ಶಬರಿಮಲೆ ಆದಾಯದಲ್ಲಿ ಭಾರೀ ಕುಸಿತ-ದೈನಂದಿನ ಖರ್ಚಿಗೆ ಸರ್ಕಾರದ ನೆರವು ಕೋರಿದ ತಿರುವಾಂಕೂರು ದೇವಸ್ವಂ ಮಂಡಳಿ

      

        ತಿರುವನಂತಪುರ: ಶಬರಿಮಲೆಯ ಆದಾಯದಲ್ಲಿ ತೀವ್ರ ಕುಸಿತದಿಂದಾಗಿ ತಿರುವಾಂಕೂರು ದೇವಸ್ವಂ ಮಂಡಳಿ ದೈನಂದಿನ ವೆಚ್ಚಗಳಿಗಾಗಿ ಸರ್ಕಾರದ ಸಹಾಯವನ್ನು ಕೋರಿದೆ. ಕಳೆದ ವರ್ಷಕ್ಕೆ ಹೋಲಿಸಿದರೆ ಈ ವರ್ಷ ಶಬರಿಮಲೆ ಆದಾಯ ಕೇವಲ ಆರು ಶೇಕಡಾ ಇಳಿಕೆಯಲ್ಲಿದೆ ಎಂದು ದೇವಸ್ವಂ ಬೋರ್ಡ್ ತಿಳಿಸಿದೆ.

       ಇದರೊಂದಿಗೆ, ದೇವಸ್ವಂ ಮಂಡಳಿಯ ಅಧೀನದಲ್ಲಿರುವ ಇತರ ದೇವಾಲಯಗಳು ಸಹ ಆರ್ಥಿಕ ಬಿಕ್ಕಟ್ಟನ್ನು ಎದುರಿಸುತ್ತಿವೆ. ಮತ್ತು ಮಂಡಳಿಯು ಈ ಪರಿಸ್ಥಿತಿಯಲ್ಲಿ ಸರ್ಕಾರದ ಸಹಾಯವನ್ನು ಕೋರುವುದು ಅನಿವಾರ್ಯವಾಗಿದೆ. ಮಂಡಳಿಯು ಸರ್ಕಾರದಿಂದ 100 ಕೋಟಿ ರೂ ನೆರವು ಯಾಚಿಸಿದೆ.

       ಈ ಋತುವಿನಲ್ಲಿ ಸಬರಿಮಲೆಗೆ ಇದುವರೆಗೆ 15 ಕೋಟಿ ರೂ.ಆದಾಯ ಮಾತ್ರ ಲಭ್ಯವಾಗಿದೆ. ತಿಂಗಳ ಪೂಜೆಗೆ ನಡೆತೆರೆಯುವ ದಿನಗಳನ್ನು ಹೆಚ್ಚಿಸುವ ಬಗ್ಗೆ ದೇವಸ್ವಂ ಬೋರ್ಡ್ ಚಿಂತನೆ ನಡೆಸಿದೆ. ತಂತ್ರಿವರ್ಯರು ಸೇರಿದಂತೆ ಪ್ರಮುಖರೊಂದಿಗೆ ಸಮಾಲೋಚಿಸಿ ನಿರ್ಧಾರ ತೆಗೆದುಕೊಳ್ಳಲಾಗುವುದು. ನಾಳೆ ಶಬರಿಮಲೆಗೆ ಆಗಮಿಸುವ  5000 ಜನರಿಗೆ ಮಕರ ಜ್ಯೋತಿ ಮುಗಿಯುವವರೆಗೆ ಸನ್ನಿಧಿಯಲ್ಲಿ ಇರಲು ಅವಕಾಶವಿರುತ್ತದೆ.