ಕೇರಳದ ಮಾದರಿಯನ್ನು ಅನುಸರಿಸಲಿದೆ ಮಧ್ಯಪ್ರದೇಶ; ಜವಾಬ್ದಾರಿಯುತ ಪ್ರವಾಸೋದ್ಯಮವನ್ನು ಜಾರಿಗೆ ತರಲು ಕೇರಳದೊಂದಿಗೆ ಒಪ್ಪಂದ

                        

        ತಿರುವನಂತಪುರ: ಕೇರಳ ಪ್ರವಾಸೋದ್ಯಮಕ್ಕೆ ಅಂತರರಾಷ್ಟ್ರೀಯ ಖ್ಯಾತಿ ಗಳಿಸಿರುವ ಜವಾಬ್ದಾರಿಯುತ ಪ್ರವಾಸೋದ್ಯಮ ಯೋಜನೆಯನ್ನು ಜಾರಿಗೆ ತರಲು ಮಧ್ಯಪ್ರದೇಶ ಸಜ್ಜಾಗಿದೆ. ಈ ಯೋಜನೆಯನ್ನು ಮಧ್ಯಪ್ರದೇಶದಲ್ಲಿ ಕೇರಳದ ಜವಾಬ್ದಾರಿಯುತ ಪ್ರವಾಸೋದ್ಯಮ ಮಿಷನ್ ಜಾರಿಗೊಳಿಸುತ್ತಿದೆ. ಈ ತಿಂಗಳ 13 ರಂದು ತಿರುವನಂತಪುರಂನಲ್ಲಿ ನಡೆಯುವ ಸಮಾರಂಭದಲ್ಲಿ ಎಂಒಯು ಹಸ್ತಾಂತರಿಸಲಾಗುವುದು.

          ಮಧ್ಯಪ್ರದೇಶ ಪ್ರವಾಸೋದ್ಯಮ ಮತ್ತು ಸಂಸ್ಕøತಿ ಸಚಿವ ಉಷಾ ಠಾಕೂರ್ ನೇತೃತ್ವದ 13 ಸದಸ್ಯರ ನಿಯೋಗ ಜನವರಿ 12 ರಿಂದ ಏಳು ದಿನಗಳವರೆಗೆ ಕೇರಳಕ್ಕೆ ಭೇಟಿ ನೀಡಲಿದ್ದು, ಜವಾಬ್ದಾರಿಯುತ ಪ್ರವಾಸೋದ್ಯಮ ಯೋಜನೆಗಳನ್ನು ನೋಡಲು ಮತ್ತು ಎಂಒಯು ಹಸ್ತಾಂತರಿಸಲಿದೆ.

      ಅನೇಕ ರಾಜ್ಯಗಳು ಕೇರಳದ ಜವಾಬ್ದಾರಿಯುತ ಪ್ರವಾಸೋದ್ಯಮ ಮಾದರಿಯನ್ನು ಅನುಸರಿಸುತ್ತಿದ್ದರೂ, ಇದೇ ಮೊದಲ ಬಾರಿಗೆ ಒಪ್ಪಂದಕ್ಕೆ ಸಹಿ ಹಾಕಲಾಗಿದೆ. ಮಧ್ಯಪ್ರದೇಶ ಪ್ರವಾಸೋದ್ಯಮ ಮಂಡಳಿಯ ನಿರ್ದೇಶಕ ಮನೋಜ್ ಕುಮಾರ್ ಸಿಂಗ್ ಮತ್ತು ಜವಾಬ್ದಾರಿಯುತ ಪ್ರವಾಸೋದ್ಯಮ ಮಿಷನ್ ಕೇರಳದ ಸಂಯೋಜಕ ಕೆ ರೂಪೇಶ್ ಕುಮಾರ್ ಈ ಯೋಜನೆಗೆ ನೋಡಲ್ ಅಧಿಕಾರಿಗಳಾಗಿರುತ್ತಾರೆ.

