ರಾಜ್ಯದ ವ್ಯಕ್ತಿಗಳಿಗೆ ವಿಶೇಷ ಪಡಿತರ ಚೀಟಿ: ಸನ್ಯಾಸಿಗಳು ಮತ್ತು ಆಶ್ರಮ ವಾಸಿಗಳಿಗೂ ಐದನೇ ವಿಭಾಗದ ಪಡಿತರ ಚೀಟಿ ಜಾರಿ

                 

         ತಿರುವನಂತಪುರ: ರಾಜ್ಯದ ವ್ಯಕ್ತಿಗಳಿಗೆ ಮಾತ್ರ ವಿಶೇಷ ಪಡಿತರ ಚೀಟಿ ಜಾರಿಗೆ ಬರಲಿದೆ ಎಂಬ ಸೂಚನೆಗಳಿವೆ. ಇದರ ಜೊತೆಗೆ ಸನ್ಯಾಸಿಗಳಿಗೆ ಮತ್ತು ಆಶ್ರಮಗಳಲ್ಲಿರುವ ಅನಾಥರಿಗಿಗೆ ಐದನೇ ವರ್ಗದ ಪ್ರತ್ಯೇಕ ಪಡಿತರ ಚೀಟಿ ಬರಲಿದೆ ಎನ್ನಲಾಗಿದೆ. ಹೊಸ ರೇಶನ್ ಕಾರ್ಡಿನ ಬಣ್ಣ ಮತ್ತು ಪಡಿತರವನ್ನು ನಿರ್ಧರಿಸಲು ನಾಗರಿಕ ಸರಬರಾಜು ನಿರ್ದೇಶಕರಿಗೆ ಸೂಚನೆ ನೀಡಲಾಗಿದೆ.

           ಸರ್ಕಾರೇತರ ವೃದ್ಧಾಶ್ರಮಗಳು, ಮಠಾಧಿಪತಿ/ಸನ್ಯಾಸಿಗಳು, ಆಶ್ರಮಗಳು, ದತ್ತಿ ಮತ್ತು ಕಲ್ಯಾಣ ಸಂಸ್ಥೆಗಳಲ್ಲಿ ವಾಸಿಸುವ ಅನಾಥರಿಗೆ ಈ ಕಾರ್ಡ್ ನೀಡಲಾಗುವುದು. ಹೊಸ ಕಾರ್ಡ್‍ಗೆ ಆಧಾರ್ ಮೂಲ ದಾಖಲೆಯಾಗಿದೆ. ಇದನ್ನು ಆದ್ಯತೆ ಅಥವಾ ಆದ್ಯತೆಯೇತರ ವರ್ಗವೆಂದು ಪರಿಗಣಿಸಲಾಗುವುದಿಲ್ಲ.

          ಪ್ರಸ್ತುತ ಕಲ್ಯಾಣ ಯೋಜನೆಯಲ್ಲಿ ಸೇರ್ಪಡೆಗೊಂಡಿರುವ ಮಠಗಳು, ಆಶ್ರಮಗಳು, ಆಸ್ಪತ್ರೆಗಳು ಇತ್ಯಾದಿಗಳ ವ್ಯಕ್ತಿಗಳಿಗೆ ಹೊಸ ಕಾರ್ಡ್ ನೀಡಲಾಗುವುದಿಲ್ಲ. ಅಸ್ತಿತ್ವದಲ್ಲಿರುವ ಮಾನದಂಡಗಳ ಪ್ರಕಾರ ಅವರಿಗೆ ಕಾರ್ಡ್ ನೀಡಲಾಗುತ್ತದೆ. ಕೇರಳಕ್ಕಿಂತ ಹೊರತಾಗಿ ಇತರೆಡೆ ಇರುವ ಕಾರ್ಡ್‍ಗಳನ್ನು ಹೊಂದಿರುವವರಿಗೆ ಹೊಸ ಕಾರ್ಡ್ ನೀಡಲಾಗುವುದಿಲ್ಲ. ಕಾರ್ಡ್ ವಿತರಿಸಲು ವಾಸ ಸ್ಥಳ/ನಿವಾಸದ ಪ್ರಮಾಣಪತ್ರದ ಬದಲಾಗಿ ಸಂಸ್ಥೆಯ ಮುಖ್ಯಸ್ಥರು ನೀಡುವ ಅಫಿಡವಿಟ್ ಅನ್ನು ಬಳಸಬಹುದು ಎನ್ನಲಾಗಿದೆ.