ಚುನಾವಣಾ ಪಟ್ಟಿಯಲ್ಲಿ ಎರಡೆರಡು ಮತಗಳಿರುವ ಕುರಿತು ಜಿಲ್ಲಾಧಿಕಾರಿಗಳು ತನಿಖೆ ನಡೆಸುತ್ತಿರುವರು: ಟೀಕಾರಾಂ ಮೀನಾ

                        

           ತಿರುವನಂತಪುರ: ಮತದಾರರ ಪಟ್ಟಿಯಲ್ಲಿ ಎರಡೆರಡು ಅಕ್ರಮ ಮತಗಳಿರುವ ಪ್ರಕರಣಕ್ಕೆ ಸಂಬಂಧಿಸಿದಂತೆ ಎಲ್ಲಾ ಜಿಲ್ಲಾಧಿಕಾರಿಗಳು ಸಮಗ್ರ ಪರಿಶೀಲನೆ ನಡೆಸಲು ಸೂಚನೆ ನೀಡಲಾಗಿದೆ ಎಂದು ಮುಖ್ಯ ಚುನಾವಣಾ ಅಧಿಕಾರಿ ಟೀಕಾರಾಂ ಮೀನಾ ಹೇಳಿದರು. ಜಿಲ್ಲಾಧಿಕಾರಿಗಳು ಮಾರ್ಚ್ 30 ರವರೆಗೆ ಈ ಪರಿಶೀಲನೆಗಳನ್ನು ನಡೆಸಲು ಸೂಚಿಸಲಾಗಿದೆ. ಮತದಾನ ದ್ವಿಗುಣಗೊಳ್ಳಲು ಕಾರಣ ಸೇರಿದಂತೆ ವಿವರಗಳೊಂದಿಗೆ ಜಿಲ್ಲಾಧಿಕಾರಿಗಳು ಸಮಗ್ರ ಮಾಹಿತಿ ಸಂಗ್ರಹಿಸುತ್ತಿದೆ ಎಂದು ಆಯೋಗವು ಸ್ಪಷ್ಟಪಡಿಸಿತು.

           ಈ ಬಗ್ಗೆ ವಿವರವಾದ ಅಫಿಡವಿಟ್ ನ್ನು ಹೈಕೋರ್ಟ್‍ಗೆ ಸಲ್ಲಿಸಲಾಗುವುದು. ಪ್ರಸ್ತುತ ಪರಿಶೀಲನೆಗಳ ವಿವರಗಳನ್ನು ಇರೊನೆಟ್ ಸಾಫ್ಟ್‍ವೇರ್ ಸಹ ಒದಗಿಸುತ್ತದೆ. ಪ್ರತಿಪಕ್ಷದ ನಾಯಕ ಎರಡೆರಡು ಅಕ್ರಮ ಮತಗಳಿರುವ ಬಗ್ಗೆ ಕ್ರಮಕ್ಕಾಗಿ ಮನವಿಯನ್ನು ಸಲ್ಲಿಸಿದ್ದರು. ಈ ಹಿನ್ನೆಲೆಯಲ್ಲಿ ಹೈಕೋರ್ಟ್ ಚುನಾವಣಾ ಆಯೋಗದಿಂದ ವಿವರಣೆಯನ್ನು ಕೋರಿದೆ. ಅರ್ಜಿಯನ್ನು ಸೋಮವಾರ ಮತ್ತೆ ಕೈಗೆತ್ತಿಕೊಳ್ಳಲಾಗುವುದು. ಇದಕ್ಕೂ ಮೊದಲು, ಆಯೋಗವು ವಿವರವಾದ ಅಫಿಡವಿಟ್ ಪಡೆಯಲು ಮುಂದಾಯಿತು.