        ಮಧ್ಯಪ್ರದೇಶ ತಂಡದ ಭೇಟಿಯ ನಂತರ, ಜವಾಬ್ದಾರಿಯುತ ಪ್ರವಾಸೋದ್ಯಮ ಮಿಷನ್ ತಂಡವು ಮಧ್ಯಪ್ರದೇಶಕ್ಕೂ ಭೇಟಿ ನೀಡುತ್ತಿದೆ.

     ಸ್ಥಳೀಯ ಜನರನ್ನು ಅಭಿವೃದ್ಧಿಯ ಮುಖ್ಯವಾಹಿನಿಗೆ ತರಲು ಕೇರಳ ರೂಪಿಸಿದ ಮಾದರಿಯನ್ನು ಇತರ ರಾಜ್ಯಗಳು ಅನುಸರಿಸುತ್ತಿರುವುದು ಸಂತಸ ತಂದಿದೆ ಎಂದು ರಾಜ್ಯ ಪ್ರವಾಸೋದ್ಯಮ ಸಚಿವ ಕಡಕಂಪಳ್ಳಿ ಸುರೇಂದ್ರನ್ ಹೇಳಿದ್ದಾರೆ. ಮಧ್ಯಪ್ರದೇಶದ ಹೊರತಾಗಿ, ಇತರ ರಾಜ್ಯಗಳು ಸಹ ಈ ವಿಷಯದಲ್ಲಿ ಆಸಕ್ತಿ ತೋರಿಸಿವೆ. ಪ್ರವಾಸೋದ್ಯಮ ಕ್ಷೇತ್ರದ ಅಭಿವೃದ್ಧಿಯೊಂದಿಗೆ ಕೇರಳದ ಸಾಮಾಜಿಕ ಅಭಿವೃದ್ಧಿ ಮಾದರಿ ಇತರ ರಾಜ್ಯಗಳನ್ನು ತಲುಪಲಿದೆ ಎಂದು ಹೇಳಿದರು.

         ರಾಜ್ಯ ಪ್ರವಾಸೋದ್ಯಮ ಕಾರ್ಯದರ್ಶಿ ರಾಣಿ ಜಾರ್ಜ್ ಮಾತನಾಡಿ, ಜವಾಬ್ದಾರಿಯುತ ಪ್ರವಾಸೋದ್ಯಮವು 20,000 ಘಟಕಗಳ ಮೂಲಕ 1,09,000 ಫಲಾನುಭವಿಗಳನ್ನು ಹೊಂದಿದೆ. ಈ ಯೋಜನೆಯು ಪ್ರವಾಸೋದ್ಯಮ ಕ್ಷೇತ್ರದ ಮೂಲಕ ಸ್ಥಳೀಯ ಜನರಿಗೆ 38 ಕೋಟಿ ರೂ. ಆದಾಯ ತಂದಿರಿಸಿದೆ.

         ಜವಾಬ್ದಾರಿಯುತ ಪ್ರವಾಸೋದ್ಯಮ ಮಿಷನ್ ವಿಸ್ತರಣೆ ಕೇರಳಕ್ಕೆ ಉತ್ತಮ ಅವಕಾಶವಾಗಿದೆ ಎಂದು ರಾಜ್ಯ ಪ್ರವಾಸೋದ್ಯಮ ನಿರ್ದೇಶಕ ಪಿ ಬಾಲ ಕಿರಣ್ ಹೇಳಿರುವರು. ಜವಾಬ್ದಾರಿಯುತ ಪ್ರವಾಸೋದ್ಯಮ ಮಿಷನ್ ಇತರ ರಾಜ್ಯಗಳಿಗೆ ಅತ್ಯಂತ ವೃತ್ತಿಪರ ಸಲಹಾ ಸೇವೆಯನ್ನು ಒದಗಿಸಬಹುದು ಎಂದು ಅವರು ಹೇಳಿದರು.

