ರಾಜ್ಯಸಭೆಗೆ ಸಿಪಿಎಂನಿಂದ ಪತ್ರಕರ್ತ ಜಾನ್ ಬ್ರಿಟ್ಟಾಸ್ ಮತ್ತು ವಿ ಶಿವದಾಸನ್: ಕೆ.ಕೆ. ರಾಗೇಶ್ ಗೆ ಇಲ್ಲ ಮತ್ತೊಂದು ಅವಕಾಶ

                                    

              ತಿರುವನಂತಪುರ: ಪತ್ರಕರ್ತ ಜಾನ್ ಬ್ರಿಟ್ಟಾಸ್, ಡಾ.ವಿ.ಶಿವದಾಸ್  ರಾಜ್ಯಸಭೆ ಚುನಾವಣೆಯ ಕಣಕ್ಕಿಳಿಸಲು ಸಿಪಿಎಂ ನಿರ್ಧರಿಸಿದೆ ಸಿಪಿಎಂ ರಾಜ್ಯ ಸಚಿವಾಲಯದ ವರದಿ ತಿಳಿಸಿದೆ. 

                 ಪಕ್ಷದ ಚಾನೆಲ್‍ನ ಎಂಡಿ ಮತ್ತು ಮುಖ್ಯಮಂತ್ರಿಯ ಮಾಧ್ಯಮ ಸಲಹೆಗಾರ ಜಾನ್ ಬ್ರಿಟಾಸ್ ಅವರ ಹೆಸರು ಮೊದಲಿನಿಂದಲೂ ಸಕ್ರಿಯವಾಗಿತ್ತು. ರಾಜ್ಯ ನಾಯಕತ್ವವು ಬ್ರಿಟ್ಟಾಸ್ ಅವರನ್ನು ರಾಜ್ಯಸಭೆಗೆ ಚುನಾಯಿಸಲು ಪದೇ ಪದೇ ಪ್ರಯತ್ನಿಸುತ್ತಿದೆ. ಆದರೆ ಪಕ್ಷದ ನಾಯಕರ ಬೇಡಿಕೆಯನ್ನು ಕೇಂದ್ರ ನಾಯಕತ್ವ ಈವರೆಗೆ ತಡೆಹಿಡಿದಿತ್ತು ಎನ್ನಲಾಗಿದೆ. ಆದರೆ ಈ ಬಾರಿಯೂ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಅವರ ವಿಶೇಷ ಆಸಕ್ತಿಯಿಂದ ಬ್ರಿಟ್ಟಾಸ್ ಗೆ ಸ್ಥಾನ ಲಭಿಸಲು ಕಾರಣವಾಯಿತು ಎಂಬ ಸೂಚನೆಗಳಿವೆ.

                ಡಾ ವಿ ಶಿವದಾಸನ್ ಮಾಜಿ ಎಸ್‍ಎಫ್‍ಐ ರಾಷ್ಟ್ರೀಯ ಪದಾಧಿಕಾರಿ ಮತ್ತು ಸಿಪಿಎಂ ರಾಜ್ಯ ಸಮಿತಿಯ ಸದಸ್ಯರಾಗಿದ್ದಾರೆ. ಕೇರಳದಿಂದ ರಾಜ್ಯಸಭೆಯಲ್ಲಿ ಈ ಬಾರಿ ಮೂರು ಖಾಲಿ ಸ್ಥಾನಗಳಿವೆ. ಪ್ರಸ್ತುತ ವಿಧಾನಸಭೆಯಲ್ಲಿ ಎಲ್‍ಡಿಎಫ್ ಎರಡು ಮತ್ತು ಯುಡಿಎಫ್ ಒಂದು ಸ್ಥಾನಗಳನ್ನು ಗೆಲ್ಲಬಹುದು. ಕೋವಿಡ್ ಹಿನ್ನೆಲೆಯಲ್ಲಿ ಮತದಾನ ಪ್ರಕ್ರಿಯೆಗಳು ಇರದಂತೆ ಎರಡೂ ಪಕ್ಷಗಳು ಯೋಚಿಸುತ್ತಿವೆ. ಸಿಪಿಎಂನಲ್ಲಿ ಪ್ರಸ್ತುತ ಇಬ್ಬರು ಅಭ್ಯರ್ಥಿಗಳನ್ನು ಮಾತ್ರ ಕಣಕ್ಕಿಳಿಸಲು ತೀರ್ಮಾನಿಸಿದೆ ಮತ್ತು ಮತದಾನ ಪ್ರಕ್ರಿಯೆ ನಡೆಯದಂತೆ ಪ್ರಯತ್ನಿಸಲಾಗುತ್ತಿದೆ ಎನ್ನಲಾಗಿದೆ. 

                ರೈತ ಹೋರಾಟದಲ್ಲಿ ಗಮನಾರ್ಹ ಕೆಲಸ ಮಾಡಿದ ಕೆ.ಕೆ.ರಾಗೇಶ್‍ಗೆ ಸಿಪಿಎಂನ ಒಂದು ವಿಭಾಗವು ಮತ್ತೊಂದು ಅವಕಾಶವನ್ನು ನೀಡಲು ಉತ್ಸುಕವಾಗಿತ್ತು. ಸಿಪಿಎಂ ಮಿತ್ರ ಚೆರಿಯನ್ ಫಿಲಿಪ್ ಮತ್ತು ಕೇಂದ್ರ ಸಮಿತಿ ಸದಸ್ಯ ವಿಜು ಕೃಷ್ಣನ್ ಅವರ ಹೆಸರುಗಳನ್ನೂ ಪರಿಗಣಿಸಬೇಕು ಎಂಬ ಬೇಡಿಕೆ ಇತ್ತು. ಒಂದು ಹಂತದಲ್ಲಿ, ಹಣಕಾಸು ಸಚಿವ ಥಾಮಸ್ ಐಸಾಕ್ ಅವರ ಹೆಸರೂ ಕೇಳಿ ಬಂದಿತ್ತು.

                ಪಿವಿ ಅಬ್ದುಲ್ ವಹಾಬ್ ಯುಡಿಎಫ್ ಅಭ್ಯರ್ಥಿಯಾಗಿದ್ದಾರೆ. ಅವರು ಶುಕ್ರವಾರ  ಬೆಳಿಗ್ಗೆ ನಾಮಪತ್ರ ಸಲ್ಲಿಸಿದರು. ಮುಂದಿನ ಮಂಗಳವಾರ ನಾಮಪತ್ರ ಸಲ್ಲಿಸುವ ಅಂತಿಮ ದಿನಾಂಕವಾಗಿದೆ. ಚುನಾವಣೆ ಈ ತಿಂಗಳ 30 ರಂದು ನಡೆಯಲಿದೆ.