ಕೋವಿಡ್‌ ಜಾಗೃತಿ ಕಾಲರ್ ಟ್ಯೂನ್‌ನಿಂದ ಅಮಿತಾಭ್‌ ಧ್ವನಿ ತೆಗೆಯಲು ಕೋರಿ ಅರ್ಜಿ

       ನವದೆಹಲಿ: ಮೊಬೈಲ್‌ ಕಾಲರ್ ಟ್ಯೂನ್‌ ಮೂಲಕ ಕೋವಿಡ್‌ ಕುರಿತು ಜಾಗೃತಿ ಮೂಡಿಸುವ ನಟ ಅಮಿತಾಭ್ ಬಚ್ಚನ್ ಅವರ ಧ್ವನಿಯನ್ನು ತೆಗೆಯಬೇಕು ಎಂದು ಕೋರಿ ಹೈಕೋರ್ಟ್‌ಗೆ ಸಾರ್ವಜನಿಕ ಹಿತಾಸಕ್ತಿ ಅರ್ಜಿ ಸಲ್ಲಿಸಲಾಗಿದೆ.

        ಸ್ವತಃ ಅಮಿತಾಭ್ ಬಚ್ಚನ್ ಮತ್ತು ಕುಟುಂಬದ ಸದಸ್ಯರೇ ಸೋಂಕು ಪೀಡಿತರಾಗಿದ್ದರು. ಕೆಲ ಕೊರೊನಾ ವಾರಿಯರ್‌ಗಳು ಉಚಿತವಾಗಿ ಧ್ವನಿ ಸೇವೆ ನೀಡಲು ಸಿದ್ಧರಿದ್ದಾರೆ ಎಂದು ಅರ್ಜಿದಾರರು ತಮ್ಮ ವಾದಕ್ಕೆ ಸಮರ್ಥನೆ ನೀಡಿದ್ದಾರೆ.

      ಮುಖ್ಯ ನ್ಯಾಯಮೂರ್ತಿ ಡಿ.ಎನ್.ಪಟೇಲ್ ಮತ್ತು ನ್ಯಾಯಮೂರ್ತಿ ಜ್ಯೋತಿ ಸಿಂಗ್ ಅವರಿದ್ದ ಪೀಠದ ಎದುರು ಈ ಅರ್ಜಿ ವಿಚಾರಣೆಗೆ ಬಂದಿದೆ. ಅರ್ಜಿಯ ವಿಚಾರಣೆಯನ್ನು ಜನವರಿ 18ಕ್ಕೆ ನಿಗದಿಪಡಿಸಲಾಗಿದೆ.