ಡಾಲರ್ ಕಳ್ಳಸಾಗಣೆ ಪ್ರಕರಣ; ಎಂ ಶಿವಶಂಕರ್ ಜಾಮೀನು ಅರ್ಜಿ ಬುಧವಾರಕ್ಕೆ ಮುಂದೂಡಿಕೆ

        ಕೊಚ್ಚಿ: ಡಾಲರ್ ಕಳ್ಳಸಾಗಣೆ ಪ್ರಕರಣದಲ್ಲಿ  ಸಿ.ಎಂ. ರ‌ ಮಾಜಿ ಪ್ರಧಾನ ಕಾರ್ಯದರ್ಶಿ ಎಂ.ಶಿವಶಂಕರ್ ಅವರ ಜಾಮೀನು ಅರ್ಜಿಯ ತೀರ್ಪನ್ನು ಬುಧವಾರಕ್ಕೆ ಮುಂದೂಡಲಾಗಿದೆ. 

      ಕಸ್ಟಮ್ಸ್ ಮತ್ತು ಇಡಿ ಚಿನ್ನ ಕಳ್ಳಸಾಗಣೆ ಪ್ರಕರಣದಲ್ಲಿ ಈ ಹಿಂದೆ ಜಾಮೀನು ಪಡೆದಿದ್ದ ಶಿವಶಂಕರ್ ಡಾಲರ್ ಕಳ್ಳಸಾಗಣೆ ಪ್ರಕರಣದಲ್ಲಿ ಜಾಮೀನಿನ ಮೇಲೆ ಬಿಡುಗಡೆಯಾಗುವ ಸಾಧ್ಯತೆಯಿದೆ.

      ಆರ್ಥಿಕ ಅಪರಾಧಗಳಿಗೆ ಸಂಬಂಧಿಸಿದ ಹೆಚ್ಚುವರಿ ಸಿಜೆಎಂ ನ್ಯಾಯಾಲಯವು ಈ ಅರ್ಜಿಯನ್ನು ಆಲಿಸಿದೆ. ತನಗೆ ಡಾಲರ್ ಕಳ್ಳಸಾಗಣೆಗೆ ಯಾವುದೇ ಸಂಬಂಧವಿಲ್ಲ ಮತ್ತು ಅಲ್ಲದೆ ತನ್ನ ವಿರುದ್ಧ ಯಾವುದೇ ಪುರಾವೆಗಳನ್ನು ಸಲ್ಲಿಸಲು ಸಾಧ್ಯವಾಗಿಲ್ಲ ಎಂದು ಶಿವಶಂಕರ್ ವಾದಿಸಿದ್ದರು.

       ಬಂಧನದಲ್ಲಿದ್ದಾಗ ಆರೋಪಿಗಳು ನೀಡಿದ ಹೇಳಿಕೆಗಳು ಮಾತ್ರ ತನ್ನ ವಿರುದ್ಧವಿರುವ ಹೇಳಿಕೆಗಳಾಗಿವೆ ಎಂದು ಶಿವಶಂಕರ್ ವಾದಿಸಿದ್ದಾರೆ. ಕಳ್ಳಸಾಗಣೆ ದಂಧೆಯಲ್ಲಿ ಶಿವಶಂಕರ್ ಮುಖ್ಯ ಕೊಂಡಿಯಾಗಿದ್ದು, ಡಾಲರ್ ಹಗರಣದಲ್ಲಿ ಶಿವಶಂಕರ್ ವಿರುದ್ಧ ಬಲವಾದ ಪುರಾವೆಗಳಿವೆ ಎಂದು ಕಸ್ಟಮ್ಸ್ ಬಲವಾಗಿ ಪ್ರತಿಪಾದಿಸಿದೆ.