'ಆಹಾರ ಕಿಟ್ ಗಳು ಕೇಂದ್ರ ಸರ್ಕಾರದ್ದು-ಪಿಣರಾಯಿ ಸರ್ಕಾರದ್ದು ಬಟ್ಟೆಚೀಲ ಮಾತ್ರ'; ಗೇಲಿ ಮಾಡಿದ ಪಿಸಿ ಜಾರ್ಜ್

                 

      ತಿರುವನಂತಪುರ: ಪಡಿತರ ಅಂಗಡಿಗಳ ಮೂಲಕ ರಾಜ್ಯ ಸರ್ಕಾರ ವಿತರಿಸುವ ಆಹಾರ ಕಿಟ್‍ಗಳನ್ನು ಅಪಹಾಸ್ಯ ಮಾಡಿದ್ದಾರೆ. ಆಹಾರ ಕಿಟ್ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಅವರ ಕುಟುಂಬ ಆಸ್ತಿಯಿಂದ ಅಥವಾ ಆಹಾರ ಸಚಿವರ ಮನೆಯಿಂದಲ್ಲ. ಕಿಟ್ ವಿತರಣೆಗೆ ಬಟ್ಟೆ ಚೀಲಗಳನ್ನು ಮಾತ್ರ ದಾನ ಮಾಡಿದ್ದಾರೆ ಎಂದು ರಾಜ್ಯ ಸರ್ಕಾರವನ್ನು ದೂಷಿಸಿದರು.

       ಕೇಂದ್ರ ಸರ್ಕಾರ ಒದಗಿಸುವ ಆಹಾರ ಕಿಟ್ ಗಳ ವಿತರಣೆಯಲ್ಲಿ ಸರ್ಕಾರ ಪ್ರಮುಖ ಪಾತ್ರ ವಹಿಸುವುದಿಲ್ಲ. ಕೇಂದ್ರವು ಒದಗಿಸುವ ಉಚಿತ ವಸ್ತುಗಳನ್ನು ಬಟ್ಟೆ ಚೀಲಗಳಲ್ಲಿ ಮಾತ್ರ ಸರ್ಕಾರ ವಿತರಿಸುತ್ತದೆ. ಪಿಣರಾಯಿ ಅವರು ಸರ್ಕಾರಕ್ಕೆ ಸೇರಿದ ಬಟ್ಟೆಯ ಚೀಲವೊಂದನ್ನು ಮಾತ್ರ ಹೊಂದಿದ್ದಾರೆ ಎಂದು ಪಿಸಿ ಜಾರ್ಜ್ ಗೇಲಿಮಾಡಿದರು. 

          ಉಚಿತ 35 ಕೆಜಿ ಅಕ್ಕಿ, 15 ರೂ.ಗಳಂತೆ ನೀಡಲಾಗುವ 10 ಕಿಲೋ ಅಕ್ಕಿಯ 70 ಪ್ರತಿಶತದಷ್ಟನ್ನು ಕೇಂದ್ರ ಸರ್ಕಾರ ನೀಡುತ್ತದೆ. ಆದರೆ ಇದೆಲ್ಲ ಪಿಣರಾಯಿ ಸರ್ಕಾರ ನೀಡಿದ ಅನುಗ್ರಹ ಎಂದು ಜನರು ಭಾವಿಸುತ್ತಾರೆ. ಈ ಬಗ್ಗೆ ಬಿಜೆಪಿ ಅಥವಾ ಕಾಂಗ್ರೆಸ್ ಏನ್ನೂ ಹೇಳುವುದಿಲ್ಲ ಎಂದು ಜಾರ್ಜ್ ಹೇಳಿದರು.

         ಎಲ್‍ಡಿಎಫ್ ಮತ್ತೊಮ್ಮೆ ರಾಜ್ಯದಲ್ಲಿ ಅಧಿಕಾರಕ್ಕೆ ಬಂದರೆ ಮುಂದೆ ಕಾಂಗ್ರೆಸ್ ಚೇತರಿಸದು  ಎಂದು ಪಿಸಿ ಜಾರ್ಜ್ ಹೇಳಿದ್ದಾರೆ. ಎಲ್ಡಿಎಫ್ ಎರಡನೇ ಬಾರಿಗೆ ಬರುವ ಎಲ್ಲ ಸಾಧ್ಯತೆಗಳಿವೆ. ಆದರೆ, ಸೋಲಾರ್ ಪ್ರಕರಣ ಮರಳಿ ಮುನ್ನೆಲೆಗೆ ಬಂದಿರುವುದು ಪಿಣರಾಯಿಗೆ ಹೊಡೆತ ಎಂದು ಜಾರ್ಜ್ ತಿಳಿಸಿದ್ದಾರೆ. ಸಿಪಿಎಂ ಮತ್ತೊಮ್ಮೆ ಅಧಿಕಾರಕ್ಕೆ ಬಂದರೆ ಕೇರಳದಲ್ಲಿ ಕಾಂಗ್ರೆಸ್ ಕುಸಿಯುತ್ತದೆ ಮತ್ತು ಬಿಜೆಪಿಯೇ ಪ್ರಮುಖ ಶಕ್ತಿಯಾಗಿ ಬೆಳೆಯುತ್ತವೆ ಎಂದು ಬಿಜೆಪಿ ಭಾವಿಸಿದೆ. ಅದು ನಿಜ ಎಂದು ಜಾರ್ಜ್ ಹೇಳಿದರು.