          ಜವಾಬ್ದಾರಿಯುತ ಪ್ರವಾಸೋದ್ಯಮವು ಕೇರಳದ ಪ್ರವಾಸೋದ್ಯಮ ಕೇಂದ್ರಗಳಲ್ಲಿ ಸ್ಥಳೀಯ ಜನರ ಭಾಗವಹಿಸುವಿಕೆಯನ್ನು ಖಚಿತಪಡಿಸುವ ಯೋಜನೆಯಾಗಿದೆ. ಕೊಟ್ಟಾಯಂ ಜಿಲ್ಲೆಯ ಕುಮರಕಂ ಸೇರಿದಂತೆ ನಾಲ್ಕು ಕೇಂದ್ರಗಳಲ್ಲಿ ಪ್ರಾರಂಭವಾದ ಈ ಯೋಜನೆಯು 2017 ರಲ್ಲಿ ರಾಜ್ಯ ಮಿಷನ್ ಆಯಿತು. ಮೂರು ವರ್ಷಗಳಲ್ಲಿ, ಜವಾಬ್ದಾರಿಯುತ ಪ್ರವಾಸೋದ್ಯಮವು 2020 ವಿಶ್ವ ಪ್ರವಾಸ ಮಾರುಕಟ್ಟೆ (ಡಬ್ಲ್ಯುಟಿಎಂ) ಪ್ರಶಸ್ತಿ ಸೇರಿದಂತೆ ಒಂಬತ್ತು ರಾಷ್ಟ್ರೀಯ ಮತ್ತು ಅಂತರರಾಷ್ಟ್ರೀಯ ಪ್ರಶಸ್ತಿಗಳನ್ನು ಗೆದ್ದಿದೆ.

             ಹೊಸ ಪ್ರವಾಸೋದ್ಯಮ ಕೇಂದ್ರಗಳನ್ನು ಅಭಿವೃದ್ಧಿಪಡಿಸಲು ಮತ್ತು ಆ ಮೂಲಕ ಜವಾಬ್ದಾರಿಯುತ ಪ್ರವಾಸೋದ್ಯಮ ಯೋಜನೆಗಳನ್ನು ಜಾರಿಗೆ ತರಲು ರಾಜ್ಯವು ಪೆಪ್ಪರ್ (ಭಾಗವಹಿಸುವಿಕೆ ಯೋಜನೆ ಮತ್ತು ಜವಾಬ್ದಾರಿಯುತ ಪ್ರವಾಸೋದ್ಯಮದ ಮೂಲಕ ಸಬಲೀಕರಣಕ್ಕಾಗಿ ಜನರ ಭಾಗವಹಿಸುವಿಕೆ) ಯೋಜನೆಯನ್ನು ಯಶಸ್ವಿಯಾಗಿ ಜಾರಿಗೊಳಿಸುತ್ತಿದೆ. ಪ್ರವಾಸೋದ್ಯಮಕ್ಕೆ ಸ್ಥಳೀಯವಾಗಿ ಸೇವೆಗಳನ್ನು ಒದಗಿಸುವುದು ಯೋಜನೆಯ ಮುಖ್ಯ ಲಜ್ಷ್ಯವಾಗಿದೆ. ಗ್ರಾಮೀಣ ಜೀವನವನ್ನು ಹೆಚ್ಚು ಆನಂದದಾಯಕವಾಗಿಸುವುದು ಮತ್ತು ಹೋಟೆಲ್‍ಗಳು ಮತ್ತು ರೆಸಾರ್ಟ್‍ಗಳಿಗೆ ಆಹಾರವನ್ನು ಒದಗಿಸುವುದು ಇವುಗಳಲ್ಲಿ ಸೇರಿವೆ.

