ತಿರುವನಂತಪುರ: 18 ವರ್ಷಕ್ಕಿಂತ ಮೇಲ್ಪಟ್ಟವರಿಗೆ ಕೊರೋನಾ ಲಸಿಕೆ ನೋಂದಣಿ ಪ್ರಗತಿಯಲ್ಲಿದೆ. ದಟ್ಟಣೆ ಮತ್ತು ತಾಂತ್ರಿಕ ಸಮಸ್ಯೆಗಳನ್ನು ಮೊದಲ ಗಂಟೆಯಲ್ಲಿ ಪರಿಹರಿಸಲಾಗಿದೆ ಎಂದು ತಿಳಿದುಬಂದಿದೆ. ಏತನ್ಮಧ್ಯೆ, ಆನ್‍ಲೈನ್ ನೋಂದಣಿಯ ತೊಂದರೆಯನ್ನು ನಿವಾರಿಸಲು ಸ್ಪಾಟ್ ನೋಂದಣಿಗೆ ಹೆಚ್ಚಿನ ಬೇಡಿಕೆ ಕೇಳಿಬರುತ್ತಿದೆ. ಕೋವಿನ್ ಅಪ್ಲಿಕೇಶನ್‍ನ ತಾಂತ್ರಿಕ ಸಮಸ್ಯೆಗಳನ್ನು ಬುಧವಾರ ರಾತ್ರಿ ಪರಿಹರಿಸಲಾಗಿದೆ ಎಂದು ತಿಳಿದುಬಂದಿದೆ.
ಮೊನ್ನೆ ಸಂಜೆ 4 ಗಂಟೆಯಿಂದ 18 ವರ್ಷಕ್ಕಿಂತ ಮೇಲ್ಪಟ್ಟವರ ನೋಂದಣಿ ಪ್ರಾರಂಭವಾದಾಗಿನಿಂದ ಅಪ್ಲಿಕೇಶನ್ ನೋಂದಣಿಗೆ ಭಾರೀ ಒತ್ತಡ ಕಂಡುಬಂದಿದೆ. ಕೋವಿನ್ ಆರಂಭದಲ್ಲಿ ಪೆÇೀರ್ಟಲ್‍ನಲ್ಲಿ ಸಮಸ್ಯೆಗಳನ್ನು ವರದಿ ಮಾಡಿದರೂ ಅದನ್ನು ನಂತರ ಸರಿಪಡಿಸಲಾಯಿತು. ಮೂರು ಗಂಟೆಗಳಲ್ಲಿ ಸುಮಾರು 80 ಲಕ್ಷ ಜನರು ಪೆÇೀರ್ಟಲ್‍ನಲ್ಲಿ ನೋಂದಾಯಿಸಿಕೊಂಡಿದ್ದಾರೆ. ಇದನ್ನು ರಾಷ್ಟ್ರೀಯ ಆರೋಗ್ಯ ಪ್ರಾಧಿಕಾರದ ಮುಖ್ಯಸ್ಥ ಆರ್.ಎಸ್.ಶರ್ಮಾ ಘೋಷಿಸಿದ್ದಾರೆ. ಸಂಜೆ 4 ಗಂಟೆಗೆ ನೋಂದಣಿ ಪ್ರಾರಂಭವಾಯಿತು. ಸಂಜೆ 4 ರಿಂದ ಸಂಜೆ 7 ರವರೆಗೆ 79,65,720 ಜನರು ಪೆÇೀರ್ಟಲ್‍ನಲ್ಲಿ ನೋಂದಾಯಿಸಿಕೊಂಡಿದ್ದರು.
18 ವರ್ಷಕ್ಕಿಂತ ಮೇಲ್ಪಟ್ಟವರು ಕೋವಿನ್ ಪೆÇೀರ್ಟಲ್ ಅಥವಾ ಆರೋಗ್ಯ ಸೇತು ಅಪ್ಲಿಕೇಶನ್‍ನಲ್ಲಿ ನೋಂದಾಯಿಸಿಕೊಳ್ಳಬಹುದು. ಆಪ್‍ನಲ್ಲಿನ ದಟ್ಟಣೆಯನ್ನು ಪರಿಹರಿಸಲು ರಾಜ್ಯ ಸರ್ಕಾರ ಸ್ಪಾಟ್ ನೋಂದಣಿ ವ್ಯವಸ್ಥೆಯನ್ನು ಸಮರ್ಥವಾಗಿ ಮಾಡಬೇಕು ಎಂದು ಎಲ್ಲರೂ ಅಭಿಪ್ರಾಯಪಟ್ಟಿದ್ದಾರೆ. ಸ್ಪಾಟ್ ನೋಂದಣಿ ಆಯಾ ವಾರ್ಡ್ ವಿಭಾಗದಿಂದ ಮಾಡಬೇಕಾಗಿದೆ.
ಕಾಸರಗೋಡು ಜಿಲ್ಲೆ ಸಹಿತ ಉತ್ತರದ ಜಿಲ್ಲೆಗಳಲ್ಲಿ ಬಹುತೇಕ ಮಂದಿಗೆ ನೋಂದಣಿ ಸಾಧ್ಯವಾಗದಿರುವುದು ಕಳವಳಕ್ಕೂ ಕಾರಣವಾಗಿದೆ. ಪೋರ್ಟ್‍ರ್ ತೆರೆದುಕೊಳ್ಳುತ್ತಿದ್ದರೂ ಲಸಿಕೆಗಳು ಲಭ್ಯವಿಲ್ಲ ಎಂಬ ಮಾಹಿತಿ ಲಭಿಸುತ್ತಿದೆ. ಈ ಬಗ್ಗೆ ಸಹಾಯವಾಣಿಗೆ ಸಮರಸ ಸುದ್ದಿ ಕರೆಮಾಡಿ ವಿಚಾರಿಸಿದಾಗ ಮೇ.1 ರಿಂದಷ್ಟೇ ಲಸಿಕೆಗಳು ಲಭ್ಯವಾಗುವುದರಿಂದ ಪೋರ್ಟ್‍ರ್ ಹಾಗೆ ತೋರಿಸುತ್ತಿದೆ ಎಂಬ ಗೊಂದಲದ ಉತ್ತರ ನೀಡಿದ್ದು, ಕಾಸರಗೋಡಿನ ಹಲವರು ಈಗಾಗಲೇ ನೋಂದಣಿಗೆ ಅವಕಾಶ ಲಭಿಸದೆ ನೆರೆಯ ಕನಾರ್Àಕದ ವಿವಿಧ ಕೇಂದ್ರಗಳಲ್ಲಿ ಯತೇಚ್ಚ ಲಭ್ಯವಿರುವ ಲಸಿಕೆಗಳನ್ನು ಹಾಕಿಸಿಕೊಂಡಿರುವುದಾಗಿ ತಿಳಿದುಬಂದಿದೆ.
DOCTYPE html>
