ಕೇರಳ ಮಾತ್ರವಲ್ಲ ಬಂಗಾಳದ ಐಟಿ ಇಲಾಖೆಗೂ ಸ್ವಪ್ನಾ ತಲೆನೋವು-ಪೂರ್ಣ ವಿವರಗಳನ್ನು ಕೇಳಿ ಪತ್ರ

                  

          ತಿರುವನಂತಪುರ: ಚಿನ್ನ ಕಳ್ಳಸಾಗಣೆ ಪ್ರಕರಣದ ಮುಖ್ಯ ಆರೋಪಿ ಸ್ವಪ್ನಾ ಸುರೇಶ್ ಇದೀಗ ಕೇರಳ ಮಾತ್ರವಲ್ಲದೆ ಬಂಗಾಳದ ಐಟಿ ಇಲಾಖೆಗೂ ತಲೆನೋವು ತಂದೊಡ್ಡಿದೆ. ವಿವಾದಾತ್ಮಕ ಪ್ರೈಸ್ ವಾಟರ್ ಹೌಸ್ ಕೂಪರ್ಸ್ (ಪಿಡಬ್ಲ್ಯುಡಿ) ಸ್ವಾಪ್ನಾ ಅವರನ್ನು ನೇಮಿಸುವ ಮೂಲಕ ಬಂಗಾಳ ಸರ್ಕಾರದ ಟೆಂಡರ್ ಗೆದ್ದಿತ್ತು. ಇದರೊಂದಿಗೆ ಬಂಗಾಳ ಐಟಿ ಇಲಾಖೆ ಕೇರಳ ಸರ್ಕಾರಕ್ಕೆ ಪತ್ರವೊಂದನ್ನು ಕಳುಹಿಸಿ ಚಿನ್ನ ಕಳ್ಳಸಾಗಣೆಗೆ ಸಂಬಂಧಿಸಿದ ಎಲ್ಲಾ ಮಾಹಿತಿಯನ್ನು ಒದಗಿಸುವಂತೆ ಕೋರಿದೆ.

          ಟೆಂಡರ್ ನ್ನು ದೋಷರಹಿತವಾಗಿಸಲು ಮತ್ತು ಸರ್ಕಾರಕ್ಕೆ ಹಿನ್ನಡೆ ಉಂಟುಮಾಡುವ ಯಾವುದೇ ವಿವಾದಗಳಿಂದ ಪಾರಾಗಲು  ಈ ಪತ್ರವನ್ನು ಕಳುಹಿಸಲಾಗಿದೆ ಎಂದು ಅಧಿಕೃತ ವಿವರಣೆ ಹೊರಬಿದ್ದಿದೆ. ಬಂಗಾಳ ಐಟಿ ಇಲಾಖೆಯ ಅಧೀನದಲ್ಲಿರುವ ಪಶ್ಚಿಮ ಬಂಗಾಳ ಎಲೆಕ್ಟ್ರಾನಿಕ್ಸ್ ವರ್ಗ ಕೈಗಾರಿಕಾ ಅಭಿವೃದ್ಧಿ ನಿಗಮದ ಮೇಲ್ವಿಚಾರಣಾ ಘಟಕದ ಟೆಂಡರ್‍ನಲ್ಲಿ ಪಿಡಬ್ಲ್ಯೂಸಿ ಭಾಗವಹಿಸಿತ್ತು.

            ಸ್ವಪ್ನಾ ನೇಮಕಕ್ಕೆ ಸಂಬಂಧಿಸಿದ ವಿವಾದದ ಹಿನ್ನೆಲೆಯಲ್ಲಿ ಕೇರಳ ಸರ್ಕಾರ ಪಿಡಬ್ಲ್ಯುಸಿಯನ್ನು ಐಟಿ ಇಲಾಖೆಯ ಎಲ್ಲಾ ಯೋಜನೆಗಳಿಂದ ಎರಡು ವರ್ಷಗಳ ಕಾಲ ನಿಷೇಧಿಸಿತ್ತು. ಈ ಸುದ್ದಿಯನ್ನು ಅನುಸರಿಸಿ, ಬಂಗಾಳ ಸರ್ಕಾರ ಕೇರಳವನ್ನು ಸಂಪರ್ಕಿಸಿತು.

           ಕೇರಳ ನಿಷೇಧದ ವಿರುದ್ಧ ಪಿಡಬ್ಲ್ಯೂಸಿ ಸಲ್ಲಿಸಿದ್ದ ಅರ್ಜಿಯನ್ನು ಹೈಕೋರ್ಟ್ ಪರಿಗಣಿಸುತ್ತಿದೆ ಎಂದು ಐಟಿ ಇಲಾಖೆ ಬಂಗಾಳ ಸರ್ಕಾರಕ್ಕೆ ಉತ್ತರಿಸಿದೆ. ಕೇರಳದಲ್ಲಿ ಪಿಡಬ್ಲ್ಯೂಸಿಗಳ ಮೇಲಿನ ನಿಷೇಧವು ಇತರ ರಾಜ್ಯಗಳ ಮೇಲೆ ಪ್ರಭಾವ ಬೀರಲಿದೆ ಎಂದು ತಜ್ಞರು ಸೂಚಿಸಿದ್ದಾರೆ.