ಚುನಾವಣೆಯ ಸೋಗಿನಲ್ಲಿ ಕಾನೂನು ಬಾಹಿರ ವಂಚನೆ ಪತ್ತೆಗೆ ಕಟ್ಟುನಿಟ್ಟಿನ ಪರಿಶೀಲನೆಗೆ ಮುಂದಾದ ಕಸ್ಟಮ್ಸ್

            

         ಕೊಚ್ಚಿ: ವಿಧಾನಸಭಾ ಚುನಾವಣೆಯ ಹಿನ್ನೆಲೆಯಲ್ಲಿ ಕಸ್ಟಮ್ಸ್‍ನ ವಂಚನೆಗಳ ತಡೆಗಟ್ಟುವ ವಿಭಾಗವು ಕಠಿಣ ಪರಿಶೀಲನೆಗೆ ಸಿದ್ಧತೆ ನಡೆಸಿದೆ. ಚುನಾವಣೆಯ ಸೋಗಿನಲ್ಲಿ ಕಳ್ಳಸಾಗಣೆ ಸೇರಿದಂತೆ ಯಾವುದೇ ಚಟುವಟಿಕೆಗಳು ನಡೆಯುತ್ತಿದೆಯೇ ಎಂದು ಪರಿಶೀಲಿಸಲು ವಿಶೇಷ ತನಿಖಾ ತಂಡವನ್ನು ನೇಮಿಸಲಾಗಿದೆ.

       ವಿಧಾನಸಭಾ ಚುನಾವಣೆಯ ಸೋಗಿನಲ್ಲಿ ಅಕ್ರಮ ಕಳ್ಳಸಾಗಣೆ ನಿಗ್ರಹಕ್ಕೆ ಕಸ್ಟಮ್ಸ್ ತಡೆಗಟ್ಟುವ ವಿಭಾಗ ಸಿದ್ಧತೆ ನಡೆಸಿದೆ. ಇದಕ್ಕಾಗಿ ವಿಶೇಷ ಫ್ಲೈಯಿಂಗ್ ಸ್ಕ್ವಾಡ್‍ಗಳು ಮತ್ತು ಕಣ್ಗಾವಲು ತಂಡಗಳನ್ನು ರಚಿಸಲಾಗಿದೆ. ತನಿಖೆಯ ಸಮಯದಲ್ಲಿ ವಶಪಡಿಸಿಕೊಂಡ ಹಣ ಸೇರಿದಂತೆ ಇತರ ಕಾನೂನು ಬಾಹಿರ ಚಟುವಟಿಕೆಗಳ ಹಿಂದೆ ಯಾವುದಾದರೂ ರಾಜಕೀಯ ಪಕ್ಷಗಳ ಸಂಬಂಧವಿದೆಯೇ ಎಂದು ಪರಿಶೀಲಿಸಲು ತನಿಖಾ ತಂಡಕ್ಕೆ ನಿರ್ದೇಶಿಸಲಾಗಿದೆ.

            ಮೇಲ್ವಿಚಾರಣಾ ತಂಡದಲ್ಲಿ ಕಸ್ಟಮ್ಸ್ ಅಧೀಕ್ಷಕರು, ಇನ್ಸ್‍ಪೆಕ್ಟರ್, ಹೆಡ್ ಹವಿಲ್ದಾರ್ ಮತ್ತು ಹವಿಲ್ದಾರ್ ಅವರನ್ನೊಳಗೊಂಡ ಫ್ಲೈಯಿಂಗ್ ಸ್ಕ್ವಾಡ್ ಕೂಡ ಇರುತ್ತದೆ. ನೋಡಲ್ ಅಧಿಕಾರಿ ಜಂಟಿ ಆಯುಕ್ತ ಪ್ರಿಯಾಂಕ್ ಚತುರ್ವೇದಿಯಾಗಿರುತ್ತಾರೆ. ಮಾನಿಟರಿಂಗ್ ತಂಡವು ವಾಹನಗಳು, ಹಡಗುಗಳು, ಗೋದಾಮುಗಳು ಮತ್ತು ದೋಣಿಗಳನ್ನು ಪರಿಶೀಲಿಸುತ್ತದೆ. ಚಿನ್ನ ಮತ್ತು ಡಾಲರ್ ಕಳ್ಳಸಾಗಣೆ ಪ್ರಕರಣಗಳಲ್ಲಿ ಕಸ್ಟಮ್ಸ್ ವಿರುದ್ಧ ರಾಜಕೀಯ ನಡೆಗಳ ಹಿನ್ನೆಲೆಯಲ್ಲಿ ಕಸ್ಟಮ್ಸ್ ತಂಡ ಹೊಸ ಕ್ರಮಗಳತ್ತ ಮುಖ ಮಾಡಿದೆ.