ಕೆ-ಪೋನ್ ಯೋಜನೆಯ ಮೊದಲ ಹಂತ ಮುಂದಿನ ವಾರ ಉದ್ಘಾಟನೆ- ಏಳು ಜಿಲ್ಲೆಗಳಲ್ಲಿ ಸೇವೆ

          

        ತಿರುವನಂತಪುರ: ರಾಜ್ಯ ಸರ್ಕಾರದ ಅಂತರ್ಜಾಲ ವಿತರಣಾ ಯೋಜನೆ ಕೆ-ಪೋನ್ ಉದ್ಘಾಟನೆ ಮುಂದಿನ ವಾರ ನಡೆಯಲಿದೆ ಎಂದು ವರದಿಯಾಗಿದೆ. ಮೊದಲ ಹಂತದಲ್ಲಿ ರಾಜ್ಯದ ಆಯ್ದ ಸರ್ಕಾರಿ ಕಚೇರಿಗಳಿಗೆ ಇಂಟರ್ನೆಟ್ ಸಂಪರ್ಕ ಒದಗಿಸಲಾಗುವುದು. ಯೋಜನೆಯ ಮೊದಲ ಹಂತವನ್ನು ಸಿಎಂ ಉದ್ಘಾಟಿಸಲಿದ್ದಾರೆ.

        ಕೆ ಪೋನ್ ಸರ್ಕಾರಿ ಸ್ವಾಮ್ಯದ ಫೈಬರ್ ಆಪ್ಟಿಕ್ ನೆಟ್‍ವರ್ಕ್ ಆಗಿದೆ. ಸರ್ಕಾರಿ ಸಂಸ್ಥೆಗಳು, ಶಾಲೆಗಳು ಮತ್ತು ಬಡ ಕುಟುಂಬಗಳಿಗೆ ಉಚಿತ ಇಂಟರ್ನೆಟ್ ವ್ಯವಸ್ಥೆ  ಒದಗಿಸಲು ಸರ್ಕಾರ ಉದ್ದೇಶಿಸಿದೆ. ಮುಂದಿನ ಜುಲೈ ವೇಳೆಗೆ ರಾಜ್ಯವ್ಯಾಪಿ ಕಾರ್ಯಾಚರಣೆ ಪ್ರಾರಂಭವಾಗಲಿದೆ.

        ಮೊದಲ ಹಂತದಲ್ಲಿ ತಿರುವನಂತಪುರ, ಕೊಲ್ಲಂ, ಆಲಪ್ಪುಳ, ಪತ್ತನಂತಿಟ್ಟು, ಎರ್ನಾಕುಳಂ, ತ್ರಿಶೂರ್ ಮತ್ತು ಪಾಲಕ್ಕಾಡ್ ಜಿಲ್ಲೆಗಳಲ್ಲಿನ 1,000 ಸರ್ಕಾರಿ ಕಚೇರಿಗಳನ್ನು ಕೆ-ಪೋನ್ ನೆಟ್‍ವರ್ಕ್ ಮೂಲಕ ಅಂತರ್ಜಾಲಕ್ಕೆ ಸಂಪರ್ಕಿಸಲಾಗುವುದು ಎಂದು ವರದಿಯಾಗಿದೆ. ಎಲ್ಲಾ ಜಿಲ್ಲೆಗಳಲ್ಲಿ ಕಾರ್ಯನಿರ್ವಹಿಸುತ್ತಿರುವ ನೆಟ್‍ವರ್ಕ್ ಕೇಂದ್ರಗಳ ಜೊತೆಗೆ, ಚಟುವಟಿಕೆಗಳನ್ನು ಸಂಘಟಿಸಲು ಕೊಚ್ಚಿ ಇನ್ಫೋಪಾರ್ಕ್‍ನಲ್ಲಿ ವಿಶೇಷ ಕಚೇರಿ ಇದೆ.

      ಕೆ-ಪೋನ್ ನೇರವಾಗಿ ಮನೆಗಳಿಗೆ ಇಂಟರ್ನೆಟ್ ನ್ನು ತಲುಪಿಸುವುದಿಲ್ಲ. ಕೇಬಲ್ ಆಪರೇಟರ್‍ಗಳು ಸೇರಿದಂತೆ ಸ್ಥಳೀಯರು ಮನೆಗಳಿಗೆ ಇಂಟರ್ನೆಟ್ ಸೇವೆಯನ್ನು ಒದಗಿಸಲು ಕೆ-ಪೋನ್ ನೆಟ್‍ವರ್ಕ್ ಬಳಸಬಹುದು. ಸಂಪೂರ್ಣ ಸರ್ಕಾರಿ ಸ್ವಾಮ್ಯದ ಆಪ್ಟಿಕಲ್ ಫೈಬರ್ ನೆಟ್‍ವರ್ಕ್ ಸ್ಥಾಪನೆಯೊಂದಿಗೆ, ಈ ವಲಯದಲ್ಲಿ ಸ್ಪರ್ಧೆಯು ಹೆಚ್ಚಾಗುತ್ತದೆ ಮತ್ತು ಇಂಟರ್ನೆಟ್ ದರಗಳು ಕುಸಿಯುವ ನಿರೀಕ್ಷೆಯಿದೆ. ವಿಶಿಷ್ಟವಾದ ಮನೆ ಇಂಟರ್ನೆಟ್(ಹೌಸ್ ಜಾಲತಾಣ) ಸಂಪರ್ಕದ ವೆಚ್ಚವನ್ನು ಸೇವಾ ಪೂರೈಕೆದಾರರು ನಿಗದಿಪಡಿಸಿದ್ದಾರೆ. ಆದರೆ ಶಾಲೆಗಳು ಮತ್ತು ಸರ್ಕಾರಿ ಸಂಸ್ಥೆಗಳಿಗೆ ಯಾವ ಕಂಪನಿ ಇಂಟರ್ನೆಟ್ ಸೇವೆಗಳನ್ನು ಒದಗಿಸುತ್ತದೆ ಎಂಬುದು ಸ್ಪಷ್ಟವಾಗಿಲ್ಲ.