ಭ್ರಷ್ಟಾಚಾರ ಪ್ರಕರಣದ ಆರೋಪಿ ಖಾದಿ ಮಂಡಳಿ ಕಾರ್ಯದರ್ಶಿಯ ವೇತನ ದ್ವಿಗುಣಗೊಳಿಸಲು ಆದೇಶ!

                      

         ತಿರುವನಂತಪುರ: ಕೇರಳ ಗೋಡಂಬಿ ನಿಗಮದ ಹಗರಣದ ಆರೋಪಿ ಖಾದಿ ಮಂಡಳಿ ಕಾರ್ಯದರ್ಶಿ ಕೆ.ಎ.ರತೀಶ್ ಅವರ ವೇತನವನ್ನು ದ್ವಿಗುಣಗೊಳಿಸಲಾಗಿದೆ. ಎಂಭತ್ತು ಸಾವಿರದಿಂದ ಒಂದು ಲಕ್ಷ ಎಪ್ಪತ್ತೆರಡು ಸಾವಿರಕ್ಕೆ ಏರಿಸಲಾಗಿದೆ. ಖಾದಿ ಮಂಡಳಿಯ ಅಧ್ಯಕ್ಷರಾಗಿರುವ ಕೈಗಾರಿಕಾ ಸಚಿವ ಇ.ಪಿ.ಜಯರಾಜನ್ ಅವರ ಶಿಫಾರಸಿನ ಮೇರೆಗೆ ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆ.

          ನಿನ್ನೆ ನಡೆದ ಖಾದಿ ನಿರ್ದೇಶಕರ ಸಭೆಯಲ್ಲಿ ಕಾರ್ಯದರ್ಶಿ ಕೆ.ಎ.ರತೀಶ್ ಅವರ ಸಂಬಳವನ್ನು ದ್ವಿಗುಣಗೊಳಿಸಲು ನಿರ್ಧರಿಸಲಾಯಿತು. ನಿರ್ದೇಶಕರ ಮಂಡಳಿಯ ಐದು ಸದಸ್ಯರಲ್ಲಿ ಇಬ್ಬರು ಮಾತ್ರ ಇದನ್ನು ಬೆಂಬಲಿಸಿದರು. ಆದರೆ, ಅಧ್ಯಕ್ಷ, ಸಚಿವ ಇ.ಪಿ.ಜಯರಾಜನ್ ಅವರ ಅಭಿಪ್ರಾಯವನ್ನು ಪರಿಗಣಿಸಿ ವೇತನವನ್ನು ಹೆಚ್ಚಿಸಲಾಯಿತು.

        ಖಾದಿ ಮಂಡಳಿ ಕಾರ್ಯದರ್ಶಿಯಾಗಿ ಕೆ.ಎ.ರತೀಶ್ ಅವರ ವೇತನ 80,000 ರೂ.ಆಗಿತ್ತು. ಕಿನ್‍ಫ್ರಾ ಎಂಡಿ ಪಾವತಿಸಬೇಕಾದ ವೇತನವನ್ನು 3.5 ಲಕ್ಷ ರೂ.ಗೆ ಹೆಚ್ಚಿಸುವಂತೆ ಕೋರಿ ರತೀಶ್ ಉಪಾಧ್ಯಕ್ಷರಿಗೆ ಪತ್ರ ಬರೆದಿದ್ದರು. ಆದರೆ, ಈ ಮೊತ್ತದ ಅರ್ಧದಷ್ಟು ಹಣವನ್ನು 1.72 ಲಕ್ಷ ರೂ.ಗಳ ವೇತನವಾಗಿ ಪಾವತಿಸಬೇಕೆಂದು ಉಪಾಧ್ಯಕ್ಷರು ಸರ್ಕಾರಕ್ಕೆ ಶಿಫಾರಸು ಮಾಡಿದರು.

        ಕೈಗಾರಿಕಾ ಸಚಿವರು ಫೈಲ್ ಅನ್ನು ಅನುಮೋದಿಸಿದರೂ ಕೈಗಾರಿಕಾ ಕಾರ್ಯದರ್ಶಿ ಸಹಿ ಹಾಕಲು ನಿರಾಕರಿಸಿದರು. ಮಾಜಿ ಕಾರ್ಯದರ್ಶಿಗಳ ವೇತನವನ್ನು ಎಂಭತ್ತು ಸಾವಿರ ರೂಪಾಯಿಗಳಾಗಿರುವುದರಿಂದ ಅದನ್ನು ದ್ವಿಗುಣಗೊಳಿಸಲು ಸಾಧ್ಯವಿಲ್ಲ ಎಂದು ಕೈಗಾರಿಕಾ ಕಾರ್ಯದರ್ಶಿ ಅಭಿಪ್ರಾಯಪಟ್ಟಿರುವರು. ತರುವಾಯ, ಕೆಎ ರತೀಶ್ ಅವರು ಖಾದಿ ಮಂಡಳಿಯ ಸದಸ್ಯರಿಗೆ ವೇತನ ಹೆಚ್ಚಳಕ್ಕೆ ಅನುಮೋದನೆ ಪತ್ರ ಬರೆದರು. ಈ ಪತ್ರವನ್ನು ನಿನ್ನೆ ನಿರ್ದೇಶಕರ ಮಂಡಳಿ ಪರಿಗಣಿಸಿದ್ದು, ವೇತನವನ್ನು ಹೆಚ್ಚಿಸಲು ನಿರ್ಧರಿಸಲಾಯಿತು.