ತಿರುವನಂತಪುರ: ಪಾಲಕ್ಕಾಡ್ ನ ಎನ್‍ಡಿಎ ಅಭ್ಯರ್ಥಿ ಮೆಟ್ರೊ ಮ್ಯಾನ್ ಇ ಶ್ರೀಧರನ್ ಅವರ ಗೆಲುವಿಗೆ ಖ್ಯಾತ ಚಿತ್ರನಟ ಮೋಹನ್ ಲಾಲ್ ಹಾರೈಸಿದ್ದಾರೆ. ಇ ಶ್ರೀಧರನ್ ಪ್ರತಿಯೊಬ್ಬ ಭಾರತೀಯನೂ ಹೆಮ್ಮೆ ಪಡುವ ವ್ಯಕ್ತಿತ್ವದವರು. "ದೇಶವನ್ನು ಅಭಿವೃದ್ಧಿಯ ಹೊಸ ಹಾದಿಯಲ್ಲಿ ಮುನ್ನಡೆಸಲು ನಮಗೆ ಇನ್ನೂ ಅವರ ಸೇವೆಗಳು ಬೇಕಾಗುತ್ತವೆ" ಎಂದು ಮೋಹನ್ ಲಾಲ್ ವೀಡಿಯೊ ಸಂದೇಶದಲ್ಲಿ ತಿಳಿಸಿದ್ದಾರೆ.
ಚಂಡಮಾರುತದಿಂದ ಹಾನಿಗೊಳಗಾದ ವಾಂಬಾರ್ ಸೇತುವೆಯನ್ನು ಕೇವಲ 46 ದಿನಗಳಲ್ಲಿ ಪುನರ್ನಿರ್ಮಿಸುವ ಇಚ್ಚಾಶಕ್ತಿಯ ಮಾಲೀಕರು ಇ.ಶ್ರೀಧರನ್ ಅವರ ವ್ಯಕ್ತಿತ್ವದ ಕೈಗನ್ನಡಿ. ಕೊಂಕಣ ರೈಲ್ವೆ ನಿರ್ಮಿಸಲು ಕಗ್ಗಲ್ಲ ಗುಡ್ಡಗಳನ್ನು ಕೊರೆದು ಸುರಂಗಗಳ ಮೂಲಕ ಜಗತ್ತಿಗೆ ಅಸಾಧ್ಯವೆಂದು ಭಾವಿಸಿದ್ದನ್ನು ವಾಸ್ತವವನ್ನಾಗಿ ಮಾಡಿದ ಪ್ರತಿಭೆ. ದೆಹಲಿ ಮತ್ತು ಕೊಚ್ಚಿ ಸೇರಿದಂತೆ ಭಾರತದ ಪ್ರಮುಖ ನಗರಗಳಲ್ಲಿ ಮೆಟ್ರೋ ರೈಲು ನಿರ್ಮಾಣಕ್ಕೆ ಮುಂದಾದ ರಾಷ್ಟ್ರೀಯ ವಾಸ್ತುಶಿಲ್ಪಿ. ಅಭಿವೃದ್ಧಿಯ ಹೊಸ ಮಾರ್ಗಗಳಲ್ಲಿ ದೇಶವನ್ನು ಮುನ್ನಡೆಸಲು ಅವರ ಸೇವೆಗಳು ಇನ್ನೂ ಅಗತ್ಯವಿದೆ, ಸರ್ ಶ್ರೀಧರನ್ ಅವರಿಗೆ ಅಭಿನಂದನೆಗಳು, ಎಂದು ಮೋಹನ್ ಲಾಲ್ ವಿಡಿಯೋ ಸಂದೇಶದಲ್ಲಿ ತಿಳಿಸಿದ್ದಾರೆ.
ನಿಗದಿಪಡಿಸಿದ ಸಮಯಕ್ಕೆ ಮುಂಚಿತವಾಗಿ ಮಾಡಿದ ಕೆಲಸವನ್ನು ಪೂರ್ಣಗೊಳಿಸಿದ ಮತ್ತು ಬಾಕಿ ಹಣವನ್ನು ಸರ್ಕಾರಕ್ಕೆ ಒಪ್ಪಿಸಿದ ವಿಶಿಷ್ಟ ವ್ಯಕ್ತಿಯಾಗಿದ್ದಾರೆ ಶ್ರೀಧರನ್. ಮೋಹನ್ ಲಾಲ್ ಇ ಶ್ರೀಧರನ್ ಅವರನ್ನು ನಮ್ಮದೇ ಮೆಟ್ರೊ ಮ್ಯಾನ್ ಎಂದು ವರ್ಣಿಸಿದ್ದು, ಭಾರತ ಸರ್ಕಾರ ಇ.ಶ್ರೀಧರನ್ ಅರಿಗೆ ಪದ್ಮವಿಭೂಷಣ ನೀಡಿ ಗೌರವಿಸಿರುವುದನ್ನು ನೆನಪಿಸಿರುವರು.
DOCTYPE html>
