ಉದ್ಯೋಗಿಗಳಿಗೆ ಕೋವಿಡ್; ನಷ್ಟದ ಮಧ್ಯೆ ಸೇವೆಗಳ ಸಂಖ್ಯೆಯನ್ನು ಅರ್ಧಕ್ಕೆ ಇಳಿಸಿದ ಕೆ.ಎಸ್.ಆರ್.ಟಿ.ಸಿ

                                    

            ತಿರುವನಂತಪುರ:ಸಿಬ್ಬಂದಿಗಳಲ್ಲಿ ಅನೇಕರಿಗೆ  ಕೋವಿಡ್ ಸೋಂಕು ಹಾಗೂ ಪ್ರಯಾಣಿಕರ ಸಂಖ್ಯೆಯಲ್ಲಿ ಗಣನೀಯ ಇಳಿಕೆ ಕಂಡುಬಂದ ಕಾರಣ ಕೆಎಸ್‍ಆರ್‍ಟಿಸಿ ಸೇವೆಗಳ ಸಂಖ್ಯೆಯನ್ನು ಅರ್ಧಕ್ಕೆ ಇಳಿಸಲಾಗಿದೆ.

              ತಿರುವನಂತಪುರ ವಲಯದಲ್ಲಿ ಕೋವಿಡ್ ಚಿಕಿತ್ಸೆ ಮತ್ತು ಸಂಪರ್ಕತಡೆಯಲ್ಲಿ 491 ಉದ್ಯೋಗಿಗಳಿದ್ದಾರೆ. ತಿರುವನಂತಪುರ ಮತ್ತು ಪತ್ತನಂತಿಟ್ಟು ಜಿಲ್ಲೆಗಳಲ್ಲಿ ಚಿಕಿತ್ಸೆ ಪಡೆಯುತ್ತಿರುವ 314 ರೋಗಿಗಳಲ್ಲಿ 213 ರೋಗಿಗಳು ಚಾಲಕರು ಮತ್ತು ಕಂಡಕ್ಟರ್‍ಗಳು. ಕ್ವಾರಂಟೈನ್ ನಲ್ಲಿ  117 ಮಂದಿ ಇದ್ದಾರೆ.

                   ಆದಾಯದಲ್ಲಿ ಭಾರಿ ಕುಸಿತವೂ ಕಂಡುಬಂದಿದೆ. ಲಾಕ್ ಡೌನ್ ದಿನಗಳಾದ ಶನಿವಾರ ಹಾಗೂ ಭಾನುವಾರ ಕೆಎಸ್‍ಆರ್‍ಟಿಸಿ 44 ಲಕ್ಷ ರೂ.ನಷ್ಟ ಅನುಭವಿಸಿದೆ. ವೆಚ್ಚ 59 ಲಕ್ಷ ರೂ.ಬೇಕಾಗುತ್ತದೆ.  ಸೋಮವಾರ 3074 ಸೇವೆಗಳಿಗೆ 2 ಕೋಟಿ 45 ಲಕ್ಷ ರೂ.ಸಂ|ಗ್ರಹವಾಗಿದ್ದು, ಇದರಲ್ಲಿ ಡೀಸೆಲ್ ಗೆ  1 ಕೋಟಿ 61 ಲಕ್ಷ ರೂ.ಖರ್ಚು ಆಗಿದೆ.

                 ಸೇವೆಗಳನ್ನು ಈಗ ಸೋಮವಾರದಿಂದ ಶುಕ್ರವಾರದವರೆಗೆ 1,500 ಕ್ಕೆ ಮತ್ತು ಶನಿವಾರ ಮತ್ತು ಭಾನುವಾರದಂದು 650 ಕ್ಕೆ ಇಳಿಸಲಾಗುತ್ತದೆ. ಬೆಳಿಗ್ಗೆ 11 ರಿಂದ ಮಧ್ಯಾಹ್ನ 3 ರವರೆಗೆ ಪ್ರಯಾಣಿಕರಸಂಖ್ಯೆಯಲ್ಲಿ ಭಾರೀ ಕುಸಿತ ಇದೆ ಎಂದು ತಿಳಿದುಬಂದಿದೆ.