ಶೈಕ್ಷಣಿಕೇತರ ಪ್ರಮಾಣಪತ್ರಗಳ ದೃಢೀಕರಣಕ್ಕೆ ಇನ್ನು ನಾರ್ಕಾ-ರೂಟ್ಸ್ ಜಿಲ್ಲಾ ಸೆಲ್ ಗಳ ಮೂಲಕ ಲಭ್ಯ

                           

       ತಿರುವನಂತಪುರ: ನಾರ್ಕಾ-ರೂಟ್ಸ್ ಜಿಲ್ಲಾ ಸೆಲ್ ಗಳ ಮೂಲಕ ವಿದೇಶಗಳಿಗೆ ತೆರಳಲು ಬೇಕಾದ ದೇಶೀಯ ದೃಢೀಕರಣ ಸೇವೆಗಳು ಇನ್ನು ಲಭ್ಯವಾಗಲಿವೆ. ಇದು ಕೊಲ್ಲಂ, ತ್ರಿಶೂರ್ ಮತ್ತು ಕಣ್ಣೂರು ಜಿಲ್ಲಾ ಕಲೆಕ್ಟರೇಟ್‍ಗಳಲ್ಲಿನ ನಾರ್ಕಾ-ರೂಟ್ಸ್ ಜಿಲ್ಲಾ ಸೆಲ್ ಗಳ ಮೂಲಕ ಲಭ್ಯವಾಗಲಿದೆ.

         ವಿದೇಶಗಳಿಗೆ ಸಲ್ಲಿಸಲು ಕೇರಳದಿಂದ ದಾಖಲೆಗಳ ಆಂತರಿಕ ದೃಢೀಕರಣ ಸೇವೆಯನ್ನು ಒದಗಿಸಲು ಸರ್ಕಾರವು ನೋರ್ಕಾ-ರೂಟ್ಸ್‍ಗೆ ನೋಡಲ್ ಏಜೆನ್ಸಿಯಾಗಿ ಅಧಿಕಾರವನ್ನು ಈ ಮೂಲಕ ನೀಡಿದೆ.

          ಪ್ರಸ್ತುತ ಈ ಸೇವೆ ತಿರುವನಂತಪುರ, ಎರ್ನಾಕುಳಂ ಮತ್ತು ಕೋಝಿಕ್ಕೋಡ್ ಪ್ರಾದೇಶಿಕ ಪ್ರಮಾಣೀಕರಣ ಕೇಂದ್ರಗಳಲ್ಲಿ ಮಾತ್ರ ಲಭ್ಯವಿತ್ತು. ಅಂತಹ ಉದ್ದೇಶಗಳಿಗಾಗಿ ರಾಜ್ಯದ ವಿವಿಧ ಭಾಗಗಳಲ್ಲಿನ ಸಾರ್ವಜನಿಕರು ನೇರವಾಗಿ ದಾಖಲೆಗಳನ್ನು ತಿರುವನಂತಪುರ ಸಚಿವಾಲಯದ ಆಂತರಿಕ ದೃಢೀಕರಣ ವಿಭಾಗಕ್ಕೆ ಸಲ್ಲಿಸುವ ಅಗತ್ಯ ಇನ್ನಿರುವುದಿಲ್ಲ. 

        ನೋರ್ಕಾದಲ್ಲಿ ಶೈಕ್ಷಣಿಕೇತರ ಪ್ರಮಾಣಪತ್ರಗಳಿಗಾಗಿ ದೇಶೀಯ ದೃಢೀಕರಣ ಸೌಲಭ್ಯವನ್ನು ಒದಗಿಸುವುದರೊಂದಿಗೆ, ವಿದೇಶದಲ್ಲಿ ಸಲ್ಲಿಸಬೇಕಾದ ಎಲ್ಲಾ ದಾಖಲೆಗಳ ದೃಢೀಕರಣವು ಅಭ್ಯರ್ಥಿಗಳು ಮತ್ತು ವಲಸಿಗರಿಗೆ ನೋರ್ಕಾ-ರೂಟ್ಸ್ ಕಚೇರಿಗಳ ಮೂಲಕ ಲಭ್ಯವಾಗಲಿದೆ. ಶೈಕ್ಷಣಿಕ ಪ್ರಮಾಣಪತ್ರಗಳ ಜೊತೆಗೆ ಶೈಕ್ಷಣಿಕೇತರ ಪ್ರಮಾಣಪತ್ರಗಳಾದ ಜನನ, ಮರಣ ಮತ್ತು ವಿವಾಹ ಪ್ರಮಾಣಪತ್ರಗಳು, ವಿವಿಧ ಅಫಿಡವಿಟ್‍ಗಳು ಮತ್ತು ಪವರ್ ಆಫ್ ಅಟಾರ್ನಿಗಳನ್ನು ಕೊಲ್ಲಂ, ತ್ರಿಶೂರ್ ಮತ್ತು ಕಣ್ಣೂರು ಜಿಲ್ಲಾ ಕಲೆಕ್ಟರೇಟ್‍ಗಳಲ್ಲಿರುವ ನೋರ್ಕಾ-ರೂಟ್ಸ್ ಮತ್ತು ನೋರ್ಕಾ-ರೂಟ್ಸ್ ಜಿಲ್ಲಾ ಸೆಲ್ ಗಳ ಪ್ರಾದೇಶಿಕ ಕಚೇರಿಗಳಿಂದ ಪಡೆಯಬಹುದು. 

        ಈ ಪ್ರಮಾಣಪತ್ರಗಳ ಆಂತರಿಕ ದೃಢೀಕರಣದ ಜೊತೆಗೆ, ವಿವಿಧ ರಾಯಭಾರ ಕಚೇರಿಗಳ ಪ್ರಮಾಣೀಕರಣ ಸೇವೆಯು ತಿರುವನಂತಪುರ, ಎರ್ನಾಕುಳಂ ಮತ್ತು ಕೋಝಿಕ್ಕೋಡ್ ನ ನೋರ್ಕಾ-ರೂಟ್ಸ್ ಪ್ರಾದೇಶಿಕ ಕಚೇರಿಗಳಲ್ಲಿಯೂ ಲಭ್ಯವಿದೆ.

        ಎಂಇಎ ಮತ್ತು ಅಪೆÇೀಸ್ಟೋಲಿಕ್ ಪ್ರಮಾಣೀಕರಣದ ಜೊತೆಗೆ, ಯುಎಇ, ಕುವೈತ್, ಕತಾರ್ ಮತ್ತು ಬಹ್ರೇನ್ ರಾಯಭಾರ ಕಚೇರಿಗಳ ದೃಢೀಕರಣ ಸೇವೆಗಳು ಸಹ ಲಭ್ಯವಿದೆ. ದೃಢೀಕರಣ ಸೇವೆಗಳನ್ನು ಆನ್‍ಲೈನ್‍ನಲ್ಲಿ www.norkaroots.org ಮೂಲಕ ನೋಂದಾಯಿಸಬಹುದು.

        ಹೆಚ್ಚಿನ ಮಾಹಿತಿಗಾಗಿ, 18004253939 ಗೆ ಕರೆ ಮಾಡಿ ಎಂದು ನಾರ್ಕಾ ರೂಟ್ಸ್ ಪ್ರಕಟಣೆ ತಿಳಿಸಿದೆ.