ಕೇರಳದ ಕೋವಿಡ್ ರಕ್ಷಣಾ ಚಟುವಟಿಕೆಳನ್ನು ಯುಎನ್ ವೆಬ್ನಾರ್ನಲ್ಲಿ ಚರ್ಚೆ

          ತಿರುವನಂತಪುರ: ಕೋವಿಡ್ ಸಾವುಗಳನ್ನು ತಡೆಯುವ ಕೇರಳ ಸರ್ಕಾರದ ಪ್ರಯತ್ನಗಳನ್ನು ವಿಶ್ವಸಂಸ್ಥೆಯ ಸುಸ್ಥಿರ ಅಭಿವೃದ್ಧಿ ಗುರಿಗಳ (ಎಸ್‍ಡಿಜಿ) ಅಂತರರಾಷ್ಟ್ರೀಯ ವೆಬ್‍ನಾರ್‍ನಲ್ಲಿ ಚರ್ಚಿಸಲಾಗುತ್ತಿದೆ. ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ವೆಬ್ನಾರ್ ಸರಣಿಯನ್ನು ಉದ್ಘಾಟಿಸಲಿದ್ದಾರೆ.

         ವಿಶ್ವ ಆರೋಗ್ಯ ಸಂಸ್ಥೆ, ಯುನಿಸೆಫ್ ಮತ್ತು ವಿಶ್ವಬ್ಯಾಂಕ್ ಸಹಯೋಗದೊಂದಿಗೆ ಫೆಬ್ರವರಿ 17, 18, 24, 25 ಮತ್ತು ಮಾರ್ಚ್ 5 ರಂದು ರಾಜ್ಯ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆಯಿಂದ ವೆಬ್ನಾರ್ ಆಯೋಜಿಸಲಾಗಿದೆ. ಪ್ರತಿ ಅಧಿವೇಶನದಲ್ಲಿ, ಕೇರಳದ ಆರೋಗ್ಯಕ್ಕಾಗಿ ಸುಸ್ಥಿರ ಅಭಿವೃದ್ಧಿ ಗುರಿಗಳನ್ನು ಚರ್ಚಿಸಲಾಗಿದೆ. ವೆಬ್ ನಾರ್ "ಕೇರಳದ ಆರೋಗ್ಯ ವಲಯವು ಸುಸ್ಥಿರ ಅಭಿವೃದ್ಧಿ ಗುರಿಯನ್ನು ಸಾಧಿಸುತ್ತಿದೆ" ಎಂದು ಬೊಟ್ಟುಮಾಡಲಿದೆ.

         ಕೋವಿಡ್ ಮರಣ ಪ್ರಮಾಣವನ್ನು ಕಡಿಮೆ ಮಾಡಲು ಕೇರಳ ಕೈಗೊಂಡ ಕ್ರಮಗಳನ್ನು ವೆಬ್‍ನಾರ್‍ನಲ್ಲಿ ಚರ್ಚಿಸಲಾಗುವುದು. ಕೋವಿಡ್ ಮಾನಿಟರಿಂಗ್ ಸಿಸ್ಟಮ್, ಕಠಿಣ ಸಂಪರ್ಕ ಪರೀಕ್ಷೆ, ಉತ್ತಮ ಸಂಪರ್ಕತಡೆ, ಅಪಾಯದಲ್ಲಿರುವವರನ್ನು ತಪಾಸಣೆ ಮಾಡುವುದು, ಸಮುದಾಯದ ಬೆಂಬಲದೊಂದಿಗೆ ತಡೆಗಟ್ಟುವುದು, ಗಂಭೀರವಾಗಿ ಅನಾರೋಗ್ಯ ಪೀಡಿತರ ಮೇಲ್ವಿಚಾರಣೆ, ವೃದ್ಧರು ಮತ್ತು ಗರ್ಭಿಣಿ ಮಹಿಳೆಯರ ಮೇಲ್ವಿಚಾರಣೆ ಸೇರಿದಂತೆ ಜಾಗರೂಕ ಕ್ರಮಗಳು ಮತ್ತು ವಿಶೇಷ ಕೋವಿಡ್ ಆಸ್ಪತ್ರೆಗಳಲ್ಲಿ ನೀಡಲಾಗುವ ಅತ್ಯುತ್ತಮ ಚಿಕಿತ್ಸೆ ಸಹ ಚರ್ಚಿಸಲಾಗುವುದು.

      ಕೋವಿಡ್ ನ ಅಪಾಯದಲ್ಲಿರುವ ಜನರ ಮೇಲೆ ನಡೆಸಿದ ಪ್ರಯೋಗ-ಪರೀಕ್ಷೆಗಳು ಕೋವಿಡ್ ಸಾವುಗಳನ್ನು ಕಡಿಮೆ ಮಾಡಲು ಸಹಾಯ ಮಾಡಿದೆ ಎಂದು ಆರೋಗ್ಯ ಸಚಿವೆ ಕೆ.ಕೆ.ಶೈಲಜಾ ಹೇಳಿದರು. ರಾಜ್ಯದಲ್ಲಿ ಕೋವಿಡ್ ಮರಣ ಪ್ರಮಾಣ ಕೇವಲ 0.4 ಶೇಕಡಾ.ಆಗಿದೆ. ರಕ್ಷಣಾತ್ಮಕ ಕ್ರಮಗಳೊಂದಿಗೆ ಸಮಾಜದ ತಳಮಟ್ಟಕ್ಕೆ ಇಳಿಯಲು ಸಾಧ್ಯವಾಯಿತು ಎಂದು ಸಚಿವರು ಶನಿವಾರ ಹೇಳಿದ್ದಾರೆ.