ತ್ರಿಕ್ಕರಿಪುರ ಮತ್ತು ಉದುಮದಲ್ಲಿ ಸ್ಥಾನ ಹಂಚಿಕೆ ವಿವಾದ: ಕಾಸರಗೋಡು ಡಿಸಿಸಿಯಲ್ಲಿ ಭಿನ್ನಮತ ಸ್ಫೋಟ:ಡಿಸಿಸಿ ಅಧ್ಯಕ್ಷ ಸಹಿತ 10 ಮಂದಿ ಸಾಮೂಹಿಕ ರಾಜಿನಾಮೆ!

             

        ಕಾಸರಗೋಡು: ಉದುಮಾ ಮತ್ತು ತ್ರಿಕ್ಕರಿಪುರ ಕ್ಷೇತ್ರಗಳಲ್ಲಿ ಅಭ್ಯರ್ಥಿಗಳ ಆಯ್ಕೆ ವಿವಾದಕ್ಕೆ ಸಂಬಂಧಿಸಿದಂತೆ ಕಾಸರಗೋಡು ಡಿಸಿಸಿಯಲ್ಲಿ ಭಿನ್ನಮತ ಸ್ಫೋಟಗೊಂಡಿದೆ.  ತ್ರಿಕ್ಕರಿಪುರ ಕ್ಷೇತ್ರವನ್ನು ಕೇರಳ ಕಾಂಗ್ರೆಸ್ ಜೋಸೆಫ್ ಗೆ ಹಸ್ತಾಂತರಿಸಿದ್ದರಿಂದ 10 ಡಿಸಿಸಿ ಪದಾಧಿಕಾರಿಗಳು ತಾವು ಜಿಲ್ಲಾ ನಾಯಕತ್ವದೊಂದಿಗೆ ಸಮಾಲೋಚನೆ ನಡೆಸಿಲ್ಲ ಮತ್ತು ಜಿಲ್ಲಾ ಡಿಸಿಸಿ ಅಧ್ಯಕ್ಷರು ಮತ್ತು ಇತರರನ್ನು ಉದುಮ ಸ್ಥಾನದಲ್ಲಿ ಪರಿಗಣಿಸಿಲ್ಲ ಎಂದು ಆರೋಪಿಸಿ ರಾಜೀನಾಮೆ ನೀಡಿದರು.

         ಡಿಸಿಸಿ ಅಧ್ಯಕ್ಷ ಹಕೀಮ್ ಕುನ್ನಿಲ್ ಕೂಡ ರಾಜೀನಾಮೆ ಘೋಷಿಸಿದ್ದಾರೆ. ನಾಯಕರು ಹಕೀಮ್ ನೇತೃತ್ವದಲ್ಲಿ ಸೇರಿದ ರಹಸ್ಯ ಸಭೆಯಲ್ಲಿ ಈ ನಿರ್ಧಾರ ಕೈಗೊಂಡರು ಎನ್ನಲಾಗಿದೆ. ಅಭ್ಯರ್ಥಿಯ ಘೋಷಣೆಯ ಬಳಿಕ ರಾಜೀನಾಮೆಯನ್ನು ಅಧಿಕೃತವಾಗಿ ಘೋಷಿಸುವ ನಿರೀಕ್ಷೆಯಿದೆ. ಜಿಲ್ಲೆಯ ಮೂರು ಸ್ಥಾನಗಳಲ್ಲಿ ಕಾಂಗ್ರೆಸ್ ಸ್ಪರ್ಧಿಸುತ್ತಿದೆ. ತ್ರಿಕ್ಕರಿಪುರ ಸ್ಥಾನದಲ್ಲಿ ಕಾಂಗ್ರೆಸ್ ವರ್ಷಗಳಿಂದ ಸ್ಪರ್ಧಿಸುತ್ತಿದೆ. ಜಿಲ್ಲಾ ನಾಯಕತ್ವವನ್ನು ಸಂಪರ್ಕಿಸದೆ ಈ ಸ್ಥಾನವನ್ನು ಕೇರಳ ಕಾಂಗ್ರೆಸ್ ನ ಜೋಸೆಫ್ ಬಣಕ್ಕೆ ಹಸ್ತಾಂತರಿಸಲಾಯಿತು. ಜಿಲ್ಲಾ ಮುಖಂಡರೊಂದಿಗೆ ಯಾವುದೇ ಸಮಾಲೋಚನೆ ಮಾಡದೆ ಅಭ್ಯರ್ಥಿಗಳ ಆಯ್ಕೆ ಮಾಡಲಾಗಿದೆ ಎಂದು ಕೆಪಿಸಿಸಿ ಮುಖಂಡ ಕೆ.ಪಿ.ಕುಂಞÂ್ಞ ಕಣ್ಣನ್ ಆರೋಪಿಸಿದ್ದಾರೆ.

       ಉದುಮ ಸ್ಥಾನಕ್ಕೆ ಡಿಸಿಸಿ ಅಧ್ಯಕ್ಷ ಹಕೀಮ್ ಕುನ್ನಿಲ್, ಕೆಪಿಸಿಸಿ ಕಾರ್ಯದರ್ಶಿಗಳಾದ ಬಾಲಕೃಷ್ಣನ್ ಪೆರಿಯ ಮತ್ತು ಕೆ. ನೀಲಕಂಠನ್ ಮತ್ತು ಯುವ ಕಾಂಗ್ರೆಸ್ ಜಿಲ್ಲಾಧ್ಯಕ್ಷ ಬಿ.ಪಿ.ಪ್ರದೀಪ್ ಕುಮಾರ್ ಅವರನ್ನು ಪರಿಗಣಿಸಲಾಗಿತ್ತು. ಆದರೆ, ಬಾಲಕೃಷ್ಣನ್ ಪೆರಿಯ ಅವರ ಹೆಸರನ್ನು ಮಾತ್ರ ಪರಿಗಣಿಸಲಾಗುತ್ತಿದೆ ಎಂಬ ಸುಳಿವು ದೊರೆತ ಬಳಿಕ 10 ಡಿಸಿಸಿ ಪದಾಧಿಕಾರಿಗಳು ಕೊನೆಯ ಗಳಿಗೆ ರಾಜೀನಾಮೆ ನೀಡಿದರು. ಉದುಮ ಸ್ಥಾನ ಸೇರಿದಂತೆ ಯಾವುದೇ ಸ್ಥಾನಗಳಲ್ಲಿ ಯಾವುದೇ ಸಮಾಲೋಚನೆ ನಡೆದಿಲ್ಲ ಎಂದು ಡಿಸಿಸಿ ಮುಖಂಡರು ಆರೋಪಿಸಿದ್ದಾರೆ.