ತಿರುವನಂತಪುರ: ಟಿಕೆಟ್ ರಹಿತ ಆದಾಯವನ್ನು ಹೆಚ್ಚಿಸಲು ಕೆಎಸ್‍ಆರ್‍ಟಿಸಿ ಹೊಸ ಯೋಜನೆಯನ್ನು ತಂದಿದೆ. ಮುಂಬರುವ ವಿಧಾನಸಭಾ ಚುನಾವಣೆಯಲ್ಲಿ ಸ್ಪರ್ಧಿಸುವ ಅಭ್ಯರ್ಥಿಗಳು ಕೆ.ಎಸ್.ಆರ್.ಟಿ.ಸಿ ಬಸ್‍ಗಳಲ್ಲಿ ಜಾಹೀರಾತು ನೀಡಬಹುದು. ರಾಜ್ಯದ ಚುನಾವಣೆಗಳು ಹತ್ತಿರವಾಗುತ್ತಿದ್ದಂತೆ ಈ ನಿರ್ಧಾರ ಪ್ರಕಟಿಸಲಾಗಿದೆ.
ಬಸ್ ಜಾಹೀರಾತಿಗೆ ಶುಲ್ಕ ತಿಂಗಳಿಗೆ 12,600 ರೂ.ಪಾವತಿಸಬೇಕಾಗುತ್ತದೆ. ಮಧ್ಯವರ್ತಿಗಳಿಲ್ಲದೆ ನೇರವಾಗಿ ಜಾಹೀರಾತು ನೀಡಲು ಸಹ ಸಾಧ್ಯವಿದೆ. ಟಿಕೆಟ್ ರಹಿತ ಆದಾಯವನ್ನು ಹೆಚ್ಚಿಸುವ ಉದ್ದೇಶದಿಂದ ಕೆಎಸ್‍ಆರ್‍ಟಿಸಿ ಈ ನಿರ್ಧಾರ ಕೈಗೊಂಡಿದೆ. ಲಾಕ್ ಡೌನ್‍ನಿಂದ, ಕೆಎಸ್‍ಆರ್‍ಟಿಸಿಯ ಆರ್ಥಿಕ ಹೊಣೆಗಾರಿಕೆಗಳು ಹೆಚ್ಚಿವೆ. ಬಿಕ್ಕಟ್ಟಿನಿಂದ ಚೇತರಿಸಿಕೊಳ್ಳುವ ಪ್ರಯತ್ನಗಳ ಭಾಗವಾಗಿ ಈ ನಿರ್ಧಾರ ಕೈಗೊಳ್ಳಲಾಗಿದೆ.
ಈ ಹಿಂದೆ, ಬಳಕೆಯಲ್ಲಿಲ್ಲದ ಕೆಎಸ್‍ಆರ್‍ಟಿಸಿ ಬಸ್‍ಗಳನ್ನು ಫುಡ್ ಕೋರ್ಟ್ ಮತ್ತು ಲಾಜಿಸ್ಟಿಕ್ಸ್ ಸೇವೆಗಳಿಗೆ ಬಳಸಲಾಗುತ್ತಿತ್ತು. ಮುನ್ನಾರ್ ಸೇರಿದಂತೆ ಇತರ ಸ್ಥಳಗಳಲ್ಲಿ ಬಸ್ ಗಳನ್ನು ಮಾರ್ಪಡಿಸಿ ಮೊಬೈಲ್ ಹೋಟೆಲ್ ಗಳಾಗಿ ಬಳಸಲಾಗುತ್ತಿದೆ.
DOCTYPE html>
