಕೆ.ಶೈಲಾಜಾ ತಿಳಿಸಿರುವರು. ರಾಜ್ಯದ 133 ಕೇಂದ್ರಗಳಲ್ಲಿ 11,138 ಜನರಿಗೆ ಲಸಿಕೆ ಹಾಕುವ ಗುರಿ ಹೊಂದಲಾಗಿತ್ತು. ಪಾಲಕ್ಕಾಡ್ ಜಿಲ್ಲೆಯಲ್ಲಿ ಅತಿ ಹೆಚ್ಚು ಆರೋಗ್ಯ ಕಾರ್ಯಕರ್ತರು (857) ಲಸಿಕೆ ಪಡೆದರು. ಎರ್ನಾಕುಳಂ ಜಿಲ್ಲೆಯ 12 ಕೇಂದ್ರಗಳಲ್ಲಿ, ತಿರುವನಂತಪುರ ಮತ್ತು ಕೋಝಿಕ್ಕೋಡ್ ಜಿಲ್ಲೆಗಳಲ್ಲಿ ತಲಾ 11 ಕೇಂದ್ರಗಳು ಮತ್ತು ಉಳಿದ ಜಿಲ್ಲೆಗಳಲ್ಲಿ ತಲಾ 9 ಕೇಂದ್ರಗಳಲ್ಲಿ ಲಸಿಕೆ ನೀಡಲಾಯಿತು.

         ಎಲ್ಲೆಲ್ಲಿ ಎಷ್ಟೆಷ್ಟು?:

       ಆಲಪ್ಪುಳ 616, ಎರ್ನಾಕುಳಂ 711, ಇಡುಕಿ 296, ಕಣ್ಣೂರು 706, ಕಾಸರಗೋಡು 323, ಕೊಲ್ಲಂ 668, ಕೊಟ್ಟಾಯಂ 610, ಕೋಝಿಕ್ಕೋಡ್ 800, ಮಲಪ್ಪುರಂ 155, ಪಾಲಕ್ಕಾಡ್ 857, ಪತ್ತನಂತಿಟ್ಟು 592, ತಿರುವನಂತಪುರ 633 ಮಂದಿಗಳು ಲಸಿಕೆಗೊಳಗಾದರು.  ಪ್ರಧಾನಮಂತ್ರಿ ನವದೆಹಲಿಯಲ್ಲಿ ನಿನ್ನೆ ಬೆಳಿಗ್ಗೆ ರಾಷ್ಟ್ರಮಟ್ಟದಲ್ಲಿ ಉದ್ಘಾಟಿಸಿದ  ಬಳಿಕ  ಬೆಳಿಗ್ಗೆ 11.15 ರಿಂದ ಸಂಜೆ 5 ರವರೆಗೆ ಲಸಿಕೆ ನೀಡಲಾಯಿತು. ಲಸಿಕೆಯೊಂದಿಗೆ ಇದುವರೆಗೆ ಯಾವುದೇ ಅಡ್ಡಪರಿಣಾಮಗಳು ವರದಿಯಾಗಿಲ್ಲ. ಯಾವುದೇ ಅಡ್ಡಪರಿಣಾಮಗಳನ್ನು ಎದುರಿಸಲು ಆರೋಗ್ಯ ಇಲಾಖೆ ಎಲ್ಲಾ ವ್ಯವಸ್ಥೆಗಳನ್ನು ಮಾಡಿತ್ತು. ತುರ್ತು ಚಿಕಿತ್ಸೆಗಾಗಿ ಎಲ್ಲಾ ಕೇಂದ್ರಗಳಲ್ಲಿ ಎಇಎಫ್‍ಐ ಲಭ್ಯವಿದೆ. (ರೋಗನಿರೋಧಕ ನಂತರದ ಪ್ರತಿಕೂಲ ಘಟನೆಗಳು) ಕಿಟ್ ಮತ್ತು ಆಂಬ್ಯುಲೆನ್ಸ್ ಸೇವೆಯನ್ನು ಒದಗಿಸಲಾಗಿದೆ.

          ಪ್ರತಿ ವ್ಯಕ್ತಿಗೆ 0.5 ಮಿಲ್ಲಿ. ಲಸಿಕೆಯನ್ನು ಮೊದಲ ದಿನ ಹಾಕಲಾಗಿದೆ. ಎರಡನೇ ಲಸಿಕೆಯನ್ನು 28 ದಿನಗಳ ನಂತರ ಇದೇ ವ್ಯಕ್ತಿಗಳಿಗೆ ಮತ್ತೆ ನೀಡಲಾಗುತ್ತದೆ.  ಎರಡೂ ಲಸಿಕೆಗಳನ್ನು ತೆಗೆದುಕೊಂಡ ಎರಡು ವಾರಗಳ ನಂತರ ರೋಗನಿರೋಧಕ ಶಕ್ತಿ ಬೆಳೆಯುತ್ತದೆ. ಲಸಿಕೆ ಪಡೆದ ಜನರು ಅಥವಾ ಸಮುದಾಯದಲ್ಲಿರುವವರು ಲಸಿಕೆ ತೆಗೆದುಕೊಂಡ ಕೂಡಲೇ ಸಮಸ್ಯೆ ಎದುರಾಗುವ ರೀತಿಯಲ್ಲಿ ವರ್ತಿಸಬಾರದು. ಮಾಸ್ಕ್ ಧರಿಸಿ, ಸಾಮಾಜಿಕ ದೂರವನ್ನು ಇರಿಸಿ ಮತ್ತು ಕೈಗಳನ್ನು ಆಗಾಗ್ಗೆ ತೊಳೆಯುವುದು ಅಗತ್ಯವಾಗಿದೆ. ಆರೋಗ್ಯ ಇಲಾಖೆ ಸೂಚಿಸಿರುವ ಮುನ್ನೆಚ್ಚರಿಕೆಗಳನ್ನು ಅನುಸರಿಸಬೇಕು. ಲಸಿಕೆ ವಿರುದ್ಧ ಸುಳ್ಳು ಪ್ರಚಾರ ಮಾಡುವವರ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳಲಾಗುವುದು. ಮುಂದಿನ ದಿನಗಳಲ್ಲಿ ಇನ್ನಷ್ಟು ಸುಧಾರಿತ ಲಸಿಕೆಗಳು ಬರುವ ನಿರೀಕ್ಷೆ ಇದ್ದು, ಆದರೆ ಇದೀಗ ಲಭ್ಯವಿರುವ ಈ ಲಸಿಕೆಯನ್ನು ಕಡ್ಡಾಯವಾಗಿ ಬಳಸಬೇಕಾಗಿದೆ ಎಂದು ಆರೋಗ್ಯ ಇಲಾಖೆ ತಿಳಿಸಿದೆ.