ಕೆ.ಎಸ್.ಆರ್.ಟಿ.ಸಿ.ಯಲ್ಲಿ ಮುಗಿಯದ ಸಮಸ್ಯೆ -ಕಾರ್ಮಿಕ ಸಂಘಗಳೊಂದಿಗೆ ಸರ್ಕಾರದ ಮಾತುಕತೆ ವಿಫಲ

                    

         ತಿರುವನಂತಪುರ: ಕೆ.ಎಸ್.ಆರ್.ಟಿ.ಸಿ.ಯಲ್ಲಿನ ಸಮಸ್ಯೆಗಳನ್ನು ಪರಿಹರಿಸಲು ಕಾರ್ಮಿಕ ಸಂಘಗಳೊಂದಿಗೆ ಸರ್ಕಾರ ನಡೆಸಿದ ಮಾತುಕತೆ ವಿಫಲವಾಗಿದೆ. ನೌಕರರ ವೇತನ ಸುಧಾರಣೆಯನ್ನು ತಕ್ಷಣ ಜಾರಿಗೆ ತರಲಾಗುವುದಿಲ್ಲ. ಕೆ ಸ್ವಿಫ್ಟ್ ಯೋಜನೆಯ ಅನುಷ್ಠಾನಕ್ಕೆ ಸಂಬಂಧಿಸಿದಂತೆ ಸಭೆಯಲ್ಲಿ ಯಾವುದೇ ನಿರ್ಧಾರ ತೆಗೆದುಕೊಳ್ಳಲಾಗಿಲ್ಲ.

        ಕೆ ಸ್ವಿಫ್ಟ್ ಯೋಜನೆಯನ್ನು ಜಾರಿಗೆ ತರಲು ಮತ್ತು ವೇತನ ಸುಧಾರಣೆಗೆ ಸರ್ಕಾರ ಟ್ರೇಡ್ ಯೂನಿಯನ್ ನಾಯಕರ ಸಭೆಯೊಂದನ್ನು ನಿನ್ನೆ  ಕರೆದಿತ್ತು. ಆದರೆ ಸಭೆಯಲ್ಲಿ ಯಾವುದೇ ಪರಿಣಾಮಕಾರಿ ನಿರ್ಧಾರ ತೆಗೆದುಕೊಳ್ಳಲಾಗಿಲ್ಲ. ಚರ್ಚೆಯ ಸಮಯದಲ್ಲಿ, ಬಿಎಂಎಸ್ ಮತ್ತು ಟಿಡಿಎಫ್ ಕೆ.ಎಸ್.ಆರ್.ಟಿ.ಯನ್ನು ಖಾಸಗೀಕರಣಗೊಳಿಸಲು ಸರ್ಕಾರ ಪ್ರಯತ್ನಿಸುತ್ತಿದೆ ಎಂದು ಹೇಳಿದರು. ಯೂನಿಯನ್ ಪ್ರತಿನಿಧಿಗಳ ಪ್ರಕಾರ, ಕೆ.ಎಸ್.ಆರ್.ಟಿ.ಸಿ ಎಂಡಿ ಮತ್ತು ಸರ್ಕಾರ ಈ ನಿರ್ಧಾರವನ್ನು ತೆಗೆದುಕೊಂಡಿದೆ. ವೇತನ ಸುಧಾರಣೆಯನ್ನು ಜಾರಿಗೆ ತರಲು ಹಣವಿಲ್ಲ ಎಂದು ಸಭೆಯಲ್ಲಿ ಹಣಕಾಸು ಸಚಿವರು ಉತ್ತರಿಸಿದರು.

           ವಜಾಗೊಳಿಸಿದ ತಾತ್ಕಾಲಿಕ ಉದ್ಯೋಗಿಗಳನ್ನು ಖಾಯಂಗೊಳಿಸಲು ಕೆ ಸ್ವಿಫ್ಟ್ ಅನ್ನು ಸ್ವತಂತ್ರ ಕಂಪನಿಯನ್ನಾಗಿ ಮಾಡಬೇಕೆಂದು ಎಂಡಿ ಸಭೆಯಲ್ಲಿ ನಿರ್ಧರಿಸಿದರು. ವೇತನ ಕಡತವನ್ನು ಹಣಕಾಸು ಸಚಿವರು ಜನವರಿಯಲ್ಲಿ ಪರಿಶೀಲಿಸಿರುವರು.  ಸ್ವಿಫ್ಟ್ ವಿಷಯವನ್ನು ಮತ್ತಷ್ಟು ಚರ್ಚಿಸಬಹುದೆಂದು ಸರ್ಕಾರದ ಅಭಿಪ್ರಾಯವಿದೆ. ಇದೇ ವೇಳೆ ಕೆ.ಎಸ್.ಆರ್.ಟಿ.ಸಿಗೆ ಪ್ರಯೋಜನಕಾರಿಯಾದ ಯಾವುದೇ ನಿರ್ಧಾರಗಳಿಗೆ ಸ್ವಾಗತ ಎಂದು ಸಿಐಟಿಯು ಹೇಳಿದೆ.