ಬಾಡಿಗೆ ಚೀಟಿ ಇದ್ದಲ್ಲಿ ಪಡಿತರ ಚೀಟಿ ನೀಡಲಾಗುವುದು-ಸಚಿವ ಪಿ. ತಿಲೋತ್ತಮನ್

          ತ್ರಿಶೂರ್: ಬಾಡಿಗೆ ಚೀಟಿ ವ್ಯವಸ್ಥೆಗೊಳಿಸಿದರೆ ಪಡಿತರ ಚೀಟಿ ನೀಡಲಾಗುವುದು ಎಂದು ಆಹಾರ ಮತ್ತು ಸಾರ್ವಜನಿಕ ವಿತರಣಾ ಸಚಿವ ಪಿ. ತಿಲೋತ್ತಮನ್ ಹೇಳಿದ್ದಾರೆ. ಅವರು ನಿನ್ನೆ ವಿಧಾನಸಭೆಯಲ್ಲಿ ಕೇಳಿದ ಪ್ರಶ್ನೆಯೊಂದಕ್ಕೆ ಈ ಬಗ್ಗೆ ಉತ್ತರಿಸಿ ಮಾಹಿತಿ ನೀಡಿರುವರು. 

        ಬಾಡಿಗೆ ಮನೆಗಳಲ್ಲಿ ವಾಸಿಸುತ್ತಿರುವವರು ಪಡಿತರ ಚೀಟಿಗಾಗಿ ಅರ್ಜಿ ಸಲ್ಲಿಸುವಾಗ ಆ ಮನೆನಂಬ್ರದಲ್ಲಿಈಗಾಗಲೇ ಬೇರೊಬ್ಬರು ಪಡಿತರ ಚೀಟಿ ಹೊಂದಿದ್ದು ಸಮಸ್ಯಾತ್ಮಕವಾದ ಘಟನೆಗಳ ಹಿನ್ನೆಲೆಯಲ್ಲಿ ಉಂಟಾಗುವ ಸವಾಲಿನ ಸಂಬಂಧ ಶಾಸಕ ಇಟಿ ಟೈಸನ್ ಮಾಸ್ಟರ್ ಅವರು ಸಲ್ಲಿಸಿದ  ಪ್ರಶ್ನೆಗೆ ಸಚಿವರು ಉತ್ತರಿಸಿದರು. 

      ಹೊರವಲಯ ಮತ್ತು ರಸ್ತೆ ಬದಿಗಳಲ್ಲಿ  ಶೆಡ್‍ಗಳಲ್ಲಿ ವಾಸಿಸುವ ಮನೆಯಿಲ್ಲದ ಕುಟುಂಬಗಳಿಗೆ '00' ಮನೆ ಸಂಖ್ಯೆಯನ್ನು ಪುನಃಸ್ಥಾಪಿಸಲು ನಿರ್ಧರಿಸಲಾಗಿದೆ ಎಂದು ಸಚಿವರು ಹೇಳಿದರು.

     ಒಂದೇ ಮನೆಯಲ್ಲಿ ಒಂದಕ್ಕಿಂತ ಹೆಚ್ಚು ಕುಟುಂಬಗಳಿದ್ದರೆ ಅವರಿಗೆ ವಿಶೇಷ ಪಡಿತರ ಚೀಟಿ ನೀಡಲಾಗುತ್ತದೆ ಎಂದೂ ಅವರು ವಿಧಾನಸಭೆಗೆ ತಿಳಿಸಿದರು. ತಾಲ್ಲೂಕು ಆಹಾರ ಸರಬರಾಜು ಅಧಿಕಾರಿಗಳ ವಿಶೇಷ ವಿಚಾರಣೆಯ ನಂತರವೇ ಕಾರ್ಡ್ ನೀಡಲಾಗುವುದು.