        ಒಪ್ಪಂದದ ಪ್ರಕಾರ, ಜವಾಬ್ದಾರಿಯುತ ಪ್ರವಾಸೋದ್ಯಮ ಮಿಷನ್ 16 ನೇ ಕಾರ್ಯಕ್ರಮವನ್ನು ಮಧ್ಯಪ್ರದೇಶದಲ್ಲಿ ಜಾರಿಗೆ ತರಲಿದೆ. ಕೇರಳದಲ್ಲಿ ಮಧ್ಯಪ್ರದೇಶಕ್ಕೆ ಸೂಕ್ತವಾದ ರೀತಿಯಲ್ಲಿ ಜಾರಿಗೆ ತರಲಾದ ಜವಾಬ್ದಾರಿಯುತ ಪ್ರವಾಸೋದ್ಯಮ ಯೋಜನೆಗಳನ್ನು ಕಾರ್ಯಗತಗೊಳಿಸಿ, ಜವಾಬ್ದಾರಿಯುತ ಪ್ರವಾಸೋದ್ಯಮಕ್ಕೆ ಮಾಸ್ಟರ್ ಪ್ಲ್ಯಾನ್ ರೂಪಿಸಲು ಸಹಾಯ ಮಾಡುವುದು, ಯೋಜನೆ ಅನುಷ್ಠಾನಕ್ಕೆ ಮಾನವ ಸಂಪನ್ಮೂಲ ಸಾಮಥ್ರ್ಯವನ್ನು ಸಿದ್ಧಪಡಿಸುವುದು, ತರಬೇತಿ ಕಾರ್ಯಕ್ರಮಗಳು, ಜಿಲ್ಲಾ ಪ್ರವಾಸೋದ್ಯಮ ಉತ್ತೇಜನ ಮಂಡಳಿಗಳ ರಚನೆಯ ಮಾನದಂಡಗಳು, ಸುಸ್ಥಿರ ಪ್ರವಾಸೋದ್ಯಮ ಕೇಂದ್ರಗಳನ್ನು ಗುರುತಿಸುವುದು ಮತ್ತು ಅಲ್ಲಿ ಜವಾಬ್ದಾರಿಯುತ ಪ್ರವಾಸೋದ್ಯಮ ಸಾಮಥ್ರ್ಯವನ್ನು ಅಭಿವೃದ್ಧಿಪಡಿಸುವುದು ಮುಖ್ಯ ಗುರಿಯಾಗಿದೆ. ರೆಸಾರ್ಟ್‍ಗಳ ವರ್ಗೀಕರಣ, ಹೋಂಸ್ಟೇಗಳು, ಪ್ರವಾಸೋದ್ಯಮ ಕ್ಲಬ್‍ಗಳ ರಚನೆ, ಶೌಚಾಲಯ ಮತ್ತು ವಿಶ್ರಾಂತಿ ಪ್ರದೇಶಗಳನ್ನು ದಾಖಲಿಸುವ ಕೇರಳ ಮಾದರಿಯ ಅನುಷ್ಠಾನ, ಆಯಾ ಪ್ರವಾಸೋದ್ಯಮ ಕೇಂದ್ರಗಳಲ್ಲಿ ಮಾನವ ಸಂಪನ್ಮೂಲ ಸಾಮಥ್ರ್ಯದ ಆವಿಷ್ಕಾರ, ಕರಕುಶಲ ವಸ್ತುಗಳನ್ನು ಪತ್ತೆ ಹಚ್ಚುವ ಕೇರಳ ಮಾದರಿಯ ಅನುಷ್ಠಾನ ಮತ್ತು ಅವುಗಳನ್ನು ಸ್ಮಾರಕ ರೂಪದಲ್ಲಿ ಮಾರಾಟ ಮಾಡುವುದು, ಹಬ್ಬಗಳು ಮತ್ತು ಪ್ರವಾಸೋದ್ಯಮ ಸಮಯದಲ್ಲಿ ಪ್ರವಾಸೋದ್ಯಮ ಪ್ಯಾಕೇಜ್ ಅನುಷ್ಠಾನಕ್ಕೆ ಸಹಾಯ ಸುರಕ್ಷತಾ ಅಧ್ಯಯನ ಮತ್ತು ಲೆಕ್ಕಪರಿಶೋಧನೆ, ಸಾಮಾಜಿಕ ಪ್ರವಾಸೋದ್ಯಮ ಯೋಜನೆಯಲ್ಲಿ ನೌಕರರ ತರಬೇತಿ, ಪ್ರವಾಸೋದ್ಯಮ ಪ್ರದೇಶಗಳಲ್ಲಿ ಜನರನ್ನು ಸೆಳೆಯುವ ಮನೋಸ್ಥಿತಿ, ಭೌತಿಕ ವಾತಾವರಣ ನಿರ್ಮಾಣ ಯೋಜನೆಯ ಅಂಶಗಳಾಗಿವೆ.