ಯೆಚೂರಿಯ ಅಸ್ವಸ್ಥತೆ; ಮತ್ತು ಸಿಪಿಎಂ

         ರಾಜಕೀಯ, ಚುನಾವಣೆ, ಮತಗಳು ಮುಖ್ಯ ರಾಜಕೀಯ ನೇತಾರರ ಉಸಿರು. ಅದು ಸರಿ. ಆದರೆ ಇಷ್ಟೋಂದು ಗತಿಗೇಡಿತನ ಇರುವ ಇನ್ನೊಂದು ಪಕ್ಷ ಇದೆಯೇ ಎಂಬ ಅನುಮಾನವಿದೆ. ಭಾರತದ ಅತಿದೊಡ್ಡ ಕಾರ್ಮಿಕ ವರ್ಗದ ಕ್ರಾಂತಿಕಾರಿ ಪಕ್ಷವೆಂದು ಹೇಳಿಕೊಳ್ಳುವ ಸಿಪಿಎಂನ ಪ್ರಧಾನ ಕಾರ್ಯದರ್ಶಿ ಸೀತಾರಾಮ್ ಯೆಚೂರಿ ಅವರಂತೆಯೇ ಬಳಲುತ್ತಿರುವ ಪಕ್ಷದ ಮತ್ತೊಬ್ಬ ನಾಯಕರು ಇದ್ದಾರೆಯೇ ಎಂಬ ಅನುಮಾನಕ್ಕೆ ಕಾರಣವಾಗಿದೆ. ಅವರು ವಿಶೇಷ ಇಬ್ಬಗೆ ಮನೋಸ್ಥಿತಿಯಲ್ಲಿರುವುದು ಖಂಡಿತವೆಂದೇ ಹೇಳಬೇಕು. ಕೇರಳಕ್ಕಿಂತ ಹೊರಗೆ ರಾಹುಲ್ ಕಿ ಜೈ ಎಂದು ಹೇಳುತ್ತಿರುವ ಅವರು ಕೇರಳಕ್ಕೆ ಆಗಮಿಸಿದೊಡನೆ ರಾಹುಲ್ ಅವರ ಪಕ್ಷಕ್ಕೆ ಮತ ಚಲಾಯಿಸಬಾರದು ಎಂಬ ಹೇಳಿಕೆ ನೀಡಬೇಕಾಗುತ್ತಿರುವುದು ದುರ್ದೈವ! 

          ಮೂರು ದಶಕಗಳ ಆಡಳಿತದ ಬಳಿಕ ಬಂಗಾಳದ ಪಕ್ಷದ ಕಚೇರಿಗಳು ಈಗ ದುಸ್ಥಿತಿಯಲ್ಲಿವೆ. ಅಲ್ಲಿಯ ಕಾರ್ಯಕರ್ತರು ದಿಕ್ಕೆಟ್ಟಿದ್ದಾರೆ. ತೃಣಮೂಲ ಕಾಂಗ್ರೆಸ್ ನ್ನು ವಿರೋಧಿಸಬೇಕಾದರೆ, ಸಿಪಿಎಂ ಈಗ ಮಾನಸಿಕವಾಗಿ ಬಿಜೆಪಿಯೊಂದಿಗೂ ರಾಜಕೀಯವಾಗಿ ಕಾಂಗ್ರೆಸ್ಸ್ ನೊಂದಿಗೂ ಮೈತ್ರಿ ಮಾಡಿಕೊಂಡಿದೆ. ಚುನಾವಣಾ ಪ್ರಚಾರಕ್ಕಾಗಿ ಬಂಗಾಳಕ್ಕೆ ಬರುತ್ತಿರುವ ಯೆಚೂರಿ ಮಾನಸಿಕತೆಯನ್ನು ಬದಿಗೊತ್ತಿ ಕಾಂಗ್ರೆಸ್ ಜೊತೆ ಕೆಲಸ ಮಾಡುತ್ತಿದ್ದಾರೆ.

