ತರಗತಿಗಳಿಲ್ಲದೆ ಸಂಸ್ಕøತ ವಿದ್ಯಾರ್ಥಿವೇತನ ಪರೀಕ್ಷೆಗೆ ಸಿದ್ಧತೆ: ಒಂದರಿಂದ ನಾಲ್ಕನೇ ತರಗತಿಗಳಿಗೆ ಪರೀಕ್ಷೆ!

                        

               ಕೊಚ್ಚಿ: ಯಾವುದೇ ತರಗತಿಗಳು ನಡೆಯದಿದ್ದರೂ  ಸಂಸ್ಕೃತ ವಿದ್ಯಾರ್ಥಿವೇತನ ಪರೀಕ್ಷೆಗೆ ಸಿದ್ಧತೆಗಳು ಪ್ರಾರಂಭವಾಗಿವೆ. ಒಂದರಿಂದ ನಾಲ್ಕನೇ ತರಗತಿಗಳ ಮಕ್ಕಳಿಗೆ ಈ ಪರೀಕ್ಷೆಗಳು ನಡೆಯಲಿವೆ. ಪ್ರಾಥಮಿಕ ಶಾಲೆಗಳಿಗೆ ಪರೀಕ್ಷೆಗೆ ಹಾಜರಾಗುವ ವಿದ್ಯಾರ್ಥಿಗಳ ವಿವರಗಳನ್ನು ಮಾರ್ಚ್ 15 ರ ಮೊದಲು ಕಳುಹಿಸುವಂತೆ ನಿರ್ದೇಶಿಸಲಾಗಿದೆ.

         ಪರೀಕ್ಷೆಯಲ್ಲಿ ಪಠ್ಯಕ್ರಮದ ವಿಷಯಗಳನ್ನು ಕೇಳಲಾಗುವುದಾದರೂ, ಈ ಬಾರಿ ವಿದ್ಯಾರ್ಥಿಗಳಿಗೆ ಈ ವರ್ಷದ ಪಾಠಗಳೊಂದಿಗೆ ಯಾವುದೇ ಸಂಬಂಧವಿಲ್ಲದೆ ಪರೀಕ್ಷೆ ನಡೆಸಲಾಗುವುದು ಎನ್ನಲಾಗಿದೆ. ಎಲ್ಪಿ ಯಲ್ಲಿ ಸಂಸ್ಕೃತ ತರಗತಿಗಳು ವಿಕ್ಟರ್ಸ್ ಚಾನೆಲ್‍ನಲ್ಲಿ ಪ್ರಸಾರವಾಗಿರಲಿಲ್ಲ. ಐದರಿಂದ ಏಳನೇ ತರಗತಿಗಳಲ್ಲಿ ಕೆಲವು ಆನ್‍ಲೈನ್ ತರಗತಿಗಳು ಇದ್ದವು.

        ವಿದ್ಯಾರ್ಥಿವೇತನ ಮೊತ್ತವು ಎಲ್‍ಪಿ ಯಲ್ಲಿ 100 ರೂ ಮತ್ತು ಯುಪಿಯಲ್ಲಿ 300 ರೂ.ಇರುತ್ತವೆ. ಉಪ ಜಿಲ್ಲೆಯೊಂದರಲ್ಲಿ ಎಲ್‍ಪಿ ಯಲ್ಲಿ ಒಂದು ತರಗತಿಗೆ 10 ಮತ್ತು ಯುಪಿಯಲ್ಲಿ 15 ವಿದ್ಯಾರ್ಥಿಗಳನ್ನು ಆಯ್ಕೆ ಮಾಡಲಾಗಿದೆ.