ಕಾಸರಗೋಡು-ಬಿ.ಸಿ.ರೋಡ್ ಕೆ.ಎಸ್.ಅರ್.ಟಿ.ಸಿ.ಪುನರಾರಂಭ



         ಕಾಸರಗೋಡು:: ಕೋವಿಡ್ ಲಾಕ್‌ಡೌನ್ ನಂತರ ಸ್ಥಗಿತಗೊಂಡಿದ್ದ ಕಾಸರಗೋಡು-ಬಿ.ಸಿ ಸಂಪರ್ಕದ ಕರ್ನಾಟಕ ರಸ್ತೆಸಾರಿಗೆ ನಿಗಮದ  ಬಸ್ ಶನಿವಾರದಿಂದ ಪುನರಾರಂಭಗೊಂಡಿದೆ. ಬಸ್ ಪ್ರತಿನಿತ್ಯ ಬೆಳಿಗ್ಗೆ 7 ಗಂಟೆಗೆ ಕಾಸರಗೋಡಿನಿಂದ ಹೊರಡುತ್ತದೆ. ಮಂಗಳೂರು ವಿಶ್ವವಿದ್ಯಾಲಯ, ಮುಡಿಪ್ಪು ಮತ್ತು ದೇರಳಕಟ್ಟೆ ಪ್ರದೇಶ ಸಹಿತ  ಇತರ ಉನ್ನತ ಶಿಕ್ಷಣ ಸಂಸ್ಥೆಗಳಿಗೆ ಪ್ರತಿದಿನ ಸಂಚರಿಸುವವರಿಗೆ ಪುನರಾರಂಭಗೊಂಡ  ಸೇವೆಯಿಂದ  ದೊಡ್ಡ ಪ್ರಯೋಜನವಾಗಲಿದೆ.

      ಸಾಮಾಜಿಕ ಕಾರ್ಯಕರ್ತ ಸಿದ್ದೀಕ್ ಅಲಿ ಮೊಗ್ರಾಲ್ ಮತ್ತು ಮಂಗಳೂರು ಸಾರಿಗೆ ಅಧಿಕಾರಿಗಳ ನಡುವಿನ ಮಾತುಕತೆಯ ಪರಿಣಾಮ  ಶನಿವಾರದಿಂದ ಈ ಸಂಚಾರ ಪುನರಾರಂಭಗೊಂಡಿದೆ ಎಂದು ಪುತ್ತೂರು ವಿಭಾಗೀಯ ಕಂಟ್ರೋಲರ್ ಜಯಕರ ಶೆಟ್ಟಿ ತಿಳಿಸಿದ್ದಾರೆ.