         ಬಂಗಾಳದಿಂದ ತಮಿಳುನಾಡಿಗೆ ಬಂದಾಗ ಪರಿಸ್ಥಿತಿ ಭಿನ್ನವಾಗಿಲ್ಲ. ಸಿಪಿಎಂ ಡಿಎಂಕೆ-ಕಾಂಗ್ರೆಸ್ ಜೊತೆಯಾಗಿವೆ. ಕಾಂಗ್ರೆಸ್ ಪರವಾಗಿ ಮತ ಚಲಾಯಿಸುವಂತೆ ಯೆಚೂರಿ ಪ್ರಾಮಾಣಿಕವಾಗಿ ತಮಿಳು ಮಕ್ಕಳನ್ನು ಕೇಳುತ್ತಿದ್ದಾರೆ. ರಾಹುಲ್ ಕಿ ಜೈ ಮತ್ತು ಸೋನಿಯಾ ಗಾಂಧಿ ಕಿ ಜೈ ಮುಂತಾದ ಘೋಷಣೆಗಳನ್ನು ಜಪಿಸಬೇಕು. ಇದೆಲ್ಲದರ ಬಳಿಕ  ವಾಳಯಾರ್ ಗಡಿ ದಾಟಿ ಕೇರಳ ತಲುಪಿದಾಗ ಪರಿಸ್ಥಿತಿ ಬದಲಾಯಿತು. ಇಲ್ಲಿ ಕೆಲಸವೆಂದರೆ ರಾಹುಲ್ ಪಕ್ಷವನ್ನು ವಿರೋಧಿಸುವುದು. ಕಾಂಗ್ರೆಸ್-ಬಿಜೆಪಿ ಮೈತ್ರಿಕೂಟದ ಮೇಲೂ ಆರೋಪ ಮಾಡಬೇಕು. ತಮಿಳುನಾಡಿನಿಂದ ರಾಹುಲ್ ಕಿ ಜೈ ಎಂಬ ಧ್ವನಿ ಆಂತರ್ಯದಿಂದ ಅಚಾನಕ್ ಆಗಿ ಹೊರಹೊಮ್ಮಿದರೆ ವಿಶ್ವಾಸ,ಗೌರವ ಕೆಡುತ್ತದೆ. 

         ಇಂತಹ ಜಟಿಲತೆಯ ಮಧ್ಯೆ ಯೆಚೂರಿಯವರ ಮನೋಸ್ಥಿತಿಯ ಕಾಪಿಡುವಿಕೆ ಕಳವಳಕಾರಿ. ಅಧಿಕಾರದಲ್ಲಿದ್ದ ಬಂಗಾಳ ಮತ್ತು ತ್ರಿಪುರಗಳು ಹಿಂದೆಂದಿಗಿಂತಲೂ ಈಗ ಹೀನಾಯವಾಗಿದೆ. ಉಳಿದಿರುವುದು ಕೇರಳ. ಇಲ್ಲಿ ಚಿನ್ನ ಕಳ್ಳಸಾಗಣೆ, ಡಾಲರ್ ಕಳ್ಳಸಾಗಣೆ ಮತ್ತು ಇತರ ಹಗರಣಗಳು ಭರದಿಂದ ಸಾಗಿವೆ. ಅದನ್ನು ತಡೆಯಲು ಎಲ್ಲಾ ಪ್ರಯತ್ನಗಳ ಹೊರತಾಗಿಯೂ ಬಿಜೆಪಿ ಇನ್ನೂ ನಿರ್ಣಾಯಕ ಶಕ್ತಿಯಾಗಿ ಹೊರಹೊಮ್ಮುತ್ತಿದೆ. ಆದಾಗ್ಯೂ, ಭವಿಷ್ಯದಲ್ಲಿ ಕೇರಳದಲ್ಲೂ ಕಾಂಗ್ರೆಸ್ ಫ್ಯಾಸಿಸ್ಟರ ಜೊತೆ ಮೈತ್ರಿ ಮಾಡಿಕೊಳ್ಳಬೇಕಾಗುತ್ತದೆ ಎಂಬ ಆತಂಕಗಳು ಯೆಚೂರಿ ಮನದಲಲಿದ್ದಂತಿದೆ. 

         ಕೇರಳದ ನಾಯಕರು ಹೇಗಾದರೂ ಸುರಕ್ಷಿತ ವಲಯದಲ್ಲಿದ್ದಾರೆ. ಪಿಣರಾಯಿ ವಿಜಯನ್, ಕೊಡಿಯೇರಿ ಬಾಲಕೃಷ್ಣನ್, ಎ ವಿಜಯರಾಘವನ್ ಅಥವಾ ಥಾಮಸ್ ಐಸಾಕ್ ಅವರು ಬೇರೆಲ್ಲಿಯೂ ಪ್ರಚಾರ ಮಾಡುವ ಅಗತ್ಯವಿಲ್ಲ. ಆದ್ದರಿಂದ, ಯಾವುದೇ ಗಾಬರಿಗಳಿಲ್ಲ. ಇಲ್ಲಿ ಕಾಂಗ್ರೆಸ್ ನ್ನು ದೂಷಿಸಲು ತೊಂದರೆಯಾಗದು. ಇತರ ರಾಜ್ಯಗಳಲ್ಲಿ ಕಾಂಗ್ರೆಸ್ ಜೊತೆ ಮೈತ್ರಿ ಮಾಡಿಕೊಳ್ಳುವ ಬಗ್ಗೆ ಇಲ್ಲಿ ಮೌನ ಇರಬಹುದು. ಪ್ರಬುದ್ಧ ಜನರು ಕೇಳುತ್ತಾರೆ. ಏಕೆಂದರೆ ಇದು ಕೇರಳ!