ಕೋವಿಡ್ ಲಸಿಕೆ ಚುಚ್ಚುಮದ್ದಿನ ಎರಡನೇ ಹಂತದ ಡೈ ರನ್ (ಅಣಕು ಡ್ರಿಲ್) ಯಶಸ್ವಿ

                     

        ತಿರುವನಂತಪುರ: ಕೋವಿಡ್ ಲಸಿಕೆ ವಿರುದ್ಧ ಡೈ ರನ್ (ಅಣಕು) ವ್ಯಾಕ್ಸಿನೇಷನ್ ಎರಡನೇ ಹಂತ ಡ್ರಿಲ್) ಯಶಸ್ವಿಯಾಗಿ ನಿನ್ನೆ ಪೂರ್ಣಗೊಂಡಿದೆ. ಡ್ರೈ ರನ್ ರಾಜ್ಯದ ಎಲ್ಲಾ ಜಿಲ್ಲೆಗಳ 46 ಕೇಂದ್ರಗಳಲ್ಲಿ ನಡೆಸಲಾಯಿತು.

        ಜಿಲ್ಲಾ ವೈದ್ಯಕೀಯ ಕಾಲೇಜು / ಜಿಲ್ಲಾ ಆಸ್ಪತ್ರೆ, ಖಾಸಗಿ ಆಸ್ಪತ್ರೆ, ನಗರ / ಗ್ರಾಮೀಣ ಆರೋಗ್ಯ ಕೇಂದ್ರಗಳಲ್ಲಿ ಬೆಳಿಗ್ಗೆ 9 ರಿಂದ  11 ರವರೆಗೆ ಡ್ರೈ ರನ್ ನಡೆಯಿತು. ಕೋಝಿಕ್ಕೋಡ್  ಜಿಲ್ಲೆಯಲ್ಲಿ ಅತಿ ಹೆಚ್ಚು ಕೇಂದ್ರಗಳಿದ್ದವು. ಅಣಕು ಡ್ರಿಲ್ ಕೋಝಿಕ್ಕೋಡ್ ಜಿಲ್ಲೆಯ ಐದು ಕೇಂದ್ರಗಳಲ್ಲಿ ನಡೆಯಿತು. ತಾಲ್ಲೂಕು ಪ್ರಧಾನ ಆಸ್ಪತ್ರೆ, ತಿರುವನಂತಪುರಂ ಜಿಲ್ಲೆ, ಸರ್ಕಾರ ಎ.ಎಲ್.ಪಿ.ಎಸ್. ಕಲತುಕಳ್ (ಅರುವಿಕ್ಕರ ಕುಟುಂಬ ಆರೋಗ್ಯ ಕೇಂದ್ರ), ನಿಮ್ಸ್ ಮೆಡಿಸಿಟಿ ಸೆಂಟರ್ ಗಳಲ್ಲಿ  ಡ್ರೈ ರನ್  ನಡೆಯಿತು.

          ಪ್ರತಿ ಕೇಂದ್ರದಲ್ಲಿ 25 ಆರೋಗ್ಯ ಕಾರ್ಯಕರ್ತರು ಭಾಗವಹಿಸಿದ್ದರು. ಕೋವಿಡ್ ವ್ಯಾಕ್ಸಿನೇಷನ್‍ನಲ್ಲಿ ನೀಡಲಾದ ಎಲ್ಲಾ ವಿಧಾನಗಳನ್ನು ಅನುಸರಿಸಿ ಈ ಕಾರ್ಯಾಚರಣೆ ನಡೆಯಿತು. ರಾಜ್ಯದಲ್ಲಿ ಯಶಸ್ವಿ ಡ್ರೈ ರನ್ ನಡೆಸಿದ ಎಲ್ಲರನ್ನೂ ಆರೋಗ್ಯ ಸಚಿವೆ ಕೆ.ಕೆ. ಶೈಲಜ ಅಭಿನಂದಿಸಿದರು. 

         ಈವರೆಗೆ 3,51,457 ಜನರು ಕೋವಿಡ್ ಲಸಿಕೆಗಾಗಿ ನೋಂದಾಯಿಸಿಕೊಂಡಿದ್ದಾರೆ.  ಆರೋಗ್ಯ ಇಲಾಖೆಯಿಂದ ಪಡೆದ ವ್ಯವಸ್ಥೆಗಳ ಮೂಲಕ ಶೇ.100 ನೋಂದಣಿ ಪೂರ್ಣಗೊಂಡಿದೆ. ಸರ್ಕಾರಿ ವಲಯದಲ್ಲಿ 1,67,084 ಮತ್ತು ಖಾಸಗಿ ವಲಯದಲ್ಲಿ 1,84,373 ನೋಂದಾವಣಿಯಾಗಿದೆ. 

        ಇದಲ್ಲದೆ, ಸಾಮಾಜಿಕ ಭದ್ರತಾ ಮಿಷನ್‍ನ ವಯೋಮಿತ್ರ ಯೋಜನೆಯಡಿ ಸುಮಾರು 400 ಮಂದಿ ಮತ್ತು 108 ಆಂಬುಲೆನ್ಸ್‍ಗಳ 1344 ಉದ್ಯೋಗಿಗಳ ನೋಂದಣಿ ನಡೆದಿದೆ.